熱門經文出自 ƐƐNYCAN O LOOCU 15

分享

Arek ni Abram ziniz Jook tuwɛnta ɔrɔɔt ɛlɛ. Ma atal Jooi nɔɔnɔ giye nico.

Ma vurte nice enek Jooi Abram wunozyai nɛ, “Má anyei ŋoliin. Ŋaan keen naana kilip cun, ma ŋaan kanyin ineet gi ci appe ɔrɔɔt kadizikin.”

Ooyi ni Jooi Abram bitaala, ma akɔ anek nɛ, “Cin di tammu kɛŋ. Kɛɛp di monyony ci ɛɛl tammo kɛŋa neke mã anim. Anyei zin katin niina dɔl ci dɔl cugun ci meelik kotobtɔ ki monyony niceke.”

Ma azii bodo niini molok ci Joowo anek nɔɔnɔ nɛ, “Alaŋ Ilizar ceen gabarɛn o avadin ineet, bar avadin tiŋeere ineet ŋɛɛrun cunɛ maany.”

Enek ni Jooi nɔɔnɔ nɛ, “Agamnyi katin dɔlya ci dɔl cugun kɔɔt kiziti mirɔk looce ci ɔl oogi. Ma avɔ agide niigi ŋinaante irkitok eet tur lak wec (400).

Bar abarzek Abram nɔɔnɔ anek nɛ, “Manyi Jook, gitaz ci ka dizikan aneet? Akɔmnan dɔl ci ka kavadawan. Bar kɔrɔk can o arigizi tiŋeere gabarɛnti onane kazi Ilizar een Damaciken.”

Zin iitene nice ɛlɛ eterkedek bodo Jooi Abram zɔɔz ci anek nɛ, “Kanyi dɔl ci dɔl cugun looc nico akanai ŋaao ajɔŋɔz looc o Masiru zɛɛ ma akɔ arum liil o adikir kazi Yuparatiz.

Bar zin abon rak aavtiz niigi ŋinaante irkitok eet tur lak wec (400), eeci ŋaan kizi iiten ci ka kapai gerzitin ci ɔl o Kanan. Aje zin niina alya ŋaan arugi ŋinti rɛɛn ɔrɔɔt zɛɛ ma adaai kanyatiz.”