Sangu - 2020 WBT (NT, GEN) Non Drama

<div class="version vid2815 iso6393sbp" data-vid="2815" data-iso6393="sbp">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Avaana avanji va Abulahamu</div><div class="p"> 1UAbulahamu wa&#769;mutoolaga umudala uyunji ilitaawa lyakwe akhandi yu Ketuula. 2Uyu wa&#769;musavilaga uAbulahamu avaana ava, Simulani, Yokishani, Medaani, Midiyani, Ishibaki nu Shuwa. 3UYokishani akhandi wihaanave wa Sheeba nu Dedani. Avaana va Dedani vakhandi aVaashuulu, aValetushi na Valewumi. 4Avaana va Midiyani vakhandi ava, Efa, Efeeli, Hanooki, Abida nu Elida. Ishisafi ishi shoona shikhandi sha Ketuula.</div><div class="p"> 5UAbulahamu wa&#769;muhasaaga uIsaaka uwusi waakwe woona. 6Leelo, avanaakwe va vadala avanji avanang&#700;ana, wa&#769;vapeelaga ulutono lunofu. Baheene wa&#769;vawuusa, vaaluta kikhala ku nyi iya kunena yina yili kutali nu mwanaakwe uIsaaka.</div><div class="s">Imfwa ya Abulahamu</div><div class="p"> 7UAbulahamu wa&#769;kheele pa nyi maakha ligana limo na mashumi fungati na gasaanu (175). 8UAbulahamu pina akhandi muumi, akhandi akheele luhaavi lutali na lunofu mandu na lwa kiyimiililwa. Wa&#769;ganile kiifwa, wa&#769;hansiwaagwa na vambuye vina vatalaga kiifwa. 9Avanaakwe uIsaaka nu Ishimayeli vamusiila uwihaanave mu mongolo iya Makipela, ulubali ulwa kunena ulwa Mamule, ku mugunda guna gukhandi gwa Efuloni umwana wa Sohaali uMuhiti. 10Umugunda ugo, uAbulahamu wa&#769;gulile kihuma kwa Vahiti.#25:10 Yimba mu litaafili lya Shiyanso 23:17-20. Apo baheene pina uAbulahamu nu mudala waakwe uSaala vavasiilaga.</div><div class="p"> 11UAbulahamu wa&#769;ganaga kiifwa, uNguluvi wa&#769;muyimililaga uIsaaka umuswamu waakwe uAbulahamu. UIsaaka wa&#769;lutile kikhala nkholeela ni lisima lya Beeli-Lahayi-Loyi.#25:11 Yimba mu litaafili lya Shiyanso 16:14.</div><div class="s">Avaana va Ishimayeli</div><div class="p"> 12Ifi fifyene fisafi fya Ishimayeli umwana wa Abulahamu nu Hajili uMumisili yuna akhandi muvanda wa Saala. 13Amataawa ga vaana va Ishimayeli kwa kitunjililana kisawa gageene aga, uwa wutasi yu Nebayoti, umutunjililano uKedaali, uAdebeeli, uMibisamu, 14uMishima, uDuuma, uMasa, 15uHadadi, uTeema, uYetuuli, uNafishi nu Kedeema. 16Awo vaveene vaana ishumi na vavili va Ishimayeli, khanji vakhandi shiyanso sha fikholo ishumi na fivili fya Ishimayeli. Injinji saanave, amatinga gaanave ni fikholo fyanave, fyatambulwagwa kwa mataawa gaanave.</div><div class="p"> 17Amaakha ga Ishimayeli gina wa&#769;kheele pa nyi, gakhandi ligana limo mashumi gatatu ni fungati (137) baheene wa&#769;fwile, wa&#769;hansiwa na vambuye. 18Avaana va Ishimayeli vakheele mu njinji kihuma ku Havila mbakha ku Shuuli. Uluvala ulo, lukhandi panena ya Misili, kiluta ku Ashuulu. Avaana va Ishimayeli vikhalaga veene duguli vasikhahansikheene na valukholo lwanave.</div><div class="s">Kisawa kwa Esawu nu Yaakobo</div><div class="p"> 19Ifi fifyene fisafi fya Isaaka, umwana wa Abulahamu. 20UIsaaka wa&#769;ganile kifisa maakha mashumi gana, wa&#769;mutoola uLebeka, uwulumbu wa Labani, umwana wa Betuweli. UBetuweli akhandi Mualaamu muunu wa ku Padani-Alaamu. 21ULebeka akhandi mugumba, kwa kiiva ya ilyo uIsaaka akhandi ikimulomba uMutwa uNguluvi, woope wa&#769;mupulikha uIsaaka. Baheene uLebeka wa&#769;sumula ulwanda. 22Ulwanda lwa Lebeka lukhandi lwa mapasa. Avaana awo vaava vimenana mu wutumbu umo mbakha uLebeka wa&#769;aja, &#8220;Kwashi gisenjekha aga kunyangu ndeeni?&#8221; Ndeeno wa&#769;aluta kimuposa uNguluvi. 23UNguluvi wa&#769;mujovela wa&#769;aja, &#8220;Mu wutumbu waakho, kuna fikholo fikhome fivili. Ifikholo ifi, fisibagunkhane kihuma mu wutumbu waakho. Yumonga, asiive ni ngufu kishila uyunji. Umukhome asiive ikimusenjela umunang&#700;ana.&#8221;</div><div class="p"> 24Insiku isa kisava saganile kifikha, shiyooli uLebeka wa&#769;asava avaana mapasa va shidiimi. 25Umwana uwa wutasi akhandi muduuhu ana nyele muvili goona, kwa kiiva ya ilyo vamupeela ilitaawa lya Esawu.#25:25 Esawu: Litaawa lya Shihebulaniya, litambulwa ndeeno, kihwananisa ni liswi lina uluganulo lwakwe, umuunu yuna ana nyele nyinshi mu muvili goona. 26Uwa wuvili wa&#769;asawa amukheete ishinsikiliinyi umukhome waakwe, kwa kiiva ya ilyo vamupeela ilitaawa lya Yaakobo.#25:26 Yaakobo: Litaawa lya Shihebulaniya. Uluganulo lwakwe, shinsikiliinyi. Ilitaawa ili liwonensa kiija muunu mujanjilisaaji. Uluhaavi luna uLebeka wa&#769;savile avaana vala, uIsaaka akhandi afisiise maakha mashumi mutanda.</div><div class="s">UEsawu iigusa uwutawulilwa uwa kiiva mukhome</div><div class="p"> 27UEsawu nu Yaakobo vaakula. UEsawu wa&#769;ava mufwimaaji munofu na idobokha kikhala ku lunyikha. UYaakobo wa&#769;ava muhuugu na idobokha kikhala pakhaaya. 28UEsawu akhandi ikimutwalilaga uIsaaka uwiihe inyama isa wufwimaaji, ndeeno uIsaaka wa&#769;mugana uEsawu, leelo uLebeka wa&#769;mugana uYaakobo.</div><div class="p"> 29Ilijuva limonga uYaakobo pina wa&#769;ali itelekha idengu, uEsawu wa&#769;awuya kihuma kifwima, leelo injala yikhandi yimulumile mandu. 30Baheene uEsawu wa&#769;mujovela uYaakobo wa&#769;aja, &#8220;Miyaa, lino ni muyaago nisiifwe ni njala, nilomba unipeele nyangu ishakiilya isho ishiduuhu nilye.&#8221; (Lulwene vamupeelaga uEsawu ilitaawa lya Edomu, uluganulo lwakwe kiija muduuhu.) 31UYaakobo wa&#769;mujovela wa&#769;aja, &#8220;Tangusiina nigusisa uwukhome waakho uwa kitala kisawa.&#8221;#25:31 Kitala kisawa: Kwa ng&#700;oma ya vaanu va luhaavi lula, umwana uwa wutasi kisawa, yaani uwa wutasi uwa shidiimi, akhandi ihaala mala khavili kishila vina vitunjilila. 32UEsawu wa&#769;aja, &#8220;Niilwa kiifwa, hambi nishepushilwa shishi one kiiva nu wutawulilwa uwa kiiva mwana wa wutasi kisawa?&#8221; 33Baheene uYaakobo wa&#769;mujovela wa&#769;aja, &#8220;Yiyiiga tangusiina.&#8221; Baheene wa&#769;yiyiiga, ndeeno wa&#769;mugusisa uYaakobo uwutawulilwa uwa kiiva mwana wa wutasi kisawa. 34Apo uYaakobo wa&#769;mupeela uEsawu umukhaate ni dengu, wa&#769;alya na kiing&#700;wa, baheene wa&#769;wuukha. Shiisho ndeeno uEsawu wa&#769;salaga uwukhome waakwe uwa kitala kisawa.</div>
 </div>
 </div>
</div>

UAbulahamu wámutoolaga umudala uyunji ilitaawa lyakwe akhandi yu Ketuula. Uyu wámusavilaga uAbulahamu avaana ava, Simulani, Yokishani, Medaani, Midiyani, Ishibaki nu Shuwa. UYokishani akhandi wihaanave wa Sheeba nu Dedani. Avaana va Dedani vakhandi aVaashuulu, aValetushi na Valewumi. Avaana va Midiyani vakhandi ava, Efa, Efeeli, Hanooki, Abida nu Elida. Ishisafi ishi shoona shikhandi sha Ketuula.
UAbulahamu wámuhasaaga uIsaaka uwusi waakwe woona. Leelo, avanaakwe va vadala avanji avanangʼana, wávapeelaga ulutono lunofu. Baheene wávawuusa, vaaluta kikhala ku nyi iya kunena yina yili kutali nu mwanaakwe uIsaaka.

UAbulahamu wákheele pa nyi maakha ligana limo na mashumi fungati na gasaanu (175). UAbulahamu pina akhandi muumi, akhandi akheele luhaavi lutali na lunofu mandu na lwa kiyimiililwa. Wáganile kiifwa, wáhansiwaagwa na vambuye vina vatalaga kiifwa. Avanaakwe uIsaaka nu Ishimayeli vamusiila uwihaanave mu mongolo iya Makipela, ulubali ulwa kunena ulwa Mamule, ku mugunda guna gukhandi gwa Efuloni umwana wa Sohaali uMuhiti. Umugunda ugo, uAbulahamu wágulile kihuma kwa Vahiti. Apo baheene pina uAbulahamu nu mudala waakwe uSaala vavasiilaga.
UAbulahamu wáganaga kiifwa, uNguluvi wámuyimililaga uIsaaka umuswamu waakwe uAbulahamu. UIsaaka wálutile kikhala nkholeela ni lisima lya Beeli-Lahayi-Loyi.

Ifi fifyene fisafi fya Ishimayeli umwana wa Abulahamu nu Hajili uMumisili yuna akhandi muvanda wa Saala. Amataawa ga vaana va Ishimayeli kwa kitunjililana kisawa gageene aga, uwa wutasi yu Nebayoti, umutunjililano uKedaali, uAdebeeli, uMibisamu, uMishima, uDuuma, uMasa, uHadadi, uTeema, uYetuuli, uNafishi nu Kedeema. Awo vaveene vaana ishumi na vavili va Ishimayeli, khanji vakhandi shiyanso sha fikholo ishumi na fivili fya Ishimayeli. Injinji saanave, amatinga gaanave ni fikholo fyanave, fyatambulwagwa kwa mataawa gaanave.
Amaakha ga Ishimayeli gina wákheele pa nyi, gakhandi ligana limo mashumi gatatu ni fungati (137) baheene wáfwile, wáhansiwa na vambuye. Avaana va Ishimayeli vakheele mu njinji kihuma ku Havila mbakha ku Shuuli. Uluvala ulo, lukhandi panena ya Misili, kiluta ku Ashuulu. Avaana va Ishimayeli vikhalaga veene duguli vasikhahansikheene na valukholo lwanave.

Ifi fifyene fisafi fya Isaaka, umwana wa Abulahamu. UIsaaka wáganile kifisa maakha mashumi gana, wámutoola uLebeka, uwulumbu wa Labani, umwana wa Betuweli. UBetuweli akhandi Mualaamu muunu wa ku Padani-Alaamu. ULebeka akhandi mugumba, kwa kiiva ya ilyo uIsaaka akhandi ikimulomba uMutwa uNguluvi, woope wámupulikha uIsaaka. Baheene uLebeka wásumula ulwanda. Ulwanda lwa Lebeka lukhandi lwa mapasa. Avaana awo vaava vimenana mu wutumbu umo mbakha uLebeka wáaja, “Kwashi gisenjekha aga kunyangu ndeeni?” Ndeeno wáaluta kimuposa uNguluvi. UNguluvi wámujovela wáaja, “Mu wutumbu waakho, kuna fikholo fikhome fivili. Ifikholo ifi, fisibagunkhane kihuma mu wutumbu waakho. Yumonga, asiive ni ngufu kishila uyunji. Umukhome asiive ikimusenjela umunangʼana.”
Insiku isa kisava saganile kifikha, shiyooli uLebeka wáasava avaana mapasa va shidiimi. Umwana uwa wutasi akhandi muduuhu ana nyele muvili goona, kwa kiiva ya ilyo vamupeela ilitaawa lya Esawu. Uwa wuvili wáasawa amukheete ishinsikiliinyi umukhome waakwe, kwa kiiva ya ilyo vamupeela ilitaawa lya Yaakobo. Uluhaavi luna uLebeka wásavile avaana vala, uIsaaka akhandi afisiise maakha mashumi mutanda.

UEsawu nu Yaakobo vaakula. UEsawu wáava mufwimaaji munofu na idobokha kikhala ku lunyikha. UYaakobo wáava muhuugu na idobokha kikhala pakhaaya. UEsawu akhandi ikimutwalilaga uIsaaka uwiihe inyama isa wufwimaaji, ndeeno uIsaaka wámugana uEsawu, leelo uLebeka wámugana uYaakobo.
Ilijuva limonga uYaakobo pina wáali itelekha idengu, uEsawu wáawuya kihuma kifwima, leelo injala yikhandi yimulumile mandu. Baheene uEsawu wámujovela uYaakobo wáaja, “Miyaa, lino ni muyaago nisiifwe ni njala, nilomba unipeele nyangu ishakiilya isho ishiduuhu nilye.” (Lulwene vamupeelaga uEsawu ilitaawa lya Edomu, uluganulo lwakwe kiija muduuhu.) UYaakobo wámujovela wáaja, “Tangusiina nigusisa uwukhome waakho uwa kitala kisawa.” UEsawu wáaja, “Niilwa kiifwa, hambi nishepushilwa shishi one kiiva nu wutawulilwa uwa kiiva mwana wa wutasi kisawa?” Baheene uYaakobo wámujovela wáaja, “Yiyiiga tangusiina.” Baheene wáyiyiiga, ndeeno wámugusisa uYaakobo uwutawulilwa uwa kiiva mwana wa wutasi kisawa. Apo uYaakobo wámupeela uEsawu umukhaate ni dengu, wáalya na kiingʼwa, baheene wáwuukha. Shiisho ndeeno uEsawu wásalaga uwukhome waakwe uwa kitala kisawa.

收聽 Shiyanso 25