熱門經文出自 YOHANA 15

分享

Inche nomosabibu, na inwe nechinsagia. Oyo omenyete ime yane, na inche ime yaye, oyio name mono, ekiagera ntaiyo inche, timokonyara gokora kende gionsi.

Menya ime yane, na inche ime yaino. Buna orosagia rotanyare kwama rwoka oronyene, rotabeti ime ase omosabibu, naboigo nainwe motamenyeti ime yane.

Komoramenye ime yane, na amang’ana aane karabe ime yaino, saba kera ekemoganetie na inwe namokorerwe.

Tari inwe mwanchorire inche, korende ninche nabachorire inwe, nababekire mogende kwama, okwama kwaino goikaranse; erio rinde rionsi mogosaba Tata ase erieta riane, nigo arabae.

Onde tari ore nobwanchani obonene kobua obo, obw’omonto akorua obogima bwaye ase engencho y’abasani baye.

Kera orosagia ime asende orotameti, nigo akoronacha, na kera orokwama nigo akorososa, erinde romente kwama.

“Richiko riane nario eri: Mwanchane buna nabanchete inwe.

Ase ayio Tata abakwe ekero mwamire mono; na inwe namobe aborokigwa baane.

“Inche ninche omosabibu bw’ekeene, na Tata one nomoroiseria.

Omonto otamenyeti ime yane, nigo aratugutwe isiko buna orosagia rwomete. Chinsagia chiomete nigo chigosangererigwa, na korutwa ase omorero, na koyia.

Aya nabatebirie, erinde omogoko one obe ime yaino, naende ng’a omogoko oino oikeranigwe.

Komorabwate amachiko aane, namomenye ase obwanchani bwane, buna inche nabwatete amachiko a Tata one na komenya ase obwanchani bwaye.

“Aya nabachikire naro aya: mwanchane.

Onye nab’ense mware, anga ense iyancha abare abaye, korende ekiagera inwe timori ab’ense, otatiga inche nabachorire korwa ase ense, ase ayio ense yabagechire.