熱門經文出自 GYƆNI 1

分享

Amaa ba zaa daa bu za'asi u, ka baseeba ban daa sakki n‑deaai u, ka niŋi u yuuri yɛdda maa, ban ka u daa tisi soori ni ba ti leebi Naawunni biisi.

Duniya piiligu ni ka ban boonni sɔ ‘Yɛligu’ maa daa pun bɛ ni. Yɛligu maa daa bɛ la Naawunni saani, halli ka Naawunni n daa nyɛ u gba.

Neesim maa muna - di neaari la zibsim ni, ka zibsim maa mun na zi n‑nyaŋŋi di, bee, m‑baŋŋi di gbinni gba.

Tɔ: ka Yɛligu maa daa ti labgi la ninsaala. U daa bɛ ti saani, ka veelim ni yɛlimaŋni daa bɛ u ni n‑gaari sɔkam. Tirima n daa nya u gyirima ŋɔn bɛ seem maa; u Ba Naawunni ka biiya m‑paasi u zugu, ka bigaŋŋa gyirima n nyɛ u dinni.

Ŋɔn saani ka Naawunni daa naam seelikam zaa; halli bunseelli ka ni ka Naawunni daa naam, ka ŋɔn Yɛligu maa daa ka bɛni. Yɛligu maa ni ka nyɔvuri daa yi na, ka lala nyɔvuri daa taasi neesim na nti neaai n‑ti ninsaala.

Beoo ŋɔn daa ti neaai, Gyɔni daa nya Yisa ka u kyɛnni u saani na, ka yɛli, “Ya nyama! Naawunni Pɛbila maa nŋɔa! Ŋɔn zaŋŋni duniya tumbeeri taalli m‑basira.

U daa bɛ la duniya wa puuni. Amaa halli ni u saani ka Naawunni daa naam duniya maa gba, di zaa yɔri duniya dima daa bu baŋŋi u. U daa kyɛ u mammantoori tingbaŋŋu na, amaa u mammantoori niriba maa daa bu deaai u.

Neesimaŋni n‑daa la; din neaari n‑niŋni ninsaalidima zaa. Lala saha maa ka neesim maa daa kyɛnni duniya wa na.

Musa saani ka Naawunni daa kyɛ ka u zaaligu maa daa paai ti na, amaa Yisa Kirisita Masiiya saani ka ti nya veelim ni yɛlimaŋni.