熱門經文出自 UMOZHIGO 17

分享

Aka na ti ga Abram zhɛrɛ shiywa dupu-na-buhanda-na-shɛba-shi-cinjishi (99) te e meci bu. Nazhɛ AGWANGWAMA bananɛ bụ caakwụ, bɛɛ hiɛŋ bụ, Gamba n shɛ Agwatana na Hwuri Kpaaŋ, na hwuga-unu mu maa na nda iyi nɛ teni cɛŋ, nazhɛ abụ zha shɛ ba 'yaga unu-tusapa.

A zha shɛ ɛ hiɛŋ ya izeci bu ga Abram, ama ɛ zhɛ mɛ bi hiɛŋ ya ga Abraham, iwɛnɛ tu Ngaa bụ njɛ bishi be edenji ofwugwo.

N zhɛ kaa mo shikicingo unu mu tutwa na ashashɛ mi na bụ keeni ajalalo bu a na zhɛ ma bụ 'wa tutu awaŋnɛ aba kpaaŋ. Iwɛnɛ po ụ shɛ unu-tutwa unyizo-nom, maa ma sha Agwatana bụ keeni Agwatana ajalalo bu a na zhɛ ma bụ 'wa.

Hioko, unu mu tutwa namɛ na bụ, M bi shileni kaa unu maa gabụ bi zhɛ ba sha bishi bu unyama we edenji ofwugwo.

Ama Agwatana hiɛŋ bụ, Awo, ga Sara biyikwo bu, ubwa zhɛ ma bụ matanga yɛu-ye-eyi, ibɛ ɛbi zhɛ ba pa iŋ izeci ti ga Azik. N zhɛ mo shikicingo unu mu unyizo-nom tutwa nu bwa keeni ajalalo ubwa a na zhɛ a 'wa bụ.

N zhɛ kaa ma bụ pana cɛnjɛ tu ga ahiɛ shɛ alashɛ na tuba, ta ajalalo bu; tuba tɛ shɛ cɛnjɛ ti Kenan kpaaŋ, maa hi 'yaga tụ unyizo-nom. Nazhɛ Ngɛɛ zhɛ ma sha Agwatana aba.

Nazhɛ ga Abraham ubi ụpɛshɛka ubwa na cɛnjɛ baa hiɛnjɛ ilɛtu, bɛɛ mɛmɛ hiɛŋ, Ɛ tɛ zhɛ a matanga waa bụtụ na tɛzhɛla tu bwa tu namwawaŋ shiywa dipi-yebi (100) yɛu hŋ? Ga Sara, na tɛzhɛla tu bwa tu namwawaŋ shiywa dupu-na-buhanda (90), bi tɛ zhɛ ba mata waa yɛu hŋ?

Nazhɛ Agwatana hiɛŋ Abraham, Te kwuni na aka ga, bi zha shɛ bɛ hiɛŋ ya izeci biyikwo bu tu ga Sarai kwukwuŋ, ama ta Sara ibɛ shɛ ya izeci ibwɛ.

Hiɛ shɛ hia jaja ihwumbwe teleyi ti hiŋ, ibɛ kaa zhɛ ya sha useyida unu mu tutwa na namɛ na ashashɛ mi ne hiŋ.

Na Azik na ga Sara zhɛ ma bu matanga, na aka gana ga unywanywa, ibɛ tuba Ngɛɛ zhɛ mo shikicingo unu mu tutwa.

Te kwuni na aka ga i shɛ tilɛɛ maa e jeji teleyi ti yɛu-ye-eyi ye elele nɛ ijitɛ ibɛ ulwa itindɛtu te e meci iŋ nu uwaŋnɛ hiŋ elele kpaaŋ. Ti inɛɛ nɛ ee meci ni ihwɛ hiŋ, ti inɛɛ nɛ oo so nu ukwuribi bu, nɛ banɛ na cɛnjɛ ti nya. Ta bụtụ na ee meci ni ihwɛ bụ keeni bụtụ na oo so nu ukwuribi bu, bɛ shɛ baa jaja teleyi tilɛɛ, iwɛ maa unu mu tutwa nama na tu'waba ti hiŋ tutu unyizo-nom.