Bible text: Luvale © Bible Society of Zambia, 2017 www.biblesociety-zambia.org/ Recording of the New Testament ℗ Hosanna, 2022

Luvale - 2017 BSZ (NT) Drama

<div class="version vid3089 iso6393lue" data-vid="3089" data-iso6393="lue">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Yesu naNyikotemu</div><div class="p"> 1Jino kwapwile mutu wamuli vaFwaliseu, lijina lyenyi Nyikotemu, apwile muka-kuyula muli vaYuleya.</div><div class="m"> 2Ikiye ejile kuli Yesu naufuku nakwamba ngwenyi, Ove Lapi#3:2 Tala ha1:38., tunatachikiza umuka-kunangula wafuma kuli Kalunga, mwomwo naumwe mwahasa kulinga vinjikizo evi weji kulinganga wauchi, kuvanga Kalunga ali naikiye.</div><div class="m"> 3Yesu amukumbulwile ngwenyi, Mwamuchano vene nangukulweza ngwami, Kuvanga mutu asemuwe chachihya#3:3 Chipwe chakufuma mwilu., mokomoko keshi kuhasa kumona wangana waKalungako.</div><div class="m"> 4Nyikotemu amuhulishile ngwenyi, Mutu mwahasa ngachilihi kusemuka shimbu nakulu lyehi? Mwahasa kwingila kamuchivali mujimo lyanaye nakusemuwa numba?</div><div class="m"> 5Yesu amukumbulwile ngwenyi, Mwamuchano vene nangukulweza ngwami, Kuvanga mutu asemuwe kumeya nakuli Shipilitu, mokomoko keshi kuhasa kwingila muwangana waKalungako.</div><div class="m"> 6 Ocho chakusemuwa kumujimba wanyama chapwa mujimba wanyama, kaha ocho chakusemuwa kuli Shipilitu chapwa shipilitu.</div><div class="m"> 7Kanda ulikomokela omu ngwakwambanga ngwami, kuvanga musemuwe chachihya.</div><div class="m"> 8 Peho yeji kuhuhwanga kweshokwo nayisaka, kaha kuhuhwa chayo weji kuchivwanga, oloze okwo yeji kufumanga noku yeji kuyanga kawatachikizako. Ngocho vene mwanapu weshowo nasemuwa kuli Shipilitu.</div><div class="p"> 9Nyikotemu amuhulishile ngwenyi, Vyuma evi navihashiwa ngachilihi?</div><div class="m"> 10Yesu amukumbulwile ngwenyi, Ove umuka-kunangula vaIsalele, kaha kumana vyuma evi kavyakulumbunukilako?</div><div class="m"> 11Mwamuchano vene nangukulweza ngwami, Tweji kuvulukanga chize twatachikiza, nakuhana unjiho hachize twamona, kaha kamweshi nakwitavila unjiho wetuko.</div><div class="m"> 12Omu ngunamilweze vyahamavu, kamwafweleleleko, nyi nge nangumilweza vyamwilu, namuvifwelela ngachilihi?</div><div class="m"> 13 Naumwe aya lyehi mwilu wauchi, shina Ou kaha &#233;jile kufuma mwilu, Ivene Mwanamutu#3:13 Mwanamutu hilijina lyauKalunga waYesu Kulishitu chipwe shimbu kanda asemuke hakaye, ngana omu vanasoneka kuNdanyele 7:13-14., [Ou &#225;twama mwilu].</div><div class="s">Kalunga ahambakanyine kuzanga vaka-kaye</div><div class="p"> 14Kaha ngana muze azezwile Mose uze linoka mupambo, ngocho nawa naMwanamutu kuvanga vamuzezule,</div><div class="m"> 15mangana wose mwamufwelela, apwenga namwono w&#225;zeneka kukuma.</div><div class="p"> 16 Mwomwo Kalunga ahambakanyine kuzanga vaka-kaye, hakiko avasuwilile Mwanenyi umwe-lyamunwe, mangana weshowo mwamufwelela akazeneke kunonga, oloze apwenga namwono w&#225;zeneka kukuma.</div><div class="m"> 17Mwomwo Kalunga katumine Mwanenyi hano hakaye ahise vaka-kayeko, oloze mangana vaka-kaye vavalwile muli Ikiye.</div><div class="m"> 18Ou mwamufwelela kaveshi kumuhisako, oloze ou keshi kumufwelelako vanamuhisa lyehi, mwomwo kafwelelele lijina lyaMwanaKalunga umwe-lyamunweko.</div><div class="m"> 19Aha hakiko hanejila kuhya &#8212; mwomwo Ivene Musana neza hakaye, oloze vatu vazanga milima kuhambakana musana, mwomwo vilinga vyavo vyapwa vyavipi.</div><div class="m"> 20Mwomwo weshowo eji kulinganga vyavipi ahunga musana, kaha keshi kwiza kuMusanako, kuchina vilinga vyenyi navavisolola.</div><div class="m"> 21Oloze ou eji kulinganga vyamuchano eji kwizanga kumusana, mangana milimo yenyi yisoloke hatoma hakupwa yakuzachila muli Kalunga.</div><div class="s">Kuvanga Kulishitu ahambakanenga muulemu</div><div class="p"> 22Kufuma haze, Yesu ayile natumbaji twenyi kungalila yaYuleya, kaha azuzumanyine navo kuze nakujimika vatu.</div><div class="m"> 23Kaha Yowano nawa apwile nakujimika kuEnone kwakamwihi naSalimi, mwomwo kuze kwapwile meya amavulu, kaha vatu vejilenga vavajimike,</div><div class="m"> 24mwomwo Yowano apwile kanda vamuhake mukamenga.</div><div class="p"> 25Jino kwapwile kulipula jipami mukachi katumbaji twaYowano nakaYuleya umwe havilika vyakulitomesa#3:25 Hachihande chavilika vyavaYuleya vyakulitomesa nge mwaya Jishimbi jaMose..</div><div class="m"> 26Kaha vejile kuli Yowano nakwamba ngwavo, Ove Lapi, Uze apwanga nayove musali yaYotau, Uze w&#225;hanyinanga unjiho, tala, Ikiye ali nakujimika, kaha vosena vali nakuumbukila kuli Ikiye.</div><div class="m"> 27Yowano avakumbulwile ngwenyi, Mutu keshi kuhasa kulitambwila koma kamweko, kuvanga vanamuhaneko kufuma mwilu.</div><div class="m"> 28Enu vavene munahase kuhana unjiho omu ngwambile ngwami, Ami keshi yami Kulishituko, oloze vanangutumu kulutwe lwenyi.</div><div class="m"> 29Ou &#225;li namwenga Ikiye Mwenya-mwenga. Oloze sepa lyaMwenya-mwenga, ou nemana nakumwivwilila, mwawahilila chikuma halizu lyaMwenya-mwenga. Shikaho jino, echi kuwahilila chami vanachitesamo.</div><div class="m"> 30Kuvanga Ikiye ahambakanenga muulemu, aminyi ngukehenga.</div><div class="p"> 31 Ou afuma mwilu alitulaho hali vosena. Ou wahamavu apwa wahamavu, kaha eji kuhanjikanga vyahamavu. Ou afuma mwilu alitulaho hali vosena.</div><div class="m"> 32Eji kuhananga unjiho hachize amona nakwivwa, oloze naumwe wauchi eji kwitavilanga unjiho wenyi.</div><div class="m"> 33Ou netavila unjiho wenyi nahakeko katachikijilo kenyi ngwenyi, Kalunga apwa wamuchano.</div><div class="m"> 34Mwomwo Ou vatuma kufuma kuli Kalunga eji kuhanjikanga mazu aKalunga, mwomwo Kalunga kahana Mwanenyi Shipilitu nakwesekelako.</div><div class="m"> 35 Ise azanga Mwanenyi, kaha amuhana vyosena mulivoko lyenyi.</div><div class="m"> 36 Ou mwafwelela MwanaKalunga, ali namwono w&#225;zeneka kukuma, oloze ou mwakana MwanaKalunga keshi kukamona mwonoko, oloze utenu waKalunga wamuzengamina.</div>
 </div>
 </div>
</div>

Jino kwapwile mutu wamuli vaFwaliseu, lijina lyenyi Nyikotemu, apwile muka-kuyula muli vaYuleya.
Ikiye ejile kuli Yesu naufuku nakwamba ngwenyi, Ove Lapi , tunatachikiza umuka-kunangula wafuma kuli Kalunga, mwomwo naumwe mwahasa kulinga vinjikizo evi weji kulinganga wauchi, kuvanga Kalunga ali naikiye.
Yesu amukumbulwile ngwenyi, Mwamuchano vene nangukulweza ngwami, Kuvanga mutu asemuwe chachihya, mokomoko keshi kuhasa kumona wangana waKalungako.
Nyikotemu amuhulishile ngwenyi, Mutu mwahasa ngachilihi kusemuka shimbu nakulu lyehi? Mwahasa kwingila kamuchivali mujimo lyanaye nakusemuwa numba?
Yesu amukumbulwile ngwenyi, Mwamuchano vene nangukulweza ngwami, Kuvanga mutu asemuwe kumeya nakuli Shipilitu, mokomoko keshi kuhasa kwingila muwangana waKalungako.
Ocho chakusemuwa kumujimba wanyama chapwa mujimba wanyama, kaha ocho chakusemuwa kuli Shipilitu chapwa shipilitu.
Kanda ulikomokela omu ngwakwambanga ngwami, kuvanga musemuwe chachihya.
Peho yeji kuhuhwanga kweshokwo nayisaka, kaha kuhuhwa chayo weji kuchivwanga, oloze okwo yeji kufumanga noku yeji kuyanga kawatachikizako. Ngocho vene mwanapu weshowo nasemuwa kuli Shipilitu.
Nyikotemu amuhulishile ngwenyi, Vyuma evi navihashiwa ngachilihi?
Yesu amukumbulwile ngwenyi, Ove umuka-kunangula vaIsalele, kaha kumana vyuma evi kavyakulumbunukilako?
Mwamuchano vene nangukulweza ngwami, Tweji kuvulukanga chize twatachikiza, nakuhana unjiho hachize twamona, kaha kamweshi nakwitavila unjiho wetuko.
Omu ngunamilweze vyahamavu, kamwafweleleleko, nyi nge nangumilweza vyamwilu, namuvifwelela ngachilihi?
Naumwe aya lyehi mwilu wauchi, shina Ou kaha éjile kufuma mwilu, Ivene Mwanamutu, [Ou átwama mwilu].

Kaha ngana muze azezwile Mose uze linoka mupambo, ngocho nawa naMwanamutu kuvanga vamuzezule,
mangana wose mwamufwelela, apwenga namwono wázeneka kukuma.
Mwomwo Kalunga ahambakanyine kuzanga vaka-kaye, hakiko avasuwilile Mwanenyi umwe-lyamunwe, mangana weshowo mwamufwelela akazeneke kunonga, oloze apwenga namwono wázeneka kukuma.
Mwomwo Kalunga katumine Mwanenyi hano hakaye ahise vaka-kayeko, oloze mangana vaka-kaye vavalwile muli Ikiye.
Ou mwamufwelela kaveshi kumuhisako, oloze ou keshi kumufwelelako vanamuhisa lyehi, mwomwo kafwelelele lijina lyaMwanaKalunga umwe-lyamunweko.
Aha hakiko hanejila kuhya — mwomwo Ivene Musana neza hakaye, oloze vatu vazanga milima kuhambakana musana, mwomwo vilinga vyavo vyapwa vyavipi.
Mwomwo weshowo eji kulinganga vyavipi ahunga musana, kaha keshi kwiza kuMusanako, kuchina vilinga vyenyi navavisolola.
Oloze ou eji kulinganga vyamuchano eji kwizanga kumusana, mangana milimo yenyi yisoloke hatoma hakupwa yakuzachila muli Kalunga.

Kufuma haze, Yesu ayile natumbaji twenyi kungalila yaYuleya, kaha azuzumanyine navo kuze nakujimika vatu.
Kaha Yowano nawa apwile nakujimika kuEnone kwakamwihi naSalimi, mwomwo kuze kwapwile meya amavulu, kaha vatu vejilenga vavajimike,
mwomwo Yowano apwile kanda vamuhake mukamenga.
Jino kwapwile kulipula jipami mukachi katumbaji twaYowano nakaYuleya umwe havilika vyakulitomesa.
Kaha vejile kuli Yowano nakwamba ngwavo, Ove Lapi , Uze apwanga nayove musali ya Yotau , Uze wáhanyinanga unjiho, tala, Ikiye ali nakujimika, kaha vosena vali nakuumbukila kuli Ikiye.
Yowano avakumbulwile ngwenyi, Mutu keshi kuhasa kulitambwila koma kamweko, kuvanga vanamuhaneko kufuma mwilu.
Enu vavene munahase kuhana unjiho omu ngwambile ngwami, Ami keshi yami Kulishituko, oloze vanangutumu kulutwe lwenyi.
Ou áli namwenga Ikiye Mwenya-mwenga. Oloze sepa lyaMwenya-mwenga, ou nemana nakumwivwilila, mwawahilila chikuma halizu lyaMwenya-mwenga. Shikaho jino, echi kuwahilila chami vanachitesamo.
Kuvanga Ikiye ahambakanenga muulemu, aminyi ngukehenga.
Ou afuma mwilu alitulaho hali vosena. Ou wahamavu apwa wahamavu, kaha eji kuhanjikanga vyahamavu. Ou afuma mwilu alitulaho hali vosena.
Eji kuhananga unjiho hachize amona nakwivwa, oloze naumwe wauchi eji kwitavilanga unjiho wenyi.
Ou netavila unjiho wenyi nahakeko katachikijilo kenyi ngwenyi, Kalunga apwa wamuchano.
Mwomwo Ou vatuma kufuma kuli Kalunga eji kuhanjikanga mazu aKalunga, mwomwo Kalunga kahana Mwanenyi Shipilitu nakwesekelako.
Ise azanga Mwanenyi, kaha amuhana vyosena mulivoko lyenyi.
Ou mwafwelela MwanaKalunga, ali namwono wázeneka kukuma, oloze ou mwakana MwanaKalunga keshi kukamona mwonoko, oloze utenu waKalunga wamuzengamina.

收聽 Yowano 3