熱門經文出自 Tuk 32

分享

Ni ɛn wa̱nɔ cuɛ cu wee i̱, “Ɛ ciötdu /ca bi nyɔk kɛ ciöl i̱ Je-kɔb, kɛ ɣöö ji̱n ci kueer kɛ Kuoth kɛnɛ naath kä cikɛ dhal. Ba ciötdu cu cɔl i̱ I-thɛ-rɛl.”

Min cɛ guic inɔ cuɛ wee i̱, “Päl ɣä a wa̱a̱ kɛ ɣöö po̱o̱tdɛ ɣɔw.” Kä cu Je-kɔb ɛ loc i̱, “/Cä ji̱ bi päl ɛ ni mi wi̱i̱ ɣä jɔl kɛ puɔ̱th.”

Cuɛ cu duɔth kui̱c yiëër kärɔaadɛ. Kä nɛ̈nɛ jɛ, cu wut mi kueckɛ gua̱a̱th in bëë thi̱n rɔ muɔ̱n jɛ, kä cukɛ kueer kɛnɛ jɛ amäni bak ɣɔaa.

Cu Je-kɔb gua̱a̱th ɛmɔ cu cɔl i̱ Pɛ-nu-el, kɛ ɣöö ɛ jɛn i̱, “Cakɔ nyinkɔ nɛn kɔnɛ Kuoth, kä cä lɛni ŋot te̱e̱kä.”

Mëë ci wut ɛmɔ ɛ ŋa̱c ɛn ɣöö /cɛ kueer ɛ luäŋ, cuɛ juɔɔl Je-kɔb pat kä cu juɔɔl Je-kɔb cu tëë ri̱el ri̱el.

Ɛn wa̱nɔ, cu ram indaan ɛ ku thi̱ec i̱, “Cɔal ciötdu i̱di?” Kä cu Je-kɔb ɛ loc i̱, “Je-kɔb.”

Ɛn wa̱nɔ cu Je-kɔb ɛ jiök i̱, “Läri ɣä ciötdu.” Cuɛ jɛ loc i̱, “Ɛŋu mi thieeci ni ciötdä?” Kä cuɛ Je-kɔb cu poth ɛn wi̱ni.

ɣän /cä ro̱ŋ kɛ kɛn tin diaal tin ci nyuth ni ɣä kɔ̱a̱c lɔaacdu min thil pe̱k. Ɣän mëë jiathä kir Jɔr-dɛn, te ni kɛɛt tetädä, kä ɛn täämɛ cä la bua̱a̱n da̱ŋ rɛw.

Nɔmɔ ɛ jɛn min thɛ̈ɛ̈kɛ ni ra̱a̱l in te juɔl ɛ gaat I-thɛ-rɛl amäni täämɛ kɛ ɣöö cɛ kam cɔ̱ɔ̱ni juɔl Je-kɔb pat.

Cuɛ cu pal wëë i̱, “Aɣ Kuoth Nhial, Kuoth gua̱a̱dɔɔŋ ni A-bɛ-ram, Kuoth gua̱a̱r ni Ay-dhɛk, ji̱n Kuoth ëë jio̱k ɣä i̱, ‘Locni ro̱o̱lu kɛnɛ watku kä bä nyinku diaal jak kä ro̱ŋ,’

Kän ɣä kä dämaar ni E-thɔ dualä kɛ ɣöö bɛ kɔ mak kɛ ko̱r a /cɛ män bi päl kiɛ gaatkiɛn.