熱門經文出自 HAOKAPHOK 25

分享

Kala PROHOna ali hānga, “Nawui naopamli miyur khani zangda lei, Nana kapharā miyur khani hi ngayarkhaira. Akhana akhapāli pangmeira, khararana paisholi otram ngatha̱ra.”

Kala Esauna Jacobli hānga, “I thaināhaira, han kahung hangda khalei chi khamizālu!” (chieina awui ming Edom hoi).

Apreiva̱ Rebekah naokashumwui vang Isaacna PROHOli seihā sāmi; kala kapo chi PROHOna khuisangmida apreiva̱ Rebekahna nao vaihaowa.

Esauna hānga, “Kathaina thiki jiura; khararpam hina iwui vang khi kānnārakhala?” Jacobna hānga, “Ili shākhi sārifalu.” Chieina ana shākhi sāda awui khararpam Jacobli yorsanghaowa.

Chiwui thili agato pharāshoka, kala ana Esauwui pheimaja̱li singda tai; chieina awui ming Jacob hoi. Anili kapharā tharān avāva̱ Isaacwui kum hangtharuk kāhairasai.

Isaacna Esauli leishilāka, kaja awui ramsā kashai samphanga; kha Rebekahna Jacobli leishimei.