熱門經文出自 मत्ती 5

分享

और लोग दिवौ ज़ाल़ियौ टेबला थाली नाईं पर उंच़ी ज़ागाह दी छ़ाड़ाई तैबै तेसकु घौरा रै सौभी लोगु लै प्याशौ पौउंच़ा आ। तिणी ई तुमारौ प्याशौ भी आदमी काऐ च़ौमका कि सै तुमारै भौलै कामा देखीयौ तुमारै बाबा री, ज़ो सौरगा दी आ, बौड़ाई कौरा।

तुमै धौतरी रै लोगु लै प्याशै ज़िणै ई। ज़ो गाउँ पहाड़ी माथै आ बौसौ औन्दौ सेऊ नाईं च़ोरुई सौकदौ।

“आशीष वाल़ै ई सै, ज़ासरौ मन साफ आ, कैलैकि सै परमेश्‍वर देखाल़ै।

“आशीष वाल़ै ई सै, ज़ो भौलाई री ज़िन्दगी ज़िउणै री च़ाहा छ़ाड़ाई, कैलैकि परमेश्‍वर तिउंलै पुरौ कौरा आ।

पर हाऊं तुमुलै बोलाऊ आ कि आपणै दुश्मना कु प्यार छ़ाड़ौ और आपणै सताउणै वाल़ै लै कर प्राथना

“आशीष वाल़ै ई सै, ज़ो ज़िवा रै निउलै ई, कैलैकि सौरगा रौ राज़्य तिऊंरौ आ।

“आशीष वाल़ै ई सै, ज़ो मेल मिलाप कौराउणै वाल़ै ई, कैलैकि तिउंलै परमेश्‍वरा रै लोल़डै बोलाई।

“आशीष वाल़ै ई सै, ज़ो शोक कौरा ई, कैलैकि सै परमेश्‍वरा तौरफा कु शांती पा आ लै।

“आशीष वाल़ै ई सै, ज़ो भौलाई रै काम कौरणै री वज़ाह कु सताईआ ई, कैलैकि सौरगा रौ राज़्य तिऊंरौ आ।

“आशीष वाल़ै ई सै, ज़ो दया कौरणै वाल़ै ई, कैलैकि परमेश्‍वर तिऊं माथै दया कौरा आ।

“आशीष वाल़ै ई तुमै, ज़ेबी लोग मेरी वज़ाह कु तुमारी बेइज़्ज़ती कौरा ई, और सतावा ई और झ़ूठ बोली-बोलीयौ तुमारै बिरोधा दी सौभी रौंगा री बुरी बुशै बोला। तेबी खुश और मौगन हौणौ, कैलैकि तुमुलै सौरगा दी बौड़ौ इनाम मिला आ। एथीलै कि तिंउऐ सै ज़ो भविष्यवक्ता थै ज़ो तुमु कु भौरी पैहलै थै इणै कौरी सताऐ थै।

“आशीष वाल़ै ई सै, ज़ो नौरमिऐ च़ाला ई, कैलैकि सै धौतरी रै हक्कदार हुआ लै।

“तुमै धौतरी रै लोगु लै लुणा ज़िणे ई। पर अगर लुणा रौ स्वाद बिगड़ी जा लौ, ता सेऊ तैबै केज़ी च़िज़ा कौरी लुणुऔ चाणीया लौ? तैबै सेऊ केज़ै कामा रौ नाईं, सिरफ बाइरै शोटणा लै और आदमी रै लाता थाली फेच़णा लै।

एथीलै च़ांई कि तुमै भी सिद्ध बौणौ, ज़िणौ तुमारौ सौरगा रौ बाब परमेश्‍वर सिद्ध आ।”

पर तुमारी बूश ‘हां’ री ‘हां,’ या ‘नाईं’ री ‘नाईं’ च़ांई हुई। कैलैकि ज़ो कुछ़ एथकु भौरी हुआ आ सेऊ शैताना कौरी हुआ सा।

“तुमुऐ शुणी गौ कि नियमा दी लिखौ औन्दौ थौ, आखी रै बौदल़ै आख, और दांदा रै बौदल़ै दांद। पर हाऊं तुमुलै इणौ बोलाऊ कि बुरै रौ बौदल़ौ नाईं निणौ। पर ज़ुण-कुण तैरै सुल़टै गौलौण्टै दी थापै ला लौ, तेस भिलै दुजौ गौलौण्टौ भी कौरै।

अगर तेरी सुल़टी आख इणौ देखा ली कि तू विश्वासा ई डगमगाइयौ पापा री बाटा दी डेई गौ, ता तिऐं आख तू पोरु गाड़ै। कैलैकि ताउंलै इणौ भौलौ आ कि तैरै शरीरा रौ एक आंग खातम हुई गौ और तैरौ सारौ शरीर नौरका दी नाईं पौड़ा। अगर तू आपणै सुल़टै हाथै इणौ काम कौरालौ, ज़ो ताऊं पापा री बाटा दी नीईंयौ विश्वासा दी डगमगावा लौ, तैबै ताऊं लै आच़्छ़ौ आ कि तेस हाथ पोरु काटै। कैलैकि ताउंलै इणौ भौलौ आ कि तैरै आंगा मांझिऊ कु एक खातम हुई गौ और तैरौ सारौ शरीर नौरका दी नाईं पौड़ा।