熱門經文出自 Saŋ 1

分享

Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.

Li húkitumahu, Hulimahu babaje tówum Ateemit ajuul̥ adunaayi. Hulimahu li Ateemit hulakowe, ban Hulimahu humum ho hommuu Ateemit.

Mawuŋaamu li mujaaŋen li élimayi, bale élimayi eyabut mo.

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Ateemit li Hulimahu láwuwenume wahawu feh. Bajut wah wabaje, wan Ateemit áwuwenumut li ho. Li Hulimahu buloŋabu bulakowe. Ban buloŋabu bulakomuu mawuŋaamu mata bukanabuku.

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu li hulako li adunaayi. Bale maayeet min Ateemit ajuul̥ummuu adunaayi li Hulimahu, adunaayi eyabut ho. Hulimahu li hubil bata bukanabuku kata ho, bale bukanabuku kata ho kuyabut ho.

Mawuŋaamu ummu, mo bale mommuu mawuŋe mata mal̥egen, mabilumuu li adunaayi min muwuŋen bukanabuku feh.

mata Ateemit li Móyiis lásenumolaal eluwaayi.