熱門經文出自 PONGWANG LAIPEX 3

分享

Chemtue ija mixchae pünziak a saxkoxle müi ang asusule mik-hu zongma tüle müile ngünle laxpuix, jetüi-hwonlangle chang angkya to mongzalo laxle ija pün angkya oziak khaile sax; ilaxle she füi tomle tüikya ma kakopa ang chuwüi hidaole kox; chixe chuwüi ija sax.

Athax JOWANPAe zingkya zünmok pangnu thakma huxtsing-loptsang akhokya a pu tüikya. Pue shekocha ma atüi: “Zang-e hünkhi ang tsawatkha angkya pünziak chemchu taxsax-ole thüipu lea?”

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

Mixcha füi chuwüi chixe akax: “Kue nang ang naotüikya zuma sikngün sisile achenüi ilaxle nao ngünkya fuxtsüi-zolitle ngün ang tomüi, ikoxlechu ma kakopa to mongzalokya nang ma tüile ngoüi ilaxle nang a chix fang-fang ma wüi ngoüi.”

Nang haxtok to chatle machat-machatle ma khangpong angkya zangmukti laile tix nange süt sax ang ataküi; ija makhange zingkya daile nang a hax changpu, ikhoma nang tamchatle hax towüi chatüi.”

Üntoxle lükapa füichu chixe akax: “Nange nang kakonu kax ma laxle tüikya khoma, tamchu kue taxsax-ole kaxtom koxle thomkya pünziak saxkya bama, nang khokho ma haxtok to thuakzomle changdaoa; nang tsün-tsün ma nange ikha angkya sikngün laxle tix saxlaxle changüi.

Zang-e atüi: “Nang a ohua ma tüile le owae thüipu? Kue taxsax-ole abaxkya pünziak nange saxdaopia?”

Chixe khünak jwonle alai, ilaxle Eden Tsawat zongma handün chima, khüzün pün hato lekya lom nyele Cherubim hia wünle füikya changlo dan.

Adam-e chix kakonu ang Ef le mün kox, chemthüikoxle she a ozün ma tüikya nok honu changle.