熱門經文出自 যোহন 15

分享

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

মঅ সমারে থাগঅ আর মুইয়ো তমা মনত্ থেম্। আংগুর্ গাজ লগে ন-থেলে ডেলাগুন্ যেবাবোত্যেগুরি নিজে নিজে গুলোগুলি ধুরি ন-পারে, সেবাবোত্যেগুরি মঅ লগে ন-থেলে তুমিয়ো নিজে নিজে গুলোগুলি ধোরেই ন-পারঅ।

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

কেঅ যুনি তা সমাজ্যেগুনোত্তে নিজো পরাণান্ দে সালে তাত্তুন্ বেশ্ কোচ্‌পানা আর কারর্ নেই।

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

মঅ উগুমান্ ইয়েন, মুই যেবাবোত্যেগুরি তমারে কোচ্‌পেইয়োং, সেবাবোত্যেগুরি তুমিয়ো একজন আরেক জনরে কোচ্‌পেইয়ো।

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

মুয়ই আজল্ আংগুর্ গাজ্ আর মঅ বাপ্পো গিরোজ্।

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

মুই মঅ বাপ্পোর্ বেক্‌ উগুমানি পালেনে যেবাবোত্যেগুরি তা কোচ্‌পানাত্ আঘং, সেবাবোত্যেগুরি তুমিয়ো যুনি মঅ উগুমানি পালঅ সালে তুমিয়ো মঅ কোচ্‌পানাত্ থেবা।

এ উগুমান্ মুই তমারে দোঙত্তে যেন, তুমি একজন আরেক জনরে কোচ্‌পঅ।

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।