熱門經文出自 MARKUS 4

分享

Keke Jesus, isergangiNa lau ras angin ndai nina, “Sinik!” Jenari nina man lau, “Jenenglah!” E maka minter angin ndai ngadi, janah lau ndai pe enggo jeneng kal. Jenari nina Jesus man ajar-ajarNa, “Engkai maka kam mbiar kal? Langa kin kam tek?”

Reh biarna pe kalak ndai nina sapih-sapih ia, “Ise kin ndia IA, maka angin ras galumbang ngikutken kataNa?”

Jesus arah pudi i bas perahu e, iamparkenNa takalNa i babo bantal jenari tunduh IA. Paksa e rembus angin meter ras galumbang si merawa. Iombang-ambingkenna perahu e, dingen lau pe bengket ku bas. E maka ingeti ajar-ajar me Jesus nina, “O Guru, la kin kutera pe ukurndu amin bene pe kita?”

Ikataken Jesus pe man kalak ndai, “Ukurkenlah kai si ibegindu! Sukat-sukat si ipakendu man kalak si deban, e ka nge ipake man bandu, janah ibereken pe tambahna.

Iterusken Jesus ngerana nina, “Kinirajan Dibata banci iandingken ras sekalak si ngambur benih i jumana. Paksa berngi tunduh ia; suari idahina dahinna. Kidekah si e benih ndai ersuli, turah pe. Tapi kuga carana turah labo ieteh perjuma ndai.

Begikenlah, adi lit kin cupingndu!”