熱門經文出自 Mathew 5

分享

Wa o tanun mulaŋ gate tiu o pul, wa we map lalaŋe wumeto, nava alo tano pul, wa te valawar iragai nol alo ima. Tamaine gina nomiu o marmararan ni valawar alo nagora tanun ŋaŋ, si neira a ilo mora nomiu o gagapalag we wia, wa we ge ronoga i Tamamiu tavunana apena.

Kamiu gai o marmararan tape marama. O laqlaqe vanua ta taqa avune tauwe tete vatŋorag lai.

Ineira ira gene vawia we lolo matartoga, ape neira te ilo mora God.

Ineira ira gene vawia we maliŋsala wa we marou o taniniga, ape neira te toqo.

Pa na we vava mun kamiu wa, Tur tape nomiu o tavalalea ŋaŋ; tur wievavae irasei qe vivnag kamiu; tur vawia rasei qe loloanu kamiu; wa tur tataro apen rasei we koskos gap kamiu wa we gege kamiu

Ineira ira gene vawia ra masara alo lolora, ape namora o marana tavunana.

Ineira ira gene vawia we ge tamata kel, ape te logira si ira nanatun God.

Ineira ira gene vawia we lolowono, ape te ge masur kelura.

Ineira ira gene vawia me gege neira ti o manigiu o taniniga, ape namora o marana tavunana.

Ineira ira gene vawia we lolo magarosa, ape te magarosa ineira.

Kamiu ira gene vawia alo te vava vasigtag kamiu, wa we gege kamiu, wa we tila galegale kamiu ape sale gene we tatas ŋaŋ manigiu inau. Tur qaraqara wa tur masekeseke, ape nomiu o rusarusai we poa avunana; pa tamaine gina neira me gege ira prophet ŋaŋ me moai nan kamiu.

Ineira ira gene vawia we aperig, ape neira te taur usurag mora o marama.

Kamiu o nawo tape marama: pa si o nawo ta tamtamalea te tasig kel gasavai? gate wia ran nane aŋaisa, pa si a savsavrag reag, wa te vanovara.

Pa namatevumiu ni wia ran tama namatevun Tamamiu tavunana we wia ran.

Panava nomiu o vavae ni tamaike wa, We, we; Tagai, tagai; pa o sava we raka sage nan iloke we talo ganganor ma.

Kam me roŋotag si me vava ti, O matai ape matai, wa o liwoi ape liwoi; pa na we vava mun kamiu wa, Nipea leasag goro o tatas; pa si isei qe wosa napalasama o matua, ka ate ris munia ape tavala palasama.

Wa si namatama o matua qe ge tutuagiko, ka wakele lue, wa ka savrag reag naniko, pa we wia nane si nasoesoema tuwale te tagea nan we savrag naturiama nol i Geena. Wa si napanema o matua qe ge tutuagiko, ka tara mot, ka savrag reag naniko; pa we wia nane si nasoesoema tuwale te tagea nan we savrag naturiama nol i Geena.