Mapudungun - UBS Edition (NT) Drama

<div class="version vid355 iso6393arn" data-vid="355" data-iso6393="arn">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Ta&#241;i ku&#241;iw&#252;nngen tati kintukaduamngen</div><div class="r">(Matew 18.6-7,21-22; Marku 9.42)</div><div class="p"> 1Jesus feypifi &#241;i pu disipulu: &#8220;Rumel m&#252;leay dungu kintukaduamkefilu ta che &#241;i yafkayael, welu &#161;awngeay ti che yafkan mew tukufile ta kakelu che! 2Doy k&#252;meafuy trapeltukulelngele pel mew ki&#241;e f&#252;tra kura, fey &#252;tr&#252;ftukungele pu lafken, welu ta&#241;i tukungenoael yafkan mew ki&#241;eke t&#252;fachi newe nienolu mupiltun. 3&#161;Rume ku&#241;iwtukuwm&#252;n t&#252;fachi dungu mew! Eymi tami pe&#241;i yafkale, katr&#252;tudungufe, welu wi&#241;oduamtule &#241;i nietuael ki&#241;e k&#252;me fem&#252;n, fey wi&#241;oduamatuafimi. 4Tunte yafkaelmew rume regle rupa ki&#241;e ant&#252; mew, fey regle rupa k&#252;pale tami feypiaetew: Doy famngechi femwelayan, m&#252;ley tami wi&#241;oduamatuafiel.&#8221;</div><div class="s">Ta&#241;i nien pepiluw&#252;n ti mupiltun</div><div class="p"> 5Feymew tati pu apostol llellipufing&#252;n ta &#209;idol:</div><div class="p">&#8212;Elumui&#241; tai&#241; doy maneluwael ka tai&#241; mupiltuleael.</div><div class="p"> 6Feymew &#209;idol llowdungueyew:</div><div class="p">&#8212;Eym&#252;n niefulm&#252;n maneluw&#252;n ka mupiltun, tunte ki&#241;e pichi f&#252;n mostasa fenteafuy rume, feypifilm&#252;n t&#252;fachi an&#252;mka: &#8216;Ngedutripange t&#252;fa mew ka an&#252;konpunge ti pu lafken&#8217;, fey ti an&#252;mka m&#252;ngeltuafeym&#252;nmew.</div><div class="s">Chumngechi &#241;i poyecheael ta ki&#241;e kona</div><div class="p"> 7&#8220;Fey feypiwayi&#241; kangelu adk&#252;nu dungu: Ki&#241;e che nierkey ki&#241;e kona, fey t&#252;fachi kona wi&#241;omele lelf&#252;n mew, dew ketramapumele kam dew kama&#241;ufisale rume, &#191;fey feypingepeafuy may: &#8216;Konpange faw p&#252;le. An&#252;pange tami ipayael?&#8217; 8Feypingelayafuy, welu feypingeafuy may: &#8216;Dewmalen ta iyael, ka witratripange tami poyeafiel, fey i&#241;che w&#252;ne ik&#252;nuan ka putuan, fey w&#252;la eymi iyaymi ka putuaymi.&#8217; 9Ka femngechi ma&#241;umngelayay rume tati kona ta&#241;i poyefiel mew &#241;i werk&#252;etew. 10Ka femngechi eym&#252;n, dew fem&#252;lm&#252;n kom tam&#252;n werk&#252;etew ta Ng&#252;nechen, fey m&#252;ley tam&#252;n feypiael: &#8216;I&#241;chi&#241; ta wesake konangei&#241;, fey i&#241;chi&#241; am femkelu kisuke tai&#241; nieelchi k&#252;daw m&#252;ten.&#8217; &#8221;</div><div class="s">Jesus tremoltufi tati mari wentru lepra kutranngelu</div><div class="p"> 11Amulelu ta Jerusalen, Jesus r&#252;p&#252;tuley, fey rumerpuy Samaria ka Galilea &#241;i troki&#241;ke mapu mew. 12Fey puwlu ki&#241;e pichi troki&#241; ruka che mew, t&#252;fey mew tripapay &#241;i trafyeaetew mari wentru lepra kutranngelu, fey t&#252;fa eng&#252;n witrak&#252;nuwi al&#252; kamapu kisu mew. 13Fey wiraring&#252;n:</div><div class="p">&#8212;&#161;Jesus, Kimeltufe, kutranpiwkeyemui&#241;!</div><div class="p"> 14Feymew Jesus pefilu eng&#252;n, feypifi ti mari wentru:</div><div class="p">&#8212;Amum&#252;n tam&#252;n leliw&#252;laetew ti pu saserdote.</div><div class="p">Fey petu amulelu eng&#252;n, lifk&#252;lewerumetuy &#241;i kutran mew. 15Fey ki&#241;e t&#252;fa eng&#252;n, inaduamuwlu &#241;i lifk&#252;lewetun, wi&#241;ometuy ka p&#252;ramyeniefi ta Ng&#252;nechen newentu wirar&#252;n mew. 16Fey lukutupay Jesus &#241;i f&#252;l mew, ka potrongnagi p&#252;lli mew ta&#241;i ma&#241;umtuafiel. T&#252;fachi wentru ki&#241;e illamfal samariache &#252;rke. 17Jesus feypi:</div><div class="p">&#8212;&#191;Mari no eng&#252;n ama ti pu lifngetulu &#241;i kutran mew? &#191;Chew am m&#252;ley tati kakelu aylla wentru? 18&#191;Chem dungu anta t&#252;fa? &#161;Ki&#241;engey m&#252;ten &#241;i wi&#241;ometun ta&#241;i p&#252;ramyeafiel ta Ng&#252;nechen t&#252;fachi katripanche!</div><div class="p"> 19Feymew Jesus feypifi ti wentru:</div><div class="p">&#8212;Witrap&#252;range ka amutunge. Tami maneluw&#252;n mew ka tami feyentun mew ta tremotuymi.</div><div class="s">Chumngechi akuay Ng&#252;nechen &#241;i longko &#252;lmenngen</div><div class="r">(Matew 24.23-28,37-41)</div><div class="p"> 20Fey ti pu farisew ramtufing&#252;n ta Jesus tuntepu mew ta&#241;i akuael Ng&#252;nechen &#241;i longko &#252;lmenngeael, fey llowdungueyew ta Jesus:</div><div class="p">&#8212;Ng&#252;nechen &#241;i longko &#252;lmenngen akulayay ta kom che &#241;i adki&#241; mew. 21Feypingelayay tatey: &#8216;Faw m&#252;ley&#8217;, kam &#8216;t&#252;ye mew m&#252;ley&#8217;. Ng&#252;nechen &#241;i longko &#252;lmenngen fantepu mew dew m&#252;lepay ta eym&#252;n mew.</div><div class="p"> 22Fey w&#252;la ka feypifi &#241;i pu disipulu:</div><div class="p">&#8212;Akuay ta tripantu eym&#252;n ta ay&#252;aym&#252;n tam&#252;n peafiel ki&#241;e ant&#252; rewall tati Wentruk&#252;nuwpalu, welu pelayafim&#252;n. 23Ki&#241;eke feypiayng&#252;n: &#8216;Faw m&#252;ley&#8217; kam &#8216;t&#252;ye &#241;i m&#252;len&#8217;, welu amukilm&#252;n ka inakefilm&#252;n rume. 24Chumngechi ta ki&#241;e ll&#252;fke&#241; wil&#252;fiy&#252;m pelontukey ki&#241;e p&#252;le ta wenu mew, fey ka alofpukey ka&#241;p&#252;le, femngechi ta femay feychi ant&#252;#17.24 Ki&#241;eke kuyfi wirin mew ngelay: &#171;feychi ant&#252;&#187;. wi&#241;ometule ti Wentruk&#252;nuwpalu. 25Welu w&#252;ne m&#252;ley &#241;i rume kutrankawael ka ta&#241;i llownoaetew ti pu che m&#252;lelu fantepu mew.</div><div class="p"> 26&#8220;Chumngechi rupay feychi Noe &#241;i tripantu mew ka femngechi femay feychi ant&#252; mew wi&#241;ometule ti Wentruk&#252;nuwpalu. 27Feychi mew ti pu che duamk&#252;lelay eng&#252;n &#241;i akuael ti mangin ko, fey imekey ka putumekey, kurengemekey eng&#252;n, feychi ant&#252; konlu w&#252;la Noe ti f&#252;tra wampo ruka mew, fey akuy ti f&#252;tra mangin ko, feymew kom lankepi eng&#252;n.</div><div class="p"> 28&#8220;Ka femngechi femi feychi mongelelu ta Lot: ti pu che duamk&#252;lelay eng&#252;n &#241;i akuael ti wesa ant&#252;, fey imekey ka putumekey, ngillakamekey, ka welukamekey, nganmekey ka dewmarukamekey eng&#252;n. 29Welu feychi mew tripalu Lot ta Sodoma waria mew, maw&#252;n reke nagi ta k&#252;tral ka asufre wenu mew, fey kom lankepi eng&#252;n.</div><div class="p"> 30&#8220;Ka femngechi femay feychi ant&#252; mew ti Wentruk&#252;nuwpalu pewfaluwle. 31T&#252;yechi ant&#252; mew, tati m&#252;lelu wente ruka mew, fey ka niele &#241;i chemk&#252;n ti pu ruka, nagkilpe &#241;i nentumeael. Ka t&#252;feychi m&#252;lelu ti lelf&#252;n mew, wi&#241;okilpe &#241;i ruka mew. 32Tukulpafim&#252;n chumngechi &#241;i fem&#252;n Lot &#241;i kure. 33Tati ay&#252;lu &#241;i montulael &#241;i mongen, fey ta pelayay. Welu tati &#252;tr&#252;flu &#241;i mongen, fey ta montulay.</div><div class="p"> 34&#8220;I&#241;che feypiwayi&#241; t&#252;yechi pun epu che kuduleay ki&#241;e kawitu mew, fey ki&#241;e yengetuay, welu kangelu elk&#252;nungeay. 35Epu domo ki&#241;entr&#252;r mekeay &#241;i m&#252;rken kudi mew. Ki&#241;e yengeay, fey kangelu elk&#252;nungeay. 36Epu che m&#252;leay lelf&#252;n mew: ki&#241;e ta yengeay, fey kangelu elk&#252;nungeay.&#8221;#17.36 Ki&#241;eke kuyfi wirin mew ngelay versu 36.</div><div class="p"> 37Feymew ramtungey:</div><div class="p">&#8212;&#209;idol, &#191;chew p&#252;le am rupayay t&#252;fachi dungu?</div><div class="p">Fey Jesus ki&#241;e adk&#252;nu dungu mew llowdungufi &#241;i pu disipulu:</div><div class="p">&#8212;Chew m&#252;lele tati la, feyti mew traw&#252;luway tati pu kanin.</div>
 </div>
 </div>
</div>

El Nuevo Testamento en Mapudungun © Sociedades Bíblicas Unidas 1996.

Jesus feypifi ñi pu disipulu: “Rumel müleay dungu kintukaduamkefilu ta che ñi yafkayael, welu ¡awngeay ti che yafkan mew tukufile ta kakelu che! Doy kümeafuy trapeltukulelngele pel mew kiñe fütra kura, fey ütrüftukungele pu lafken, welu tañi tukungenoael yafkan mew kiñeke tüfachi newe nienolu mupiltun. ¡Rume kuñiwtukuwmün tüfachi dungu mew! Eymi tami peñi yafkale, katrütudungufe, welu wiñoduamtule ñi nietuael kiñe küme femün, fey wiñoduamatuafimi. Tunte yafkaelmew rume regle rupa kiñe antü mew, fey regle rupa küpale tami feypiaetew: Doy famngechi femwelayan, müley tami wiñoduamatuafiel.”

Feymew tati pu apostol llellipufingün ta Ñidol:
—Elumuiñ taiñ doy maneluwael ka taiñ mupiltuleael.
Feymew Ñidol llowdungueyew:
—Eymün niefulmün maneluwün ka mupiltun, tunte kiñe pichi fün mostasa fenteafuy rume, feypifilmün tüfachi anümka: ‘Ngedutripange tüfa mew ka anükonpunge ti pu lafken’, fey ti anümka müngeltuafeymünmew.

“Fey feypiwayiñ kangelu adkünu dungu: Kiñe che nierkey kiñe kona, fey tüfachi kona wiñomele lelfün mew, dew ketramapumele kam dew kamañufisale rume, ¿fey feypingepeafuy may: ‘Konpange faw püle. Anüpange tami ipayael?’ Feypingelayafuy, welu feypingeafuy may: ‘Dewmalen ta iyael, ka witratripange tami poyeafiel, fey iñche wüne ikünuan ka putuan, fey wüla eymi iyaymi ka putuaymi.’ Ka femngechi mañumngelayay rume tati kona tañi poyefiel mew ñi werküetew. Ka femngechi eymün, dew femülmün kom tamün werküetew ta Ngünechen, fey müley tamün feypiael: ‘Iñchiñ ta wesake konangeiñ, fey iñchiñ am femkelu kisuke taiñ nieelchi küdaw müten.’ ”

Amulelu ta Jerusalen, Jesus rüpütuley, fey rumerpuy Samaria ka Galilea ñi trokiñke mapu mew. Fey puwlu kiñe pichi trokiñ ruka che mew, tüfey mew tripapay ñi trafyeaetew mari wentru lepra kutranngelu, fey tüfa engün witrakünuwi alü kamapu kisu mew. Fey wiraringün:
—¡Jesus, Kimeltufe, kutranpiwkeyemuiñ!
Feymew Jesus pefilu engün, feypifi ti mari wentru:
—Amumün tamün leliwülaetew ti pu saserdote.
Fey petu amulelu engün, lifkülewerumetuy ñi kutran mew. Fey kiñe tüfa engün, inaduamuwlu ñi lifkülewetun, wiñometuy ka püramyeniefi ta Ngünechen newentu wirarün mew. Fey lukutupay Jesus ñi fül mew, ka potrongnagi pülli mew tañi mañumtuafiel. Tüfachi wentru kiñe illamfal samariache ürke. Jesus feypi:
—¿Mari no engün ama ti pu lifngetulu ñi kutran mew? ¿Chew am müley tati kakelu aylla wentru? ¿Chem dungu anta tüfa? ¡Kiñengey müten ñi wiñometun tañi püramyeafiel ta Ngünechen tüfachi katripanche!
Feymew Jesus feypifi ti wentru:
—Witrapürange ka amutunge. Tami maneluwün mew ka tami feyentun mew ta tremotuymi.


Fey ti pu farisew ramtufingün ta Jesus tuntepu mew tañi akuael Ngünechen ñi longko ülmenngeael, fey llowdungueyew ta Jesus:
—Ngünechen ñi longko ülmenngen akulayay ta kom che ñi adkiñ mew. Feypingelayay tatey: ‘Faw müley’, kam ‘tüye mew müley’. Ngünechen ñi longko ülmenngen fantepu mew dew mülepay ta eymün mew.
Fey wüla ka feypifi ñi pu disipulu:
—Akuay ta tripantu eymün ta ayüaymün tamün peafiel kiñe antü rewall tati Wentrukünuwpalu, welu pelayafimün. Kiñeke feypiayngün: ‘Faw müley’ kam ‘tüye ñi mülen’, welu amukilmün ka inakefilmün rume. Chumngechi ta kiñe llüfkeñ wilüfiyüm pelontukey kiñe püle ta wenu mew, fey ka alofpukey kañpüle, femngechi ta femay feychi antü wiñometule ti Wentrukünuwpalu. Welu wüne müley ñi rume kutrankawael ka tañi llownoaetew ti pu che mülelu fantepu mew.
“Chumngechi rupay feychi Noe ñi tripantu mew ka femngechi femay feychi antü mew wiñometule ti Wentrukünuwpalu. Feychi mew ti pu che duamkülelay engün ñi akuael ti mangin ko, fey imekey ka putumekey, kurengemekey engün, feychi antü konlu wüla Noe ti fütra wampo ruka mew, fey akuy ti fütra mangin ko, feymew kom lankepi engün.
“Ka femngechi femi feychi mongelelu ta Lot: ti pu che duamkülelay engün ñi akuael ti wesa antü, fey imekey ka putumekey, ngillakamekey, ka welukamekey, nganmekey ka dewmarukamekey engün. Welu feychi mew tripalu Lot ta Sodoma waria mew, mawün reke nagi ta kütral ka asufre wenu mew, fey kom lankepi engün.
“Ka femngechi femay feychi antü mew ti Wentrukünuwpalu pewfaluwle. Tüyechi antü mew, tati mülelu wente ruka mew, fey ka niele ñi chemkün ti pu ruka, nagkilpe ñi nentumeael. Ka tüfeychi mülelu ti lelfün mew, wiñokilpe ñi ruka mew. Tukulpafimün chumngechi ñi femün Lot ñi kure. Tati ayülu ñi montulael ñi mongen, fey ta pelayay. Welu tati ütrüflu ñi mongen, fey ta montulay.
“Iñche feypiwayiñ tüyechi pun epu che kuduleay kiñe kawitu mew, fey kiñe yengetuay, welu kangelu elkünungeay. Epu domo kiñentrür mekeay ñi mürken kudi mew. Kiñe yengeay, fey kangelu elkünungeay. Epu che müleay lelfün mew: kiñe ta yengeay, fey kangelu elkünungeay.”
Feymew ramtungey:
—Ñidol, ¿chew püle am rupayay tüfachi dungu?
Fey Jesus kiñe adkünu dungu mew llowdungufi ñi pu disipulu:
—Chew mülele tati la, feyti mew trawüluway tati pu kanin.

收聽 Luka 17