熱門經文出自 JON 6

分享

“Nga a roandông phhekchhah pa,” ngama Jisu ma thinnâng thôkoh wah. “Henhen ngatânâng hûera ereheh rêm leriimin; ngale henhenma nganâng putedâlem ehanga ereheh jolânmin leriimin.

Roandông pa Joban Juma kohehi; hei angem phoangpa chennijô dangmah. Nga nedemnâng jabmîn eka jabkhab pumma Joban ngewah roandông chohthin Ju kephûkoh ehèn.

Achhihjâ thin phhekchhah rãngma nekmo en; erenoma roantang roanjêng roandông chohthin phhekchhah rãngma mo en. Arerãngrãng phhekchhah pa Mihnyan Chhama nenâng ekohhèn, chenrãngma ngako Joban Wama atenâng erepa moatrãng chaankoh eka.”

Chen-rãngma ngako Ewa ma huneka pa henhenma Chhapa khelahma atenâng putedâlem eka erehehma roantang roanjêng roandông chohrãng huneka. Ngale athôanjâ rangwo ko ngama thin engak hinsiet ang.”

Jisu ma thinnâng dânthâng wah, “Joban ma hen chienkattha ereko chen putedâlem a ngama hun ehèn.”

Ewa ma nganâng henhenkoh ehanga ereheh ngatânâng ehûra. Henhen ngatânâng hûera ereheh ngama chenthumin lejunlomin

Simon Piter ma atenâng dânthâng wah, “Teso, nia hen demnâng echhoan ea? Nangnâng roantang roanjêng lethôan roandông kohthin jabkhab pa tongho.

Nga rangkhethung wah katte ahin roandông phhekchhah. Henma komin are phhekchhah kowah chhah eka erepa roantang roangjêng rãng hînmin. Ngama atenâng kohmin phhekchhah pa nga phoangpa, ngama erekoh ekangpa hahtokkhoh wah mihnyan heh ahînma tongrãngkoh ekang.”

Ngachien katte Nga Wama lesiethû erako mihnyan heh henmin ngatânâng leta hûmin; ngale ereheh ngama athôanjâ rangwo ko engakhinsiet ang.

Chenrãngma ngako Joban ma koheka phhekchhah pa rangkhethung wah kalahma hahtokkhoh nâng roandông chohkoh tepa.”

Nga a roandông phhekchhah.

Jisu ma bankên pa semlahma Joban nâng dangkoh a ngat rangsoam soamlahma erekowah tôngte mihnyan hehnâng phenkohwah. Ngale atema ngah lanii pemin eroh soamlahma kohwah, ngale thinma chentô tachhah eka eretô anga ngama chhahwah. Thinkhu phangtang phoatphoat chhah diko, Jisu ma ate dijunte hehnâng ngatwah, “Bâachâ heh phangtang khôantoan en, chhupthemin nekphahwa en.”

Dijunte heh meerem beliirãng chhoandiko thinma Jisu jokhoh pumma thin khôankho tâko khoamka lahma khewah, ngale erepa khelahma thin chei rewah. Jisu ma thinnâng, “Nekchei en, arepa Ngaba!” ngama ngatwah.