熱門經文出自 JOHAN 15

分享

“Ale vainbin gü, hagun le a-ro dan; temi lihigüe age bin lo Apvü ge bin tse kehünyu, tsünyu le nshalo hünyo. Kechamvule asin mvutse hagun le thame thyülo keho genyu.

Hagun a ge binlo, lo ako hagun nyu binlo ti, a-ro le a-bin ge bin kemvu we nshalo kemvu hontse hagun ko age bin kemvu we nsha loho.

Hagun le age bin lo ajo le hagun nyun ka bin tselo,tha hagun kenyü hilo nye, lo tsü khipe hagun tsüshü ti.

Hagun le a kejülo mvu, ai hagun no gü hagun sha nshalo, lo hagun sha no binlo titse kethyü genyu ale hagun kejülo, lo hagun no alo kethyünyu thyü kelo gwünzin. Hagun no azan nyu Pvügü ki tha lihi hi-e a-no tsü pe hagun tsüshü titse kethyü genyu.

Temi nme-e a-kesonyu genyu a-phou hokeshü hinye ki keso keda ndi.

Age chwikeryü a-ro lihigüe nshalo hü kemvu gü tsü gü no nshalo mvu ketsin nila ti, lo a-ro lihigüe nshalo kehünyu tsünyu no nsha kenyelo nrün genyu tsünyu thyü kenshün shü h"nyo.

Ale hagun so keryü hontse hagun ko khinyunyu solo lotse kethyü ajo le hi.

Hagun sha nsha chon kelo, tsüge tsü Apvü zan no chwilo ti; tson-o hagun le a sikethen nyu ketsin thyü loti.

“Ale vainbin ketsin gü, lo Apvü le low ketsü gü.

Temi lihigüe age bin mvu yatselo, a-ro hontseo pe shwenla hü, lo mele pe mah nyu shüla hünyo, tson-o tsü rola hü.

“A kekenyü no hagun ge binlo nrün, lo hagun kekenyü no tilo nrün genyu ale jo hilope hagun ka zokeshü gwünzin.

Lo hagun le ajo hokeshü zen bin yatselo ale Apvü johokeshü zen bin-o a-le a keso nyu bin kehü hontse hagun le ale hagun keso nyu binlo ti.

Hagun no khinyunyu solo titse kethyü genyu ale jo hilope hagun ki shü bin nyo.

Hagun le kazü hinyu temi yatselo, kazü hile a-npvü a-temi solo ti; ai hagun le kazü hinyu temi mvule ale kazü hinyu hagun kejülo kela genyu kazü hile hagun ntsü hünyo.