熱門經文出自 Juan 5

分享

Jabo Jechu judi cjiadiädëmȩrȩ ji̧dë u̧i̧ ni̧bä chjaoa̧dejȩrȩ, ja̧di ta̧rëri̧ a̧de yo̧mȩrȩ: —Danȩrȩ, tjamo̧i̧ cjiari̧ yo̧requededibe. Cüdë ni̧bä chjaoa̧ pio ju̧i̧ ta̧rë ja̧boji̧ri̧ pio judiro̧, coa chjadüa̧mȩ pio ju̧i̧ quëna̧ji̧ri̧ judiro̧, jabechji̧ bucho ana̧ cjo̧ro̧rea̧ dadirȩ —yo̧a̧dejȩrȩ—. Jabechji̧ bape chjaoa̧ oa cjiadëpadirȩ, jabo bucho ana̧ cjo̧ro̧rea̧ daji̧ri̧pea̧dirȩ, ja̧boa̧mi̧ dari̧ cjiarërea̧ ji̧.

Ado Jechu judi pio ju̧i̧ daea̧dejȩ. ‘Aja̧, no̧mȩ tjamo̧ri ja̧ a̧rȩdida, no̧mȩ tjamo̧ri ja̧ jidatadida’ quëna̧ dabamȩrȩ daea̧dejȩ. Ado iëno̧ë ta̧rëa̧dejȩ: —¿Chjapea̧ oa cjiadëri̧ cjianȩ?

Järi tjamo̧nȩrȩ Ütë tjamo̧ ja̧ ma̧ȩ oa dabapapea̧ ji̧. ‘Aja̧, pio yoa ma̧ȩ oa chjadëri̧ dabapea̧ oaiä bucho ana̧ cjo̧ro̧rea̧ dapaa̧ro̧da’ quëna̧ jo̧rȩtaji̧ri̧rȩ dabapatanȩrȩ. Jabo pio jiro ma̧ȩ üdë pio coa chjiari ni̧bäde. Jabo cjäri̧ marenȩro̧coe, mȩnȩro̧ pio coaiäpȩ ma̧na̧mi̧ dari̧ quëna̧tärea̧ ji̧, quëna̧dëri̧ cjiarenȩro̧coe. Tjamo̧ davä. Cüdë pio dibëiäpȩmo̧ bucho ana̧ cjo̧ro̧rea̧ yürüpea̧ oa ma̧na̧mi̧ dari̧ quëna̧dëri̧ cjiarenȩro̧coe —yo̧a̧dejȩrȩ Jechu judi judio tjamo̧ yo̧ji̧ri̧ pio ji̧ri̧iäpȩmo̧.

Ado ja̧dëa ji̧ Jechu judi yo̧a̧dejȩ: —Cjitëno̧vä. Na̧ tjae a̧rȩrea̧ pio ju̧i̧ mitëno̧ ëte, tai̧vä —yo̧a̧dejȩ. Ado chjaodëri̧ chjapea̧ oa cjiarëremȩde pumȩ üdë. Ado cjitëno̧a̧ ëte, jibëa̧ tjae a̧rȩrea̧ oa mitë ëte, jabechji̧ taruparëremȩde tai̧pea̧ ji̧. Jabo cjiadiärea̧ dorëremȩde. Järätä chjaparea̧ dorëremȩde.

Pio ju̧i̧iä Jechu judi yo̧rëremȩdejȩrȩ judio tjamo̧ yo̧ji̧ri̧ pio ji̧ri̧iäpȩmo̧: —Danȩrȩ, tjamo̧i̧ cjiari̧ baämȩ ma̧ȩ pio ju̧i̧ yo̧requededibe —yo̧a̧dejȩrȩ—. Ja tjamo̧ pio judirequede. Ado ca̧ea̧ ma̧na̧ri̧ jo̧rȩtamȩrȩ japadërequede. Jabechji̧ jape cjiamȩ oa dae chjaoreconȩ ca̧ Ama̧i̧ ju̧i̧. Ado judi japea̧ pio ju̧i̧mo̧i̧ japarequede cüdë. Pio judi japami̧ dari̧ japarequede, Ja tjamo̧mȩrȩ.