熱門經文出自 Génesis 37

分享

Chúrekua ma, José tsánharhispti ka erachi jempechani aiankuantaspti ampe enka tsánharhipka, imaksï sánteru uinhamentu ikikuspti.

Israeli sánteru xenhchasïrempti Joseni, eska máteru uáp'a tatakechani, jimpoka Jose jimak'ani antap'eunspti enka ima t'arhepepkia, ima xáni xenchani, mámaru atantskata sïrit'akua ma úkuspti.

Enkaksï erachi jempecha mítepka, imaksï eska táte jémpa sánteru xenchasïrempka imani, ikiasïremptiksï exeni ka nóteru jamperiksï uantap'asïrempti xáni ikiakuni.

José ménteru tsánharhispti, ka ménteru aiánkuantaspti imeri erachichani: Ji tsánharhispka tata jurhiatani ka nana kutsïni ka tempeni ka ma ekuatse jóskuechaksï, jinteni janhanharhisïrempka.

Imeri erachi jémpechaksï epurhesïmpti, k'óru imeri táte méntku imani ampe miáni jarhasïrempti.

Arisï aiankuaspti: Kurhaa je, aiánkuaksïni na enkani tsánharika. Juchachinha tríju uarhoatani jamaxapka, ka jókukata úani, ka jucheti jókukata sési anhantetini pakarasïrempti ka chári jókukatechaksï urhipantansïrempti jucheti jókukatani ka mijesïksï ióntosïrempti enka jucheti jájpka.

Ia je, uantikuakachi, p'orhotarhuchi ma k'uaninhaaka, ka ísïchi uantantaaka eska manakorheri ikimenhari ma ántaska. Ka jimachi exeaka ampeteru tsánharhia.

Madiani anapuecha ampe atarantsticha jimesï nitamani jápka, Joseri erachi jémpecha p'orhotarhu p'inhantaspti ka k'uiripuechani Ismaeliri sïrukua jempechani atarakuantaaspti Joseni, ma ekuatse taiakata jimpo, ka imaksï Joseni Ejiptu pákorhespti.

Arhip'erasptiksï: Exe je ixu jurhaxati tsanhariti.

Enkaksï imaksï iauani uératini exepka, imaksï uantaxespti ka pakatperasptiksï eskaksï uántikupirinka.

Ka ménteru arhiaspti imani uarhikuarhu p'imutantani ka eska ima táte jempa jinkuni k'uanhatsentapirinka: Ásï atanhe uántikuni, p'orhotarhu k'uanima je enka jima jaka enka no nema irekaka, k'óru ásï atanhe.