熱門經文出自 Genesisy 25

分享

Hoy NY TOMPO taminy: Firenena roa no ao an-kibonao, ary vahoaka roa toko no hisaraka hatrany an-kibonao; ny vahoaka iray toko dia hahery noho ny iray, koa ny zokiny dia hanompo ny zandriny.

Hoy i Esao tamin’i Jakoba: Mba omeo amin’io mena io aho hohaniko, dia io mena io, fa reraka aho. Izany no nanaovana ny anarany hoe Edoma.

Ary Isaka dia nangataka tamin’NY TOMPO ho an’ny vadiny, satria momba izy, dia nohenoin’NY TOMPO ny fangatahany ka nanana anaka i Rebeka vadiny.

Hoy kosa i Esao: Indro, ho faty ihany aho; koa misy antony inona amiko izay fizokiana? Hoy i Jakoba: Mianiàna amiko ary aloha. Dia nianiana taminy izy ka namidiny tamin’i Jakoba ny fizokiany.

Taorianan’izay dia teraka koa ny rahalahiny, ary ny tanany nihazona ny voditongotr’i Esao, dia nataony hoe Jakoba ny anarany. Enimpolo taona Isaka raha niteraka azy mirahalahy ireo.

Ary Isaka dia tia an’i Esao satria nankafy ny hazany izy; fa i Rebeka kosa dia tia an’i Jakoba.