熱門經文出自 Mareko 13

分享

E makitakitaia mai kotou e te tangata ravarai i toku nei ingoa; ko tei tāpu tikai e tae ua atu ki te openga ra, ka ora ïa.

E matakite oki ia kotou, e akamaroiroi, e e pure; kare oki taua tuatau ra i kitea e kotou.

E kia arataki ratou ia kotou e tuku atu ki te aronga akava, auraka e na mua i te akamaara i te tuatua ei tuatua anga, auraka oki e kimi mamao i te manako: ko tei akakiteia mai ia kotou i reira ra, ko ta kotou ïa e tuatua, kare oki kotou uaorai tei tuatua, ko te Vaerua Tapu ra.

E kore ake te rangi e te enua; kare rava ra taku nei tuatua e kore.

Kareka te reira rā e te reira ora, kare rava tetai e kite, kare oki te au angela o te rangi, kare katoa oki te Tamaiti, ko te Metua anake ra.

E kia akarongo kotou i te tuatua tamaki, e te rongo tamaki, auraka e mataku: e na mua oki te reira i te tupu e tikaʼi, kare ra e vaitata te openga i reira.

E tenana e ara kotou; kare oki kotou i kite i te ora e tae mai ei te atu o te are ra, i te aiai ra aina? te turuaipo aina? i te kakaoa anga moa, e i te popongi aina? Ko te aere vave mai aea, e rokoia maira, te moe ra kotou. E taku e karanga atu kia kotou nei, te karanga atu nei au ki te tangata ravarai, Ka ara.

E tu mai tetai enua e tamaki mai ki tetai enua, e tetai basileia e tamaki mai ki tetai basileia: e te ngaruerue o te enua i tera ngai, i tera ngai, te onge oki, e te taitaia maata; ko te momua ïa teia au mea no te mate.

E na mua ra te evangelia nei i te akakiteia atu i to te pa enua ravarai e tikaʼi.

E manganui te ka aere mai ma toku nei ingoa, e te na ko anga mai e, Ko au te Mesia, e manganui oki te ka vare.

Kia matakite ra ia kotou uaorai, e tuku oki ratou ia kotou ki mua i te aroaro o te Sunederi; e ka pāpāia oki i roto i te au sunago ra; e noku nei e aratakiia atu ei kotou ki mua i te aroaro o te au tutara ra, e te ui ariki, ei kite no ratou.

E au Mesia pikikaa oki te ka tu mai ki runga, e te peroveta pikikaa, e tuku mai i te akairo e te ravenga taka ke; e tae ua atu te vare i te aronga i ikiia ra, naringa e tika.

E kia tae ki taua tuatau i muri ake i taua mate maata ra, e akapoiriiaʼi te rā, e te marama oki, kare ïa e kakā mai; E topa mai oki te au etu o te rangi ra, e te au mea mana o te rangi ra, e ruruia ïa.