Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Bendahara si cerdik</div><div class="p"> 1Jenari nina ka Jesus man ajar-ajarNa, &#8220;Lit me sekalak bayak, lit pe sekalak bendaharana. Iaduken kalak man bana maka bendaharana e korupsi. 2E maka idilona bendahara e janah nina, &#8216;Kuga nge perbahanenndu e? Bahan perkiranna kerina dahinndu, sabap kam kupengadi jadi bendahara.&#8217; 3Nina bendahara e i bas ukurna, &#8216;Ipengadi tuanku aku jadi bendahara, kai nge ndia kubahan? Ncangkul la aku ngasup, mindo-mindo mela aku. 4Enggo kueteh kai si kubahan, gelah kenca aku ipengadi lit kalak si ngaloken aku i bas rumahna.&#8217; 5E maka idilona sekalak-sekalak peridon tuanna. Isungkunna si pemena nina, &#8216;Asa kai utangndu man tuanku?&#8217; 6Erjabap ia, &#8216;200 kaleng minak makan.&#8217; E maka nina bendahara e, &#8216;Enda surat utangndu, kundulken, jenari minter suratken 100.&#8217; 7Kenca bage isungkunna ka kalak si deban nina, &#8216;Kam kasa kai utangndu?&#8217; Erjabap ia, &#8216;300 guni page.&#8217; E maka nina bendahara e, &#8216;Enda surat utangndu, suratken 250.&#8217; 8Kenca bage ipujiken tuan ndai bendahara si la bujur e sabap cerdik kal ia; sabap cerdiken kap anak-anak doni enda i bas urusenna sapih-sapih ia asangken anak-anak terang.&#8221;</div><div class="p"> 9Iterusken Jesus ngerana nina, &#8220;Kukataken man bandu: Pakelah erta doni enda guna ndatken teman man bandu gelah aminna gia erta doni e lanai lit, kam ialoken me i bas ingan si rasa lalap.&#8221;</div><div class="s">Tutuslah i bas si kitik</div><div class="p"> 10&#8220;Ise pe situtus i bas si kitik, tentu tutus pe ia i bas si mbelin; ise si la bujur i bas si kitik, tentu pe la ia bujur i bas si mbelin. 11Dage, adi la kam tutus i bas erta doni, labo ibereken man bandu erta si tuhu-tuhu. 12Janah adi la kam terteki nandangi sikerajangen kalak ise nge si nggit mereken ertandu jine man bandu?</div><div class="p"> 13Labo mungkin sekalak juak-juak dua tuanna. Sabap adi bage ugapa pe nembeh atena nandangi si sekalak, janah si sekalak nari ikelengina; sekalak ihamatina janah sekalak nari igombangina. Kam la banci erkeleng ate man Dibata janah erngena ate man erta doni enda.&#8221; #Mat 6:24</div><div class="p"> 14Kerina si ikataken Jesus e ibegi kalak Parisi; perbahan ia rangap nandangi duit, e maka icacina Jesus. 15Tapi nina Jesus man bana, &#8220;Kam pekulah-kulahndu bujur i lebe-lebe jelma si nterem, tapi ieteh Dibata nge isi pusuhndu. Sabap kai si meherga iakap manusia la kap lit ergana i bas Dibata.&#8221;</div><div class="s">Erbage-bage pengajaren Jesus</div><div class="r">(Mat 11:12-13; 5:31-32; Mrk 10:11-12)</div><div class="p"> 16&#8220;Undang-undang si ibereken Musa, ras pengajaren nabi-nabi, kerina e tetap ipake seh masa Johanes Peridiken. Kenca si e Berita Si Meriah kerna Kinirajan Dibata terus iberitaken. Merincuh kalak jadi bangsa Dibata, e maka rehen ia ku je. #Mat 11:12-13 17Tapi sukahen nge langit ras doni masap asangken bagin si kitikna i bas Undang-undang e masap. #Mat 5:18</div><div class="p"> 18Ise si ngulihken ndeharana, jenari iempoina diberu si deban, ia enggo erlua-lua; janah ise si ngempoi diberu si enggo iulihken perbulangenna, ia pe enggo erlua-lua.&#8221; #Mat 5:32; 1Kor 7:10-11</div><div class="s">Kalak bayak ras Lasarus</div><div class="p"> 19&#8220;Lit me sekalak bayak; pakenna uis si meherga-meherga janah tep-tep wari ia erbahan pesta. 20Tapi lit ka pe sekalak kalak musil, gelarna Lasarus. Kerina dagingna ugahen janah biasana medem ia deher pintun rumah kalak bayak e. 21IA ngarapken rimah-rimah kalak si erpesta guna ngisi beltekna si lume. Biang pe rehen ndilati ugahna. 22La ndekahsa mate si musil e, e maka ibaba malekat-malekat ia kundul deher Abraham. Kalak bayak e pe mate jenari ikuburken. 23I bas kerajan kematen ia ngenanami kiniseran. Asum jurgak ia idahna Abraham bage pe Lasarus deherken ia. 24E maka erlebuh ia nina, &#8216;O bapangku Abraham! Mekuah min atendu kempak aku. Suruhlah sitik Lasarus ncebukken jari-jarina ku bas lau gelah itaktakkenna ku bas dilahku sabap muas kal kuakap i bas api si gara enda.&#8217; 25Tapi nina Abraham, &#8216;O anakku, ingetlah maka sanga kam nggeluh enggo ialokenndu kesenangen, janah Lasarus enggo ngaloken kegeluhen si mesera. Tapi genduari malem atena i jenda, janah kam ngaloken kiniseran. 26Tambah si e pe, lit kelang-kelangta kelbung si mbages si la terkepari, si erbahanca la banci ku jena kalak si i jenda janah kalak si i jena pe la banci ku jenda.&#8217; 27E maka nina ka kalak bayak e, &#8216;Adi bage, kupindoken man bandu bapa, suruhlah min Lasarus ku rumah bapangku. 28I je lit lima nari seninangku. Suruh Lasarus mpersingeti ia kerina, maka ola ia seh ku ingan si mesui enda.&#8217; 29Tapi nina Abraham, &#8216;Lit kap i bas ia kitap-kitap Musa ras kitap-kitap nabi-nabi! Pelepas iikutkenna kai si ikataken i bas kitap e.&#8217; 30Ngaloi ka ia, &#8216;O bapangku Abraham, labo cukup adi e saja. Tapi adi sekalak si enggo keke i bas si mate nari reh ndahi ia, tentu jera ia.&#8217; 31Tapi nina Abraham, &#8216;Adi la kin ibegikenna kai si tersurat i bas kitap Musa ras nabi-nabi, labo ia jera aminna gia lit kalak mate nggeluh mulihi.&#8217; &#8221;</div>
 </div>
 </div>
</div>

Batak Karo Bible © Indonesian Bible Society, 2003.

Jenari nina ka Jesus man ajar-ajarNa, “Lit me sekalak bayak, lit pe sekalak bendaharana. Iaduken kalak man bana maka bendaharana e korupsi. E maka idilona bendahara e janah nina, ‘Kuga nge perbahanenndu e? Bahan perkiranna kerina dahinndu, sabap kam kupengadi jadi bendahara.’ Nina bendahara e i bas ukurna, ‘Ipengadi tuanku aku jadi bendahara, kai nge ndia kubahan? Ncangkul la aku ngasup, mindo-mindo mela aku. Enggo kueteh kai si kubahan, gelah kenca aku ipengadi lit kalak si ngaloken aku i bas rumahna.’ E maka idilona sekalak-sekalak peridon tuanna. Isungkunna si pemena nina, ‘Asa kai utangndu man tuanku?’ Erjabap ia, ‘200 kaleng minak makan.’ E maka nina bendahara e, ‘Enda surat utangndu, kundulken, jenari minter suratken 100.’ Kenca bage isungkunna ka kalak si deban nina, ‘Kam kasa kai utangndu?’ Erjabap ia, ‘300 guni page.’ E maka nina bendahara e, ‘Enda surat utangndu, suratken 250.’ Kenca bage ipujiken tuan ndai bendahara si la bujur e sabap cerdik kal ia; sabap cerdiken kap anak-anak doni enda i bas urusenna sapih-sapih ia asangken anak-anak terang.”
Iterusken Jesus ngerana nina, “Kukataken man bandu: Pakelah erta doni enda guna ndatken teman man bandu gelah aminna gia erta doni e lanai lit, kam ialoken me i bas ingan si rasa lalap.”

“Ise pe situtus i bas si kitik, tentu tutus pe ia i bas si mbelin; ise si la bujur i bas si kitik, tentu pe la ia bujur i bas si mbelin. Dage, adi la kam tutus i bas erta doni, labo ibereken man bandu erta si tuhu-tuhu. Janah adi la kam terteki nandangi sikerajangen kalak ise nge si nggit mereken ertandu jine man bandu?
Labo mungkin sekalak juak-juak dua tuanna. Sabap adi bage ugapa pe nembeh atena nandangi si sekalak, janah si sekalak nari ikelengina; sekalak ihamatina janah sekalak nari igombangina. Kam la banci erkeleng ate man Dibata janah erngena ate man erta doni enda.”
Kerina si ikataken Jesus e ibegi kalak Parisi; perbahan ia rangap nandangi duit, e maka icacina Jesus. Tapi nina Jesus man bana, “Kam pekulah-kulahndu bujur i lebe-lebe jelma si nterem, tapi ieteh Dibata nge isi pusuhndu. Sabap kai si meherga iakap manusia la kap lit ergana i bas Dibata.”


“Undang-undang si ibereken Musa, ras pengajaren nabi-nabi, kerina e tetap ipake seh masa Johanes Peridiken. Kenca si e Berita Si Meriah kerna Kinirajan Dibata terus iberitaken. Merincuh kalak jadi bangsa Dibata, e maka rehen ia ku je. Tapi sukahen nge langit ras doni masap asangken bagin si kitikna i bas Undang-undang e masap.
Ise si ngulihken ndeharana, jenari iempoina diberu si deban, ia enggo erlua-lua; janah ise si ngempoi diberu si enggo iulihken perbulangenna, ia pe enggo erlua-lua.”

“Lit me sekalak bayak; pakenna uis si meherga-meherga janah tep-tep wari ia erbahan pesta. Tapi lit ka pe sekalak kalak musil, gelarna Lasarus. Kerina dagingna ugahen janah biasana medem ia deher pintun rumah kalak bayak e. IA ngarapken rimah-rimah kalak si erpesta guna ngisi beltekna si lume. Biang pe rehen ndilati ugahna. La ndekahsa mate si musil e, e maka ibaba malekat-malekat ia kundul deher Abraham. Kalak bayak e pe mate jenari ikuburken. I bas kerajan kematen ia ngenanami kiniseran. Asum jurgak ia idahna Abraham bage pe Lasarus deherken ia. E maka erlebuh ia nina, ‘O bapangku Abraham! Mekuah min atendu kempak aku. Suruhlah sitik Lasarus ncebukken jari-jarina ku bas lau gelah itaktakkenna ku bas dilahku sabap muas kal kuakap i bas api si gara enda.’ Tapi nina Abraham, ‘O anakku, ingetlah maka sanga kam nggeluh enggo ialokenndu kesenangen, janah Lasarus enggo ngaloken kegeluhen si mesera. Tapi genduari malem atena i jenda, janah kam ngaloken kiniseran. Tambah si e pe, lit kelang-kelangta kelbung si mbages si la terkepari, si erbahanca la banci ku jena kalak si i jenda janah kalak si i jena pe la banci ku jenda.’ E maka nina ka kalak bayak e, ‘Adi bage, kupindoken man bandu bapa, suruhlah min Lasarus ku rumah bapangku. I je lit lima nari seninangku. Suruh Lasarus mpersingeti ia kerina, maka ola ia seh ku ingan si mesui enda.’ Tapi nina Abraham, ‘Lit kap i bas ia kitap-kitap Musa ras kitap-kitap nabi-nabi! Pelepas iikutkenna kai si ikataken i bas kitap e.’ Ngaloi ka ia, ‘O bapangku Abraham, labo cukup adi e saja. Tapi adi sekalak si enggo keke i bas si mate nari reh ndahi ia, tentu jera ia.’ Tapi nina Abraham, ‘Adi la kin ibegikenna kai si tersurat i bas kitap Musa ras nabi-nabi, labo ia jera aminna gia lit kalak mate nggeluh mulihi.’ ”

收聽 LUKAS 16