熱門經文出自 SAN JUAN 12

分享

Apquiltamjoc sat ancoc enlhit jelanam coo, incaymalhquic yoyam jeyiplovjo. Jelhojoc sat lhama sicnaclha selancam coo. Colhic sat ayaco selancam coo, ayinyema coo Tata —alhta aptomjac.

Apmiyovquic sat ancoc enlhit acyimnatem apnenyic apanco, comascoc sat. Aptanovquic sat ancoc enlhit acyimnatem apnenyic apanco, colhic sat acyimnatem apnenyic cotmongvoycamlha nelha.

Actomjac coo silanya quellhip: Naso, am sat ancoc ecnacpoc lhopactic motajap apactic, comascoc sat apvisay motajap apactic. Meylhejec sat mataa. Masquec sat ancoc apvisay motajap apactic, ingyictong sat. Elhamiclhac sat apyilhna.

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

Am sat ancoc eyiplovcasac enlhit apjalhenmo coo sicpayvam, motvacsejec sat coo. Acvaac coo as nalhpop. Am oltamjoc olnatovacsic enlhitaoc lhalhma anco. Altamjoc eyca olvomsic tap aplhamoclhojo.

Yejemoc alhta acsantamo María nardo ayingmenic acmasis anco, malha medio litro. Acmamnave anco nardo ayingmenic. Incatsiscasquic alhta María apmancoc Jesús. Inlicasquic alhta naváyc ava apmancoc Jesús. Inpayjeclhec alhta acpaniyam asoc masis congne tingma.

Yejemoc alhta apquilyatemenamco alha ava. Apquilamyilhamquic alhta Jesús apquilpalhamamcaa: —Sas, tasic anco. Ningilayo aptomja apquilhyam aplhanma apvisay Visqui ingac. Ningilayo aptomja Israel Apvisqui apancaoc —alhta apquiltomjac apquilpamesma.

Aptomjac alhta apquiltimnasamcaa Jesús: —Invocmec acvamlha acnim, yoyam colhic seyaco sicvisay Sictiyam Sictomja Enlhit.