 This translation was published by The Bangladesh Bible Society in 2004 © BBS 2004.  

জা·মানো মিত্তাম ফরীশী আরো সদ্দূকীরাং যীশুখো রুরাএ নিনা ইন্নে বিচা রি·বাজক আরো সালগিনি চিনখো ফিন্নিকখানা আগানজক।
যীশু বিসংনা আগানচাকে ইনজক, ‘‘হান·থামজোকনো না·সং আগানে দংআ, ‘সাল নামনুয়া মুয়ানা সিলগা গিৎচাকা।’ আরো ফ্রিংওদে ইন্না, ‘দা·আল মিকখা বালওয়া রাকনুয়া মুয়ানা সিলগা গিৎচাকা আরো মিকখা সিম্মা।’ না·সং সিলগানি অবস্থাখো নিএ নাম্মেদাক্কেন হা·আইনা মা·ন্না, ইন্দিবা সালরাংনি চিনরাংখো হা·আইনা মান·জা। ইয়া চাসংনি নামগিজা আরো থি·ল্লেকগিবা মান্দিরাং চিনখো সান্দিয়া, ইন্দিবা যোনানি চিননি আগ্রে বিসংনা মামুং চিনখোন ফিন্নিকজানুয়া।’’ উনি জা·মানো যীশু বিসংখো ওয়াত্তে রি·য়াংজক।

সাগালনি নালসাচা রি·য়াংমিত্তিংও জা·রিকগিবারাং রুটিখো রা·আংফানা গুয়ালজক। যীশু বিসংনা আগানজক, ‘‘না·সং সিমসাকে দংবো, ফরীশী আরো সদ্দূকীরাংনি ওয়ানথিনা সিমসাকবো।’’
উনি গিম্মিন জা·রিকগিবারাং আন·থাংথাং আগানগ্রিকজক, ‘‘আনচিং রুটি রা·বাজানি গিম্মিন বিয়া ইয়া খাৎথাখো আগানিংআ।’’
ইখো হা·আইনা মা·ন্নে যীশু আগানজক, ‘‘বিবিরা·ব্রিগিজাগিবারাং, না·সংচা রুটি দংগিজাখো রা·এ না·সং মুয়ানা আন·থাংথাংও আগানগ্রিক্কিংআ? না·সং দা·আওবা হা·আইখুজামা বা গিসিকবা রা·জামা, উয়া হাজাল বংআ মান্দিনা রুটি গিলবংআখো, আরো উনি জা·মানো গিৎচাগিবারাংখো না·সং বাসিক গি·সা খক্কো খল্লামে রা·আমিং? হং·জাওবা উয়া হাজাল ব্র্রি মান্দিনা রুটি গি·স্নিখো, আরো গিৎচাগিবারাংখো বাসিক গি·সা খক্কো খল্লামে রা·আমিং? আংআ না·সংনা রুটিনি গিম্মিন আগানজা ইখো না·সং মুয়ানা হা·আইনা মান·জা? ফরীশী আরো সদ্দূকীরাংনি ওয়ানথিনা না·সং সিমসাকে দংবো।’’
বিয়া রুটিনি ওয়ানথিনা সিমসাকে দংনা আগানজা, ইন্দিবা ফরীশীরাংনি আরো সদ্দূকীরাংনি স্খিয়ানা সিমসাকে দংনা আগানজক ইন্নে জা·রিকগিবারাং উনো হা·আইনা মান·জক।

জা·মানো যীশু কৈসরিয়া-ফিলিপি জওলোনা রি·য়াংমিত্তিংও জা·রিকগিবারাংচা সিং·জক, ‘‘মান্দিনি দেফান্থি সা, ইনি গিম্মিন মান্দিরাং মুয়াখো ইন্নিংআ?’’
বিসং আগানজক, “সাবা সাবা ইন্নিংআ না·আ রিপ্পলেতগিবা যোহন; সাকগিপ্পিনরাং এলিয়; দা·আবা সাকগিপ্পিনরাং যিরমিয় বা আগানসোগিবারাংওনি সাকসা ইন্নে ইন্নিংআ।”
উনো বিয়া বিসংনা আগানজক, “ইন্দিবা আংআ সা, না·সং মুয়াখো ইন্নিংআ?”
শিমোন-পিতর আগানজক, “না·আ উয়া খ্রীষ্ট, থাংগিবা ইসলনি দেফান্থি।”
যীশু আগানচাকে বিনা ইনজক, “যোনানি দেফান্থি শিমোন, না·আ ফাত্তিয়া মান·গিবা হং·আ, মুয়ানা নাং·চা ইখো মান্দি সাকসাবা ফারাকজা; সালগিও দংগিবা আংনি ফাআন ইখো ফারাকজক। আংআ নাং·না আগানিংআ, না·আ পিতর, আরো ইয়া রং·থিনি সাক্কাওন আংআ আংনি মন্ডলীখো রিকনুয়া। নরকনি মামুং বিলআন উনি সাক্কাও হামজানুয়া। আংআ নাং·না সালগিনি সংনকনি চাবিরাংখো হ·ন্নুয়া, আরো না·আ ইয়া হা·গিলসাকো জেখো খানুয়া সালগিওবা উখো খাএ দন্নুয়া আরো জেখো এংনুয়া উখো সালগিওবা এংএ হ·ন্নুয়া।”
উনি জা·মানো বিয়ান খ্রীষ্ট ইখো দারাংনাবা আগানজাখানা বিয়া আন·থাংনি জা·রিকগিবারাংখো বেং·জক।

উয়া সময়ওনি যীশু আন·থাংনি জা·রিকগিবারাংনা আগান্না হা·বাচেংজক, বিখো যিরূশালেমচা রি·য়াংনা নাংনুয়া আরো মি·আফারাংনি, খামাল দাল·গিবারাংনি আরো শাস্ত্র স্খিগিবারাংনি জাক্কো বাং·এন দুক চাকনা নাংনুয়া। জা·মানো বিখো স·ওতে গালনুয়া আরো সাল গিত্থামনি সালো সিয়াওনি চাখাতফিলনা নাংনুয়া।
উনো পিতর বিখো রিম্মাংএ মা·নেংএ আগানজক, “গিত্তেল, ইন্দাকে হং·জাখানা। নাং·নি সাক্কাও ইন্দাকে মামুং সালোবা হং·জাখানা।”
যীশু ফি·ল্লে পিতরনা আগানজক, “আংচানি খাতবো, শয়তান। না·আ আংনি রামাও চাংফেংগিবা। না·আ ইসলনি বিদিংখো চানচিজা ইন্দিবা মান্দিনি বিদিংখোসা চানচিয়া।”
উনি জা·মানো যীশু আন·থাংনি জা·রিকগিবারাংনা আগানজক, “সাবা আংনি রামাও রি·বানা হা·সিকোদে বিয়া আন·থাংনি হা·সিকা গিত্তা রি·জাখানা; আন·থাংনি চিসলখো রা·এ বিয়া আংনি জা·মান রি·বাখানা। আন·থাংনি গিম্মিন জে জাংগি থাংএতনা হা·ম্মা বিয়া জাংগিথাংখো গিম্মায়েতনুয়া; ইন্দিবা আংনি হা·সেল জে জাংগিথাংখো হন·খামনুয়া বিয়া বিনি জাংগিথাংখো জক্কেৎনুয়া। সাবা হা·গিলসাক গিম্মিকখো মা·ন্নেবা আন·থাংনি জাংগিখো গিম্মায়েতোদে বিনি মুয়া মান·দাপানি দংআ? জাংগিথাংখো মান·ফিলনা ইন্নে বিনি হ·ন্নানি গিত্তা মুয়া দংআ? মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া। আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

收聽 মথি 16