熱門經文出自 Mr 14

分享

Kika jaibaraka ikuᵽaka kire kẽrĩka: —Aꞌbi, ritaja baawãrũiki mime. Suᵽa imarĩ yire najããkoreka, yire mijeyobaarika yiyaᵽayu. Ikuᵽaka mire yijẽñekoꞌomakaja yiyaᵽaika uᵽakamarĩa mibaajĩka marã imabeyua. Miyaᵽaika uᵽakaja simarũ,== Tuᵽarãka jaiweatirã kiᵽeꞌriwaꞌrika maekarakamarãre imaekarõꞌõrã. Kãrĩrikarekaja nosika ᵽoto naᵽõꞌirã keyaeka. Suᵽa imarĩ, ikuᵽaka Ᵽedrore kẽrĩka: —¿Simón, dako baaerã mikãñu? ¿Ĩꞌrãkuri aiyajẽrã rõꞌõjĩrãjĩka kãᵽekaja imaberijĩka mime bai?

Rakajekaja Tuᵽarãre jẽñebaraka mija imabe, baꞌiaja mija baakoreka. “Tuᵽarãre yaᵽaika uᵽakaja yija baarãñu”, ãñurã imakoꞌomakaja, mija ᵽoꞌiaᵽi ᵽuri samija rakajeᵽããwãrũbeyu. Suᵽa imarĩ Tuᵽarãre yaᵽaika uᵽaka mija baawãrũbeyu,== nare kẽrĩka.

Rita ika mijare yibojayu. Ritaja wejeareka Tuᵽarãrika wãrõbaraka, jia yire kobaaeka mirãka ᵽoꞌimajare bojarijarirãñu. Suᵽa imarĩ jia kobaaeka ᵽuᵽajoabaraka, kore nayeꞌkariribesarãñu,== nare kẽrĩka.

Suᵽa imarĩ ikuᵽaka nare kẽrĩka: —Yiᵽuᵽakaᵽi yiwayuᵽiꞌritiyayu, “Reyatiyaerã yibaayu”, ãñurõꞌõjĩrã. Õꞌõrãja mija tuibe ruᵽu. Kãᵽekaja yire mija taꞌabe,== nare kẽrĩka.

Baꞌabaraka nimekãꞌãja ᵽan Jesúre eꞌeka. Seꞌerikatirã, “Jia mibaayu Tuᵽarã”, kẽrĩka. Iꞌsuᵽaka ãrĩtirã sañakatarutirã nare sakĩjika. —Ãjaꞌa, samija baꞌabe; yiᵽoꞌikoᵽakaja sime,== nare kẽrĩka.

Toᵽi ate koꞌa keꞌeka. Seꞌerikatirã, “Jia mibaayu Tuᵽarã”, kẽrĩka. Suᵽabaatirã nare sakĩjika. Nimaekauᵽatiji sanukueka beꞌerõꞌõ ikuᵽaka nare kẽrĩka: —Iyaokokoᵽakaja yiriwea sime. Riweajurubaraka yireyarãkaᵽi ãrĩwaꞌri rĩkimarãre Tuᵽarãre tããrãñu. Yireyamaka, “Baꞌiaja nabaaika yijũjerãñu”, Tuᵽarãre ãrĩka uᵽakaja kibaarãñu mae.

Torã naꞌrika ᵽoto ikuᵽaka nare kẽrĩka: —Yire ãꞌmitiriᵽẽairã imakoꞌomakaja yire mija jaꞌatarãñu. Yire jaꞌatawaꞌri rakakaja mija ᵽibiᵽaterãñu. Tuᵽarã majaroᵽũñurã ãñu uᵽakaja simarãñu: “Mia, oveja ĩarĩrĩrimajire yijããrãka kioveja ruꞌriᵽaterãñu”, ãrĩwaꞌri sabojayu.

Mija miꞌmibe. Dajoa kire matoyari,== kika wãrũrimajare kẽrĩka.

Suᵽa imarĩ yire najããkoꞌomakaja yiᵽuᵽatũrũrãñu. Suᵽabaatirã mija ruᵽubaji Galileakaꞌiarã yeyarãñu. Torã mijare yeꞌetorirãñu,== nare kẽᵽakãꞌã, ikuᵽaka Ᵽedrore kire ãrĩka: —Aᵽerã ᵽuri nimauᵽatiji mire jaꞌatarãñurã jeꞌe. Yiꞌi ᵽuri mire jaꞌatabesarãki,== kẽᵽakãꞌã, Jesúre kire yiꞌrika: —Rita mire ñañu. Ire ñami ĩꞌᵽakuri karaka akaerã baarãka ruᵽu, maekarakakuri, “Jesúre õrĩbeyuka yiꞌi”, merĩrãñu ᵽoꞌimajare,== Jesúre ãrĩka Ᵽedrore.