熱門經文出自 SAN MATEO 26

分享

Kólleyxmakha, nágkólnaktén, kólteme nempeywa nelmaxnagko yakwayam enxoho megkahapwék kéxegke ekyekkónma. Kélmenyék eykhe kóllának kéxegke ekpayhawo nak anlána', kélyelkáxkók eyke.

Aptahak axta apkeláneya s'e: —Eyeykhágwokmók ko'o selapwayam máxa entahak sétsapa enxoho. Kólhakha sat se'e. Nágkólnakten aksa, helwahánho sat matyenma.

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

Neyseksa aptéyak axta apmak pan Jesús, apmések axta ekxeyenma apwáxok Dios, keñe axta apyepta, apkelmeyásegkek axta anhan apkeltámeséyak. Aptahak axta apkeláneya s'e: —Kólma, kóltaw, keso sekyókxoho ko'o s'e.

Keñe axta apma anhan egheykok, apmések axta makham ekxeyenma apwáxok Dios, keñe axta apmésa apkeltámeséyak. Aptahak axta apkeláneya s'e: —Kólyenák kélyókxoho s'e

Keñe axta apmeyákxo makham aphágkaxa apkeltámeséyak. Apwetágweykxeyk axta apnaktena. Aptahak axta Jesús apcháneya Pedro s'e: —¿Megkólwancheya exchek megkólnaktena ekweykmoho xama hora selwéhenawo selhaxneykha ko'o?

Eltennásek eyke ko'o kéxegke peya meynekxók cha'a ko'o vino elánamáxche nak anmen yámet ekyexna, ekwokmoho sekyenawo xamo' kéxegke vino axnagkok ekyetna nak ma'a aptémakxa nak Wese' apwányam Dios.

keñe axta ekxénwákxoho apwáxok Pedro aptémakxa axta apkenagkama Jesús se'e: ‘Antanxo sat katnehek mexeyenma exchep sekwesey amonye ekpáwa tat'a.’ Keñe axta aptepa Pedro m'a, axta yeyságkohok apwana.

Nók, kólchaknekxa néten; keto' apwa'akxa m'a ektaha axta apkeltémo amaxchek ko'o.

Aptahak axta apcháneya Jesús se'e: —Yakxegkásekxa axagkok sókwenakte apagkok, hakte apyókxoho énxet ektaha nak apkelmeykha sókwenakte apkennapmap, sókwenakte nahan kannápok.