熱門經文出自 PONGWANG LAIPEX 17

分享

Chemtue Abram zanglao puli-aku changkya hex, JOWANPA chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

Nang mün a Abram münchang ikoxle Abraham ang changüi, chemthüikoxle nang a kue obiobi jat-libu hopu ang achangpu.

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

“Kue ija Tsaotsüt nang füi laxpu: Kue tsaopu nang a jat-li obiobi hopu ang achangüi.

Ikoxlechu Zang thüi: “Ile münchang. Nang kakonu Sarah-e nang ang sasün tuita puxüi. Nange ija nao ang Isak le amün angkya changle. Kue ku Tsaotsüt chix füi tamchu chixsu chixsa hwom füi othuithuima thomüi. Ija a oshuk chitüikya Tsaotsüt changpu.

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

Abraham-e chix thün füi hax to thule akhux, ikoxlechu “Zanglao hota nguiünkya azupa tuitae supux-sapaile chang ang tho ang chami? Sarah angchu zangpuli-bün nguikoxle nao nguidongle chang ang chami?”, le ajang pongma chix nyi.

Zang-e Abraham ang thüi: “Nange nang kakonu ang Sarai le münnyaküi; athax makhange she mün a Sarah changpu.

Athax makhange hünzome lüka naosasa pangwüi ang puxkya füima nyix-achyet lükya to ija Khwonzüt-Zom zingle kox angkya changpu. Hünzom homkhama pux-paile changkya da su-sa hwom tamchu mixnok tokya shakle laxkya da, ibu pangnu angwüi zingle kox angkya changpu. Ijae kem bama Tsaotsüt tüikya münwan ahole ngoüi.

Ikoxlechu ku Tsaotsüt kue hünsa Isak füitix thomüi. Chix a ngaizang itukhae Sarah-e pux angkya changle.”

Athax makhange hünzome lüka naosasa pangwüi ang puxkya füima nyix-achyet lükya to ija Khwonzüt-Zom zingle kox angkya changpu. Hünzom homkhama pux-paile changkya da su-sa hwom tamchu mixnok tokya shakle laxkya da, ibu pangnu angwüi zingle kox angkya changpu. Ijae kem bama Tsaotsüt tüikya münwan ahole ngoüi. Mixhuak pangwüie ija zom zing angkya changpu, ijae hünzom füikya ku Tsaotsüt a oshuk chitüikya changpule aho angkya otok to ngün ang kopkya münwan tuita changpu.