熱門經文出自 Nau Ntơm 27

分享

Dăn Kôranh Brah ăn ma may geh dak rngêt tă bơh kalơ trôk Ndrel ma ăn neh kah ma may đŏng. Dăn Kôranh Brah ăn may geh ba, ndrel ma ăn may geh ndrănh play yŭng yar ƀon dŭt ŏk. Dăn Păng ăn phung bunuyh êng êng ăn sơm kơl jan kar ma may. Dăn Păng ăn bunuyh bri dak êng êng kŭnh bôk yơk ma may. Dăn Păng ăn may jêng kôranh ma oh nô du ndŭl deh may nơm. Dăn Păng ăn oh nô du ndŭl deh ma may kŭnh bôk yơk ma may. Bu moh păng i rtăp may ăn Kôranh Brah rtăp ma păng. Bu moh păng i ăn geh jêng ma may ăn Kôranh Brah ăn geh jêng ma păng đŏng”.

Êsao lah: “Di ngăn bu tê̆ rnha păng «Yakôp» nây, yorlah păng pit lơi ndơ gâp lĕ bar tơ̆ ma dja jêh, du tơ̆ păng pit nau khlay kon bôk dak gâp, aƀaơ dja păng pit đŏng geh jêng gâp jât. Ơ bơ̆, lah ndri may mâu rong geh jêng ma ăn gâp đŏng?”

Isăk bơ̆ păng ri lah ma păng: “May tay gŭ ta ntŭk neh sŏt Dak rngêt tă bơh kalơ trôk mâu geh đŏng. May tay rêh siăm săk ma đao may nơm Ndrel ma gŭ sơm kơl jan kar ma oh may nơm. Yơn ma geh du nar, may mra klaih bơh oh may Mƀăr lơi mŏng mbăk păng ta tong ko may”.

Êsao ôp bơ̆ păng: “Ơ bơ̆, may geh du nây dơm geh jêng may? Pă gâp đŏng geh jêng may bơ̆ ơ”. Nôk nây Êsao nhŭm nter ngăn.