熱門經文出自 Juan 14

分享

“Ibegay ko den kenyo se kelinaw te pedowan. Kenaken kelinaw se ibowang kenyo. Eked pekebegay se otaw dini te keneyonan te kelinaw te pedowan ibowang ko den kenyo. Yan ikà niyo egketetana. Ikà niyo heman egkelemitan.

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Minikagi si Jesus diyà te menge tinoledaan din, “Ikà niyo egketetana. Pemenal kaw te Timanem. Pemenal kaw heman kanak.

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

“Se otaw menenalan te impunù ko aw tomolò kenyan, yan se otaw ontò dakel se pedowan din kanak. Se otaw dakel se pedowan din kanak, yan se egkedekelan te Amay ko te pedowan, aw dakel heman se pedowan ko kandin, aw megpekità a heman kandin.”

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan. Yan se Espiritu Santo egtoladà te kebenalan. Eked sikandin kinewai te menge otaw egtaking te medaet ketanem te keneyonan, so kenà dan egkità kandin, aw kenà dan egketaga-taga aw sinu sikandin. Meneng sikiyo, netaga-taga kaw den kandin, so egdomaan kaw din aw ogpaan kaw te wedad temanan.

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko. Aw memoyò kaw pineokit te ngadan ko, siak se meg-inang kenyan.”

“Aw dakel se pedowan niyo kanak, yan tomolò kaw heman te impunù ko kenyo.

Medita se tambì kidoen te balay eg-ogpaan te Amay ko. Simpana kenà iyan benal, eked a peden peg-indan kenyo. Meneng domoton a den amon ipetagad ko kenyo se ogpaan niyo.

Aw mepenga se pegpetagad ko te ogpaan niyo, lomikò a dini aw ipetaking ko sikiyo amon meg-ogpà kaw doma ko.

Minikagi si Tomas, “Pengolo, wedà day ketegahi se dotonan nikaw. Yan eked day heman ketegahi se dalan.”