熱門經文出自 Neto'te 18

分享

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

Sara zwi ntùm ntù i, ntshob ndù: Ndonni ze m'a ywèn nà, be me bèn ndèn mbwô ju ké? Mba kua' ndu àm a ywène.

Abraham a' tù' tànjam ngô mba ze neta. Bo nsi tshùa à njam i kà yab kàn njoṅ ngôngô fa nsitsha'a.

Abraham kù'te nèn mbaṅ Tshùaben ntshob yi ndù: Ndùlala o nsi biagte mèn netsin bo mèn kebwô ké? Mo' ndù be ben netsin be num ngô ntu ṅam ntàn. A be Ndùlala mb'o nsi biagte yube, ke ko ndèn ngô num tu ben netsin tse ṅam ntàn tse bo num bwe là ké?

Tshùaben bùnte ndù: A be ze me tèt ben netsin ṅam ntàn mà Sodom nà, mba m'a lagte njoṅ ngô fa num tu bo.