熱門經文出自 Juan 2

分享

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Minikagi si Jesus, “Inà, ikà egpunù kanak, so wedà pa dateng se oras aw ipekità ko se tolos ko.”

Minikagi si Jesus diyà te menge sineligan, “Ipenoi niyo te wayeg se sibolan.” Yan inipenò dan se enem sibolan taman te sìsì. Penga niyan, minikagi heman si Jesus, “Segadi niyo aw ibingi niyo doton te pengolo niyo.” Yan inibing dan iyan diyà kandin.

Timaba si Jesus, “Aw pegbàtan niyo se balay seini eg-ogpaan te Timanem, penga niyan todà ko iyan ipetindeg dalem te telo se aldaw.”

Pegkità din kenyan, ininang din se olisi lobid, aw impekadas din se kedita dan sipat menge karniro aw baka lekat te dowangen te dakel simbahan. Impelias din se menge lemisa dan, aw in-olà din heman se kwarta te menge otaw egliwan. Minikagi heman diyà te menge otaw egpemeligyà te selepati, “Ibingi niyo iyan lekat dini. Ikà niyo eg-inang pedyanan te balay te Amay ko Timanem.”