熱門經文出自 Yohana 1

分享

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Ha mwamulizo i yinze lono yali yikali nawumbwa, I Nghani yali yali baho. Nayo I Nghani yali yali hamonga no Mulungu, i Nghani nayo yali Mulungu.

No wuzelu wuwo wumulikaga mu wutitu, hamba wutitu si wuwusumaga yaye.

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Ivinhu vyose vyawumbilwa muli mwene, na hasina ciwumbwa cinji co cose cono cawumbwa, hono hasina mwene. U Mwene yali yo mwamulizo wo wumi; no wumi wuwo wali wuzelu we wanhu wose.

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Ale, i Nghani yali mono yinze, ne yinze yawumbilwa muli mwene, ninga i yinze si yamutanga yaye. Yakaza mu yisi yakwe mweneco, ninga i wanhu wakwe si wamubocela yaye.

Awu wo wuzelu we mbeka, u wuzelu wono wukuza mono yinze, no kuwamulicila wanhu wose.

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.