熱門經文出自 Yohana 4

分享

Ū Mulungu alī Moyo, a balamya bakwe nabo shibigelile kūnamya mu moyo na mu nghana.”

Kwike ī likanza līliza, nīyo ī haha līlīho, ī lya balamya ba ng'wa nghana kūyūnamya ū Baba mu moyo na mu nghana; nguno ū Baba abatogilwe a balamya abo bakanamyaga mu mbika yenīyo.

Alīyo ose-ose ūyo ūgang'wa a minzī ayo nakūng'winha nene, atūkolwa notà welelo bose, a minzī ayo nakūng'winha gakūbiza lūzwīlo ū mulī wei, lwa kwikala lūkūpumunhikaga būja na būja pyī ī shikū.”

Nanghwe ū Yesu ūnshokeja ūng'wīla, “Ūlū ni ūshimanile ī shakwinha sha ng'wa Mulungu, nū yūyo alīkūwīla gīkī, ‘Ninhage minzī nang'we,’ nangho ni wanomba akwinhe minzī mapanga.”

Nanghwe ū Yesu ūbawīla, “Ī shilīwa shane ū nene, shilī kwīta īyo atogilwe ūyo anitūmile; kūgūshikīlīja ū nīmo gokwe.

Ū nkīma ūng'wīla gīkī, “Bebe baba wagafunya halī a minzī a mapanga, alīyo nī lidahījo ūtī nalyo; hama nū lwinzī lwenūlū lūshimu gīkī?

Ū nkīma ūng'wīla, “Namanile gīkī akwiza Masīya, ūyo akitanagwa Kilisto, na lūūlū ūlū wiza ū ng'wenūyo, hū ng'wene ūyo akūtūgoloolela pyī ī yose.” Ū Yesu ūng'wīla, “Ū Nene ūyo nalīyomba nangho, hū nalī ng'wene.”

“Bing'we, ka nzūgi kūūnū munole ūūyū munhū, waniwīla pyī īyo nakīītaga; akūduuma kūbiza Kilisto gete ū ng'wenūyū?”