熱門經文出自 GENESISE 17

分享

E rile Aberame a le dinyaga di le 99, Jehofa a bonala kwa go Aberame a mo raya a re: “Ke nna Modimo Mothatayotlhe; sepela fa pele ga me, o se na selabe sa molato.

Le gone leina la gago ga le ketla le tlhola le bidiwa Aberame, mme leina la gago le tlaa nna Aberahame; gonne ke go dirile raa-bontsi jwa merafe.

“Ke tlaa tlhomamisa kgolagano ya me gare ga me le wena, le losika lwa gago sefularong sa gago, go ya le ditshika tsotlhe tsa bone, gore e nne kgolagano e e sa khutleng, ya go re, ke tlaa nna Modimo mo go wena le mo losikeng lwa gago sefularong sa gago.

“Ka ga me, bona, kgolagano ya me e na nao; o tlaa nna rra-bontsi jwa merafe.

Modimo wa re: “Nnyaa, Sara mosadi wa gago o tlaa bona ngwana wa mosimane nao, o tlaa mo raya leina o re, Isake. Ke tlaa tlhomamisa kgolagano ya me nae, le losika lwa gagwe sefularong sa gagwe go nna kgolagano e e sa khutleng.

Lefatshe la majako a gago, lefatshe lotlhe la Kanana, ke tlaa le naya wena le losika lwa gago sefularong sa gago, go nna boswa jo bo sa khutleng; ke tlaa nna Modimo wa bone.”

Foo Aberahame a wela fa fatshe ka sefatlhogo, a tshega, a ithaya mo pelong a re: “A ngwana o ka bonwa ke yo o dingwaga di lekgolo? Le Sara yo o dingwaga di 90, a o ka bona ngwana?”

Modimo wa raya Aberahame wa re: “Ka ga Sarai, mosadi wa gago, o se ka wa bitsa leina la gagwe Sarai, leina la gagwe e nne Sara.

Lo tlaa rupisiwa nama ya letlalo la bonna jwa lona; mme e tlaa bo e le sesupo sa kgolagano fa gare ga me le lona.

Kgolagano ya me ke tlaa e tlhomamisa le Isake yo Sara o tlaa mmonang nao, ka lobaka lono lo lo tlhomameng lwa isago.”

A go rupisiwe mosimane mongwe le mongwe wa lona a le malatsi a a ferang mebedi, mo ditshikeng tsotlhe tsa lona, ene yo o tsaletsweng mo ntlong, gongwe yo o rekilweng ka madi mo moennyeng, yo e seng wa losika lwa gago. Yo o tsaletsweng mo ntlong ya gago, le ene yo o rekilweng ka madi a gago, ba na le go rupisiwa fela. Kgolagano ya me e tlaa nna mo nameng ya lona, go nna kgolagano e e sa khutleng.