熱門經文出自 Yn. 12

分享

Yesi yesi owenya khu khuukholela ese kimilimo khukhwola anonde, nio omukholi wase abe nase niio ndi. Yesi yesi oukholelanga kimilimo, Paapa wase amuelesianga liria.

Yesi yesi osiima bulamu bwewe alabutibia, ne yesi yesi obiila bulamu bwewe mu sibala sino alaba nabwo khulwe bulamu bwa mindali.

Ndikho muboolela bung'ali ndi: lumiicho lwe ngano ne lukhakwile mu liloba mala lwafwa, lurama busa lwong'ene, ne lwaba ne lufwa lwaama engaanu engali.

Nechile mu sibala nga buwaanga, nio buli mundu osuubila mwise akharama mu siilima tawe.

Aaba bali omundu yesi yesi aulila burume bwase mala saburia tawe, se ndimukhalakila tawe, se necha khukhalakila sibala tawe, ne kakhali necha khusiionia.

Nio Maria abukula kamafura kaunya bulayi enusu eye lita, ke bukusi bwe angaaki, kakang'oonwa khukhwama khu narito endayi, akachukha khu bikele bia Yesu, mala akeeya ne lichuune liewe. Kumuuya kumulayi kwe kamafura ako kwechula enju yoosi.

Nio babukula chisakia che kamakheendu mala barura khucha khumwakaanila ne baapa luyoka lwe khoyo ne baloma bali, “Hosana! Ali ne chikhabi oyo owichila mwisina lio Mwami! Omwami owa Isiraeli!”

Yesu abakobosia ali, “Esaa yolile niyo Omwana wo Mundu anyoolela luyali.