熱門經文出自 Mareko 16

分享

Kua tuatua maira aia kia ratou, E aere kotou ki te pa enua ravarai, e tutu aere i te evangelia nei ki te tangata tini ravarai.

E te aronga e akarongo ra, ka riro ia ratou teianei au akairo; Ka peke te au demoni ia ratou i toku nei ingoa; e tuatua ratou i te reo ou; E rave ua oki ratou i te au ovi ra; e kia inu ratou i te mea e kavangiaʼi ra, kare ratou e mate; kia tuku oki ratou i te rima ki rungao i te aronga maki ra, ka ora ïa.

Ko te akarongo e kua bapetizoia ra, e ora ïa; ko te kore ra e akarongo, ka akaapaia ïa.

Aere atura oki ratou, tutu aere atura i te pa enua ravarai, ko te Atu katoa oki i te rave katoa anga i te angaanga, e te akatinamou anga i taua tuatua ra, i te au akairo i raveia ra. Amene.

Kua tuatua maira aia kia ratou, Auraka e ngarangara; te kimi nei kotou ia Iesu i Nazareta, ko tei akasatauroia ra: kua tu akenei aia ki runga; kare aia i ko nei: ka akara i te ngai ta ratou i vaio iaia.

Kia akara atura ratou, kite atura e, kua oti i te uri keia taua toka ra; e toka maata uatu oki. Kua tomo atura ratou ki roto i taua tanumanga ra, kite atura ratou i tetai tangata ou, te noo ra ki te pae katau ma te kakau roa teatea; koiriria atura ratou.