熱門經文出自 JOHAN 1

分享

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

Ceunak cu mui lakah khan a ceu i muihnak nih khan zeitikhmanh ah a hmit bal lo.

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo. Bia cu nunnak hram a si i cu nunnak nih cun minung kha ceunak a pek hna.

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo. Amah ram a simi ah khan a ra nain, amah mi ciacia nih khan an rak cohlang duh lo.

Ceunak taktak cu vawlei cungah a ra i mi vialte a ceuhtu ceunak kha a si.

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.