熱門經文出自 MARKKC 4

分享

Odokkc Bv darobge:la csardcm morvdtto, odokkc siycng asidcm luto, “Aso:pc du:tok! Aso:pc du:tok” odokkc csardc yungasukang, odokkc odo aipakpc ronggamkang. Bv bulum luto, “Kapila nolu pcsodon? Nolukkc mc:jvgc kama:nci?”

Odokkc bulu aipakpc pcsokang, odokkc akonc akoncm luka:mvnsuto, “Sc cmpcmvlo sc:koji, Bvmjc csarcla: siycng asscsin lukamdcmpci taddagnc?”

Ckvdaggom Bv ollu:dok kungko:bo dungai, mittukdcm dumpa:do dumjcmla yubla dungai; odokkc bulu Bvm urrobge:la luto, “Luyirna, ngolu singapmvlo no ka:ma:bo:nci?”

Odokkc Bv bulum luto, “Ansulangka nolu okkom taddoji; nolu okoki kvla biycnc odok kvddvngko nolu pa:yc, odokkc nolu bojcyangkoda pa:yc.

Odokkc Bv luto, “Ru:ncpvnckc migompc dungko amo:dc amo:lo amni: pidnc tani:koncmpc innc, Odokkc yummcm longgcm yubdom darobdowcm, cdc amni:dc sa:la bottcdag, bv kinmang kapci sa:dagnc.

Tani:akomumlokkc tadnannc ycrungc du:mvlo, bvm tadmotoka.”