熱門經文出自 JOHN 14

分享

“Iniu naliu khuga agi-manaibo pikhaibo-e; Iniu naliuleng pikhaibo haise agu agi-manaibo-e. Kadihpiriniu pibo kumjiu Iniu pikhaibo makge. Naliu manang tulo, khatdi kabuakmi tulo, khatdi pingmi tulo.

Jesu niu paokakge, “I hai npui si-e, majibo si-e, khatdi karingbo si-e; akhu gasu makjiu mai khatniudi Apiu khuga wanglu lakge.”

“Naliu lung magen thiujiu kabuakmi tulo”, chiujiu Jesu niu paliu khuga din-e. “Tingwang tudi malumlo, atudi malumlo.

Apiuniu chamtan gasu langkhai rabo Khakhaipao, Masanbo Hiupuina siniu pakhiangna katikhai bine khatdi Iniu naliu khuga dinkhai mibo hinase naliutu pi maningtao khaine.

“Agu chamtantu lukhaibo khatdi majaibo pase atu lungsabo-e. Atu lungsamai hinatu Apiuniu lungsa khai bine; Idi paliutu lungsajiu apumsiak madulen khai bine.”

Iniu Apiu khuga khengkhai bine, sichiujiu paniu naliuleng Khakhaipao khat pikhai bine. Pahai Tingwang lamga majibo madukhaibo Hiupuina si-e. Kadihpiri siniu patu lukhai ngam makge, palamra haisiniu patu ngao makge, maksai simakge. Chiudi naliura patu sibamme, palamra paniu naliutu maluang bamme khatdi naliu khuga pah bamme.

Azan gasu naliuniu khengbo hina Iniu kamkhai bine, sichiujiu Papiu kendise Nahpiu khugasu lenkhai bine. Naliuniu chamtan gasu khengbo hina Iniu kamkhai bine.

“Naliuniu atu lungsa-e sai, agu chamtan haise majai rabo-e.

Apiu kyga pabam keng bamme, sichiujiu Iniu naliuleng pabam kadenra tadmine. Haise bammak liusai Iniu naliu khuga dinkhai lakge.

Sichiujiu Iniu tadlujiu naliuleng pabamse kaden loisai, Iniu bambo bamga naliudi bamra I malan wangjiu naliutu puirabo-e.

Thomas niu pakhuga din-e, “Rapiu yo, nangniu tadrabo bamse aliuniu simakge; sichiusai aliuniu dechiujiu sibo npuise silu ralo?