熱門經文出自 JOHAN 19

分享

Lo Jisu le keshonzü tsü tsülo ntsin, “Pen laso,” tsonshüo A-kapu hoshü la.

Tsüselo Jisu le tha aphu thyü penkelo shalo njüo, ketsin lesü jo no penlo nrün genyu, “Ale teriho laso.”

Lo tsükatsü Jisu le a-jvü lo a-le so keryü senthyükelogü anyugun le tsükhoka kebin hyushü njüo a-le, a-jvü ka, “Nnyu le li.” Tsüselo a-le senthyükelogü ka, “Njvü le li.” Tsüselo senthyükelo tsügü le a-zen gü a-npvü a-ka ki leyi tinla.

Ai anyugun le Jisu ki keryü ka a-le sikela hyulo njüo a-pha duse mvula. Tson-e shüpahünyu nme le mi lope Jisu nyasin jen shü, lo tsonshü ntsin tezi lo züle tsun chwiryü.

Lo ketsinlesü nyu, “A-ru nme-e duse loho,” tson kenjü jo no penlo nrün genyu tha hi aphu thyü keshü. Tsüntimvule ketsinlesü nyu jo kecha nme le, “Anyugun le anyugun npvü mi pe jen kelagü tsü nri ti,” tson thu njü.

Tsügenyu anyugun le Jisu zen gunla. Lo tsükatsü a-le a-npvü a-krus pen-o bin nme a-zan le Pekhunru tsekethyü, Ibrinyu khwen ki Golgatha tsekethyü nme nyu gunla.

Lo shüpahü nyu dan le tsehü pe raja perün thyülo-o pe a-pe rün shü, lo phi nhon shweshwe tsekethyüe a-no benlo.