熱門經文出自 Luka 6

分享

Ka oronga, e ka rauka ta kotou; e ki te aite, e taomiia, e ruruia, e maringi ua atu, na te tangata e riringi mai ki roto i to kotou kakau. Ko te aite ta kotou e aite atu, ko ta kotou rai ïa kia akaaiteia mai.

E tuku mai te tangata meitaki i te mea meitaki no roto i te putunga meitaki i roto i tona ngakau; e tuku mai te tangata kino te mea kino, no roto i te putunga kino i roto i tona ngakau: no te ki oki o te ngakau i tuatuaʼi te vaa.

E aroa ra kotou i to kotou au enemi, e e takinga-meitaki, e oronga atu, auraka ua atu ei manako okooko, e tutaki maata ta kotou i reira, e ka riro oki kotou ei tamariki na Tei Teitei; e takinga-meitaki oki tona ki te aronga mareka kore e te tangata kikino.

E aroa oki to kotou, mei to kotou Metua e aroa maira.

Auraka e akakino atu, e kare kotou e akakinoia mai; auraka e akaapa atu, e kare kotou e akaapaia mai, e akakore atu i te ara, e ka akakoreia mai ta kotou.

Teia ra taku tuatua kia kotou, e akarongo mai ra, E aroa atu i to kotou au enemi; e takinga-meitaki atu i te aronga i makitakita mai ia kotou; E akaora i te aronga i tao mai ia kotou, e pure oki i te aronga i takinga-kino mai ia kotou.

E ta kotou e inangaro ia etai ke ra, ka akapera katoa atu kotou kia ratou.

Tei moto maira i to paparinga na, e ariu katoa atu i tetai; e tei rave i to kakau pu na, auraka katoa e tapu i to pereue. E oronga atu na tei pati mai ia koe na, e ko tei rave i toou apinga, auraka e pati akaou atu.

Kare te rakau meitaki ra tei ua mai i te ua kino, kare oki te rakau kino ra e ua mai i te ua meitaki.

Te kitea nei te au rakau katoa i tona uaorai ua tikai; kare oki to runga i te rakau taratara te suke kia rauka mai, e te vine oki, kare ïa mei runga i te tataramoa.