熱門經文出自 LUKA 13

分享

Jisua’n a kuang, “Mikot irchêpa khan lût tum hrâm roi; nangni ki hril, mi tamtakin lût tum an ta thei no nihai.

Nupang inkhat, kum sômhleiriat ramilhli ichel a oma, a kûn chiana, ngîr khom ngîr intûn thei maka. Jisua’n a hmu’n chu a koia, “Nupangnu, ni natna ata ni zôk ta,” a ti pea.

A chunga a kut a’rnghata, a ngîr intûn thei zôi zela, Pathian an pâk tâka.

Irngai u ta, a hnungkhôn takhai khom a maton tak la ni an ta, a maton takhai khom a hnungkhôn tak la ni an ti,” a tia.

In neitupa a thoia mikot a kal tâkin chu, nangni’n pên tiang ngîrin, ‘Ka pu, mikot nin hong roh,’ tiin van tôk khom unglân ama khan, ‘Kho tianga mi mo nin ini nangni inhre ma ung,’ tiin nangni lei sâm a ti.

Sual bîk mahai, nangni ki hril, nangni khom nin irlet no’n chu khaang dênin irhmang nin ti,” a tia.

Khannisian, ama khan, ‘Nangni ki hril, kho tianga mi mo nin ini, nangni inhre ngai ma ung; ki kuang ata rot roi, mi pualoihai!’ nangni ti nôk a ti.

Khanchu Jisua khan, “Pathian Ram chu i ang mo a ini? I leh mo ki irkhek hrang? Ancham chi mal khat, mi’n a lâka, ar huana a inthek ang hi a ni; a hong mônga, thing a hong changa, chunglêng vahaiin a ôna an riak ngai,” a tia.