熱門經文出自 ILUKU 13

分享

“Anụ cheri kanụ jụ bwu ọnụ ụgbẹyị okpiilee nya ọhịhị ka ẹpwụ nya ọhịhị ọmyịmyị-ka mẹ! Chajị, m jam ya jenu nya ịlẹhị-ịlẹhị yẹkẹẹ, iru nya angịnyị lụmẹ-lụmẹ juwa ka teleko nyọka jụ kele. Ma, ọ́ tị ka chịkpẹẹ haa myị́ kpong-kpong kaka.”

Ụka ọọwa, ọnyang ọhẹ juwa ọlẹ ká olegu onyobyi wu nya ịlẹhị-ịlẹhị. Ọ kọọ bawụlẹ kụracha, du kọ jẹ́ kaa godayị kọkọ kpakpakpa myị́ ka. Ẹdụrụ ọọwa kpọọ lala ẹka iwo kụrụ ineku lẹ. Ịnyị, ụka ká iJisọsị chẹhị kaka yẹ ọnyang ọọwa lẹ, ọ byoo yẹkẹẹ, “Ẹnwa ọnyang, a gbocho hi ẹdụrụ nyang ọwẹ alẹ lẹ!”

Ịnyị, ụka ká iJisọsị nịra ụbwọ nyamwụ kaka gu ọnyang ọọwa lẹ, ọ jẹ́ nịra kpakpakpa, la gogo, juwa gwogbo ha Ohe Oluhye ụ-ụwa lẹlẹ.

Anụ yẹ mẹ, angịhyẹ ịlẹ kị ku ẹkpẹ, ka yẹ kaka ri angị ji ịlahị. Angị ịkịla ịlẹ kị tị ji ịlahị ka mwọọgịlẹ yẹ kaka ri angị ji ẹkpẹ ịnyịnyị.”

IJisọsị myịmyị byaa yẹkẹẹ, “Ụka ká ayịdẹpwa á wuleji tụ ụgbẹyị ku kpá ene lẹ aalẹ, anụ ka godayị rịrị ọ-ọnang, juwa yụbwọ kpụ ụgbẹyị, juwa bịlẹ yẹkẹẹ, ‘Ọngọlahị, chuchuu, wụrụ ụgbẹyị hahị mẹ!’ Ụka ọọwa, ọ ka wẹ byinu yẹkẹẹ, ‘Ale, anụ tị́ bwu warị ene? Am jẹẹnụ kpong-kpong ka!’

Ehe! Ịnyị, ọ la ka. Nya ịlẹhị, m byinu yẹkẹẹ, ó-ri kaanụ ayịdang á yẹ irya da bwu ẹpwụ nya ịhọbịrị ịhọhọ nyanụ ka aalẹ, anụ ka ta ayịreji ịnyịnyị wẹẹ!”

Ụka ọọwa, ayịdẹpwa ọọwa ka myịmyị wẹ byinu yẹkẹẹ, ‘Nya ịlẹhị-ịlẹhị, m byinu yẹkẹẹ, aḿ jẹẹnụ nya angịnyị nyam kpong-kpong ka. Chajị, anụ ri angị họ abwẹla inyibyi lụmẹ!’

Ịnyị, iJisọsị a yẹkẹẹ, “Ịịyẹ ịpyị Adịrahụ nya Ohe Oluhye a tị́ me kpong-kpong? Ịịyẹ m tị́ ka chụ kaka pwoku ịpyị adịrahụ ọọwa kpá lẹẹ mẹ? Ịpyị Adịrahụ nya Ohe Oluhye lala ẹjẹ nya okoji ọlẹ kị wụrụ ịmọsịtadị, ọlẹ ká ọlẹng ọhẹ kpa kaka tọ ẹ-ẹrụ nya apwụ iriri nyamwụ. Ụka kọ bwu kpehe, ọ nwa kaka ri okoji ọtụka. Ọọwa lẹ, ịchịnụ iluhye-ọgba a kaa kele kaka nọ awụ u-uhye nya abwọ nyamwụ lẹlẹ.”