熱門經文出自 Yohané 14

分享

Me faṅ fite bin, me fà yàm fite bin, ke fà bin à mba njù num mfà là. Kà ntù tsin vètte, ke bèn mbwôge.

Yésu tshob yi ndù: Tu wul àm me b'a manze mba nenùne, mba yôg. Sàm mèn ke' be kum mbaṅ Tà ke be ndù a tshùa num àm.

Kà ntù tsin mvètte, bin bam Nsi, mbèn mbam mba me.

Là ngafitentù, Ywèt Nelàn tse Tà nsi tum num lén sàm nà, yen nà nsi tswite zin njoṅ tshu fa, bèn nkwimte njoṅ tshu fa tse me tshob bin nà bin.

Mèn z'a ghù ntshù' màm mbèn nke ndé' là, yen ni b'a mèn me nsi kô i, bèn tswite wul àm yi.

mba tu wul àm me nsi le'te Tàa; a nsi fà mo' ngafitentù bin, ndùlala ndù a be bin à bo yoṅ ntshù'. Ywèt nenùn ze njù ke' ku'ni nekwé là, nummbe a num ntswe bin à bo, mbe ndù a nsi be bin à bo.

Mba ke lo ze bin nsi bètt'a num lén sàm nà, me nsi ghù yen nà, ndùlala ndù nkuni Nsi tswite wul i num Mén. A be ze bin bètte ju num lén sàm nà, mba me nsi ghù.

A be ze bin kô àm nà, mba bin nsi lé' ntshù' màm

Dù'ntswe num ntùm ndà Tàa yàme; a lo mbe ndù a ke' be, mba me lo tshob bin, nummbe me tshwèt nèn nenabte dù' bin.

Ngelaṅ ze me nsi nène, kà nabte dù' là, me nsi bèn se' lo' zine, ndù dù' ze me be bwe là, mba bin be zin bwe.

Tomas tshob yi ndù: Tshùaben, bag ke' lèn dù' z'o tshwèt nèn nà, bag nsi lèn manz'a ndùke?