熱門經文出自 От Матфея 7

分享

«А̄птык, алъхыӷулъықуси; иваӷитык, на̄лъкулъықуси; тыңлюхтуҳтык амихкун, қылъпыӷулъықӣси.

Қаюҳлъяк кина алңунак а̄плъыҳӣ, алъхыӷусяҳқа̄гуқ; кина алңунак иваӷилӷӣ, на̄лъкусяҳқа̄гуқ, кина алңунак тыңлюхтулӷӣ амихкун, қылъпыӷулъықа̄.

«Кина алңунак нагалъҳӣ апыҳтуӷилъымнун, қа̄ткыхкумики пыҳқинылӷӣтун юхтун аюқуқ мыңтыӷаңлъяқақ уйӷагым қа̄йңакун.

Ынка̄м юлгутыхпысинун пинитун пистысюкуфси, лъпысилъю пинитун пӣқитыки. Таўатын апыҳтуӷиңӯт Моисейем Лӣлиҳтӯсӣлъю, ӯкналиқистытлъю игақыхкӣт».

Иўырңа амик уңувалъыӷмун аюқылӷӣ кахпыста̄ҳа̄гуқ, тӯмлъюгмытуқлъю ынка̄м қафсинкӯраҳа̄м на̄лъкақӣ тумыт уңувалъыӷмун аюқылӷӣт».

Та̄хкын Иисусым пикӣ: «Итыҳтык кахпыста̄ҳаҳқун амихкун. Амик геенамун аюқылӷӣ нуқутӯқ, тӯмкыхтуқлъю ынка̄м угляқ та̄кўагун иглыҳтақуқ.

Сыӷлыӷуӷңа̄ҳпыси, авақутаси тӯньяҳқақаси пинилӷӣмың тунусямың. Атази қилягмылңуқ тӯниюгатаӷаӷлюни аюқуқ пинилӷӣмың тунусямың тама̄кунун а̄плъыҳинун лъңанун.

Иисусым апыҳтӯсяни нагныӷуткӣ: «Нанқихтихпынаси иляхпысиның ынка̄м Кияӷныӷым нанқихныӷилъиси, қаюҳлъяк Кияӷныӷым нанқихлъықӣси таўатыңўа̄қ нанқихтилъыҳпысистун иляхпысиның. Атуқылъықӣлъю лъпысинун ата̄сит тама̄кут пикаси иляхпысинун.

Иўырңа кина алңунак нагатыӷңа̄ӷми апыҳтуӷилъымнун, қа̄ткынӷилъкумики, налъюқатун юхтун аюқуқ мыңтыӷаңлъяқақ қына̄ҳлъюхкун.

Сяңан ысҳаҳсигу юлгутыхпык ӣсқуӷутңа, лъпык катам ӣсқуӷутын унаҳсиҳлъяк авылӷаӷлюку? Сялӷӣмың юлгутын пизигу: “Ынта̄а ӣсқуӷутңиқаӷлякын”, лъпык паниның ӣсқуӷутылгулютын унаҳсиҳлъягмың?

«Кылыңалюси ӯкналиқистысиӷўа̄ӷның. Такулъықӣси пынъӣҳсюгниҳқылъютың, та̄ўаңинақ угиҳсялӷӣстун ама̄стун аюқут. Лӣгикылъықаси наңаӷныӷитхун лӣгикылъыҳпысистун уқфигыт сямың пӣтыстилъҳитхун. Сикуҳлъюгыт пӣтыстиңигатут виноградымың налиӷмың смоквамың, таўатыҳпигақ сыӷлыӷыт югыт пинитун пиңигатут.

Уқфик пинилӷӣ пӣтыстияҳқа̄гуқ пинилӷӣмың, та̄ўаңинақ уқфик сыӷлық пӣтыстияҳқа̄гуқ сыӷлыӷмың.

Уқфик пинилӷӣ пӣтыстина̄нӷитуқ сыӷлыӷмың, уқфик сыӷлық пӣтыстина̄нӷитуқ пинилӷӣмың.

Ынка̄м алңунак уқфик пӣтыстинӷилңуқ пинилӷӣмың кыплъюни кумаҳсяҳқа̄гуқ.