熱門經文出自 ATITI AWM ANGCHEI NAI 12

分享

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai. Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ARENG ly Abram teng y, “Nangmy i pri, nangmy i amjo amnauchi hawi ngampo i yhm dengdairei theu ly kai my kang patei nai pri mang y chei.

ARENG my thui pi nai kamta Haran mary i dengdairei theu nai thym khala y, Abram i saneng ly vui saryh taja pangrei awm. Lota py mymy hawi vanrei abang teang.

ARENG ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai ARENG i vui maicham sa bo.