熱門經文出自 Lûke 12

分享

Nyënyê ndjë gbɛ̂, äwäpä nyë sə tchêtchêtchê, bëte Modô ndə̂ Akrə âkadje ngbâ yê lə̂ dalo ndə̂ nyê wun-abô sə̂nə̈ tee-a.»

Äwäpä nyë pu köbo Gbölö gö-gbïɛ̈ ndə̂ Ndjapä dokʉ̈tchê, käko Ndjapä âkʉadje adɨ̂ arə gbɛ̂ ëpânə̈ sə̈ nyê.»

Pânə̈ Jezü tô rə̂ sə̈ azü gbɛ̂ päkëdə̂: «La nyê gbö-ê! Âwâbo pä nyë za su nyê pâ kə̂ gbo rə-a, bëte kə̂ gbo rə gbö ndə̂ ngâ akrə bâtabô tchîsûwu ndə̂ yê-a.»

Bëte sə̂nə̈ ndə̂ rə ndə̂ nyê wâ tâ, su nyê kä ndjë tâ.»

Tchabâ lə̂ gûtə̂ nyê kä ndə̂ âwâ ndə̂kə̂ za ngâ lö ëpâ lö yê lə̂ köbosə̂ kə̂ dɨ su yê?

Jezü tô rə̂ sə̈ adjisîpili ndə̂ yê päkëdə̂: «Bëte rə̂ kä më tô rə̂ sə̈ nyê: Nyë dɨ̈äbô su nyê dɨ̂ bëte tchîsûwu ndə̂ nyê, tə̂ pö ndə̂ kɨ̈zɨ̂ ndə̂ nyê zɨ rə̂, âdəndjë tə̂ pö ndə̂ lə̂ba ndə̂ nyê yu rə̂ tê nyê.

Tche dɨ̂ su küma nyê nə̂ gbɛ̂. Nyë mböäbô wa mbô-ê; nyë rö ayɛ̈yɛ̈ anyïɛ̈nə̈ lâme tə̂ gbölösə̂nə̈!»

«Nyë mböäbô wa mbô-ê, aɛ̈bro-ngbaga ndə̂ Ndjapä! Bëte äfü tə̂ Bha nyê ndə̂kə̂ za Gbölö gö-gbïɛ̈ sə̈ nyê.

Nyë wünsa angbâlambô; andjë lûâbo rəgʉ-a, kə̈ sôâbo ndjë ndjî rəgʉ-a, andjë wâbo la ngâ tchô ndə̂kə̂ bata rə tâ-a, âdəndjë gro-a, Ndjapä kä ndə̂ âkʉ kɨ̈zɨ̂ sə̈ andjê. Nyë rö anyïɛ̈nə̈ tə̂ gbölösə̂nə̈!

Âwâbo pä nyë sə lakə̂ dɨ su nyê tə̂ rə ndə̂ nyê zɨadje rə̂, âdəndjë rə ndə̂ nyê ndjoadje rə̂-a. Tchə̂lə̂ küma nyê djingɨliabô djîngɨli.

Ndjapä ndə̂ tche yu abë-kɨ̈ndɨ̈ ndə̂ âwâ angêta ndə̂kə̂ pa lâmbo azü yi rə̂ atə̂lə̂ wo, ämbö atöko ânyë tchetchë la tə̂ yê yuabô lə̂ba yû ëtə̂ nyê? Nyënyê ndə̂kə̂ za su nyê sə̈ Ndjapä wâ kpîɛ̂kpîɛ̂ rə̂ âtə!

Rə gbɛ̂ ndə̂ âwâ wü, âwutuadje ësûwu. Pö gbɛ̂ ndə̂ a wûn-âbô sə̂nə̈ wûn, a âwun-adje sə̂nə̈.