Kandozi - 2010 Edition (NT)

<div class="version vid213 iso6393cbu" data-vid="213" data-iso6393="cbu">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Mishat, yuwaa gobernador Isusoo izuuru pchangints, t&#225;rangu anoo kamanchinllpa</div><div class="r">(Matiwa 27.1-2, 11-14; M&#225;rkosa 15.1-5; Wanga 18.28-38)</div><div class="p"> 1Uta&#225;shuch urkari Isusoo tsiyatamaam iwapayarusin, gobernadorap mang Isusoo machtarangana. Gobernador Pilaturincha sura.</div><div class="p"> 2Pilaturinshini kuseersin, Isusoo yusur tsiyatarangana. In tputs yutaritcha mang, t&#225;rangana Pilaturineetsi. Tamundakiya; yutarit tayaspatakiya. Tayaspataku, Gobernoom kurikireetsis panarintspa; mang atiya; Isus siyaam kurikee panamaam pachindkiya. Mishat, mang: Nuw kizpur kuraktana; Apanlltana Ipusamarini; atitamta, mang t&#225;rangana Uta&#225;shuch urkari. 3Pilaturinsha Isusoo mashirangiya; &#191;Shiy Uta&#225;shuchpasha urkarsha? t&#225;yaru, Isussha: Aa, nuw Uta&#225;shuchtana nuw kuraki, t&#225;rangiya.</div><div class="p"> 4Pilaturinsha kurakpat tsiyateeru. Isusoo zapan yasarangtana, t&#225;rangu. Itaru, yutaritaja tputsi; wanasircha. &#191;Mayaamshta ashimaa nuw tupchachee? t&#225;rangiya kurakaatsi. 5Itaru, Uta&#225;shuchsha, Nish Uta&#225;sh tsap kapung xiyrangiya. Yutarit tayaspatakiya. Ichtaru Galileyash tsap tayaspatarangu, singsha nish kusarangiya; t&#225;rangana Pilaturineetsi. 6Pilaturinsha anoo mazinayaru, Ashiri &#191;Isus Galileyshuch tputsi? &#225;tu, Aa; Galileyshuchcha, mang, t&#225;rangana. 7Pilaturinsha Herodesarinip Isusoo zanganirangiya. Herodesarinsha natumasamaam Irusarinush napkatu taarangiya. Ashiri Herodesarinap Isusoo mang machtarangana.</div><div class="p"> 8Isus Herodesash kuseeru, Herodesarinsha mang' kis ashirangiya, manga. Isusumun tsiyatssee zapan mazinarangiya. Ashiri Isusoo pamaam sir&#250;tari mang zandarangiya. Isus tputsee yarkachu anoo pangasani mang, t&#225;rangiya.</div><div class="p"> 9Ashirucha, Herodesarin Isusoo zapan mashirangiya. Itaru, Isus nda y&#225;mku mazinazinaw ashirangiya. 10Uta&#225;shuch apanllpan urkari, misha M&#243;ysispanirini t&#225;yaspatashi anush zapan kaxayeersin, Isusoo yutarit tsiyatarangana. Ashiritaa nda y&#225;marangiya.</div><div class="p"> 11Ashiriya, Herodesarinsha tsiyantayaru, Isusoo natsarangiya. Sheeru, wasundurursha Isusoo kiyung t&#225;charangana, manga. Wamareemsha kizpur wanasir t&#250;martarangana. Sheersin, Pilaturinipsha waptam machtarangana, manga.</div><div class="p"> 12Sir&#250; Pilaturinpa Herodesarinpat waanpata natsarangana; undararimuncha. Itaru, yuwash Isusoo yacharangana anush mang amikurtarangana.</div><div class="r">(Matiwa 27.15-26; M&#225;rkosa 15.6-15; Wanga 18.39&#8212;19.16)</div><div class="p"> 13Ashirucha, Pilaturinshini yusur kusarangu, Pilaturinsha Uta&#225;shuchee urkar ichinguru yusur mang tushaneerangiya. 14Pilaturinsha: Siy Isusoo yutaritam &#237;narangusa; t&#225;rangu. Isus gobernoo kapeetamaam zandku t&#225;ranllis. Itaru, tsiyatarangis anoo nda minamtiyam zurarangsa. Isusoo zapan mashiranguri, xapoorangina. Ashiri tsiyatssis nda minamtiyam mantsir taariya. 15Napa; Herodes xapoorangitamta; watam mangutari tuwanpuranguwa. &#191;Mayamandaja ngutich pachachich? 16Ashiriya, nuwna pzkoomaam pzkooyaruri, ngutariti tashitungachima, mang, t&#225;rangiya Pilaturini.</div><div class="p"> 17-19T&#225;yaru, tputssha ichinguru kuraktam ichinguru washunandari zamangarangana. Watsta. Isusoo tashitungarinllpa. Pachayarush ksangcha. Par&#225;psaatssha tshitungangcha; mang, t&#225;rangana tputsi.</div><div class="p">Par&#225;pas kizpur yutaritamuna tputsi. Uwsha mang gobernoo kapeetamaam zandeeru, tputsee yutarit waneerangiya. Tputsee pacharangitamta. Ashirucha, putayarusin, tumanarangana.</div><div class="p"> 20Itaru, Pilaturin Isusoo tashitungamaam zandarangiya. Ashiri yusur tsiyatarangiya. Pilaturinsha: Nuwsha Isusoo tashitungachima; t&#225;rangiya. 21Itaru, tputssha kizpur zamangarangusin, Nduni. Pachayarush ksangi. Yasinamun tstsambeerush ksangi, &#225;tangat ashirangana, manga.</div><div class="p"> 22Itaru, Pilaturinsha tuchip tayuseeru tsiyatarangiya. Nduni. &#191;Mayamandshita pachachee, watam nda yutarit taaranguwa? t&#225;rangu. Yacharanguri, nda minamtiyam tsipatseem waritaranguwa. Ashiriya, ngutariti pzkoombeeruri, tashitungachima; t&#225;rangiya Pilaturini.</div><div class="p"> 23Tputssha anoo mazinayarusin, aranganashsha zamangarangana. Yasinamun tstsambeerush ksangi; &#225;tangat ashirangana. Wanikatangat ashirangana. Mang Pilaturineetsini kasirangana.</div><div class="p"> 24Ashirucha, Pilaturinsha: Ashiriya, saana Isusoo pachamaam zandkus, pchangsints; t&#225;rangiya. 25Par&#225;psaa tashitungayaru, Isusoo panarangiya kurakaama. Kuraksha Isusoo pachamaam machtarangana, manga.</div><div class="p">Ashiriya, yuwaa gobernador Isusoo izuuru pchangints t&#225;rangu anoo kamaneena.</div><div class="s">Mishat, yuwaa Isusoo pacharangana anoo kamanchinllpa</div><div class="r">(Matiwa 27.32-44; M&#225;rkosa 15.21-32; Wanga 19.17-27)</div><div class="p"> 26Ashirucha, Isusoo chapungup pachani atusin machtarangana. Sundarsha Simoo, Sir&#237;nshuchee tputs chamayangarangusin, mang putarangana. Sim mangu puyayashinu, naantachu, putarangana. Natu shiysha yasinaa Isusoom kungi; atusin, kamachtarangana. Ashirucha, Simsha Isusush tachitaru, kuktaranll ashirangiya.</div><div class="p"> 27Tputs zapan Isusush tachitarangana, manga. Kizatam tachitarangana. Kizpur tanurangana Isusungazi. 28Isussha natpunuyaru, Kizis, &#191;mayaamsha nuwangaz tanuksa? t&#225;rangiya. Itaru, iparingazis tanungtsa; saanangaztamari tanungtamtsa. 29Mazinangtsa: siyaam kizpur yutarita tushiychiya. Anush siysa: Yuw kiz mipshiri taaku an mang' ksachiya, t&#225;chpasa. &#191;Tamaree kanxoo tumimtatarinaariya ksaja suwach? t&#225;chpasa. 30Kamungshishingaz zandkus, Machi nuwamun warangtayaru, pchachindama, t&#225;chpasa. 31Napancha: nuw wanasir taarangtaati, &#191;nuwaa tamakimsinaya? Siyaa Irusarinshucheetsis misisinashaparee kiyung yachatssintsa, t&#225;rangiya Isusu tputseetsi.</div><div class="p"> 32Pachampaneetstam tsimbuna tputs machtarangana. Pachamaam naanata ashirangana, manga. 33Machip kusarangana. Machi muchuzi sura.</div><div class="p">Anush kuseersin, Isusoo yasinamun pusandayarusin tstsarangana. Pachampaneetssha min mbutsunungich ningich tstsarangana. Minootssha mbazinungich arangich mang tstsarangana. 34Tstsaksin, Isussha: Apaa, tputsee waneerinllpa. Yasarazinllinaja; t&#225;rangiya Wapareetsi. Itaru, sundarsha Isusoo wamar ichinguru tusheersin, &#191;chakaja Isusoo wamar yach? atusin, wichipat mang michitarangana.#23.34 Salmo 22.18 tsiyatsis nipta tatsamooru taaritamta. 35Tputssha napataranll ashirangana.</div><div class="p">Uta&#225;shuchsha urkar Isusoo wintsarpata michitarangana.#23.35 Salmo 22.7 tsiyatsis nipta tatsamooru taaritamta. &#191;Tamasha nda shaantanasha kamungaksha? &#191;Wanipaja tputsee istarangish, itaru shaanaatsisha xapookshawa? &#191;Natu, kaapaniri Apanlleesha Ipusamarini nda kamungaksha? mang, t&#225;rangana Uta&#225;shuch urkari.</div><div class="p"> 36Sundarsha Isusoo michitarangitamsina. Kshaa waaksin, Naani, kayunu wayani;#23.36 Salmo 69.21 tsiyatsis nipta tatsamooru taaritamta. t&#225;rangana. 37&#191;Kaapaneesha Uta&#225;shucheesha urkarish nda shaanaatstanasha tapachindaksha? mang t&#225;rangitamsina. 38Yasinamun, Isusumun iwazi yandamarini tstsarangana. Yandamarini kamanirangiya; Isus Uta&#225;shuchcha urkari; &#225;tu kamanirangiya.</div><div class="p"> 39Sheeru, yutaritshishpan tputs, yuw Isusunung tstsarangana an, uwsha minamta yutarittam michitarangiya. Mang: &#191;Kaapaniri shiy Apanlleezish Ipusamarini? Natu, shaanaatsi tapachindayarush, nuwaatstam istangandama. &#191;Tamasha xapooksha? t&#225;rangiya Isusootsi. 40Itaru, minshat yutaritshishpan: Watsta; t&#225;rinllpa. Zamangi; t&#225;rangu. Waana Apanll iyaa yasachiya. Tsipakchitaatish, &#191;tamasha shiy Apanlleetstaa nda puniksha? 41&#191;Nitaati iyaa mangutaja tstsarangana? nda. Yaana yutarit taaranguni, iyaa anumand pachakanaya. Itaru, Isus wanasiriri taaranguwa. Ashiri shiysha zamangi; mang t&#225;yaru, 42Isuspasha tsiyatarangiya; Isusoo, yusur kuskachush, shiyamari kasiyarush, nuwaa mbizarinllpa; mang, t&#225;rangiya. 43Isussha: Mazinangcha nuwaa kuki, t&#225;rangu. Nat in shiy nuwapta kayunutam Apanllish taachiniya; t&#225;rangiya yutaritshishpaneetsi.</div><div class="r">(Matiwa 27.45-56; M&#225;rkosa 15.33-41; Wanga 19.28-30)</div><div class="p"> 44Zar wachamureetsi kizpur taapi ashirangiya. Zar kzata mang ashirangiya. Tsapsha tunee ashirangiya. Zapishsha, zar pukamchu, yusursha zar yakatan ashirangiya. 45Zar tapeeranllu, Apanllush pang' kamis ipusanand izichirangiya. 46Isussha kizpur mang tsiyatarangu, Apaa, kaneetsi ksariyshpa; yamangandama; t&#225;yaru, tsiparangiya.</div><div class="p"> 47Kapitansha anoo pakeeru, Apanlleerupa ashkiya. Isus wanasirimuncha tputsi; mang, t&#225;rangiya.</div><div class="p"> 48Tputs anush zapan mangu nashimangamaam shaniyaranganaya. Itaru, tputs Isusoo pacharangana anoo pakeersin, mang' punirustayarusin, titkuree tiyam tiyam shitarangsin, waptam kanapuranganaya, manga. 49Itaru, Isussha wamkur, kizaptatam, arapeetari naparangana. Wamkur watam sir&#250; Isuspat ipunarusin, Galileyash tsap k&#225;yarusin, Irusarinash kusarangana. Uwshtisin Isusoo pacharangana anoo ichinguru mang parangana.</div><div class="r">(Matiwa 27.57-61; M&#225;rkosa 15.42-47; Wanga 19.38-42)</div><div class="p"> 50Isus tsipayaru, Ussha mappi &#225;tu, Pilaturinpat tsiyatarangiya. Us Uta&#225;shuchee urkarimuntamcha; itaru Isusoo chinarangiya. Kizpur wanasirimuncha tputsi. 51Ndatuma Isus kuschu, uru Apanlleem Ipusamarini kutarangiya. Us Ar&#237;mat&#237;yshuchimuna#23.51 1 Samuela 1.1 Rama, &#225;tu, watatamcha yakta. yaktashchi tputsi. Kurak ichinguru Isusoo pachayani atitaatssin, Us anoo nda zandarangiya; Watsta mang t&#225;rangparee.</div><div class="p"> 52Ashiriya, Us Pilaturinpat tsiyatku, mashirangu; Isusurini y&#225;yaruri mapchima; mang, t&#225;rangiya. Pilaturinsha ayu t&#225;yaru, 53Ussha Isusoo yaruwayaru, kamis mburshimashpat kuripeeru, patumbchish wachush wayarangiya. Mapshishush tsasush wayarangiya; tsipar nllitarit anush ndunimuna. 54Ashirucha, Us Isusoo anush mang wayarangiya. Viernesash zari tapeechu kanusamaam waritariya. Ashiri ndatuma zar tapeeru, zar pukamchu Isusoo mapuranganaya.</div><div class="p"> 55Kizatam Galileyshuchi Osiyash tachiteersin, parangana yuwash Isusoo wayarangu anootsi. 56Pakeersin, waptam kanapurangana. Kzammashee tsiparimun taparpani atusin, pangush mang yararangana. Yaram iwapayarusin, putamsha s&#225;patush zari mang kanusarangana, watam M&#243;ysisarini kamachtamarini atuwa.</div><div class="p">Yuwaa Isusoo pacharangana anoo tsiyatssis iwatspayana.</div>
 </div>
 </div>
</div>

Utaáshuch urkari Isusoo tsiyatamaam iwapayarusin, gobernadorap mang Isusoo machtarangana. Gobernador Pilaturincha sura.
Pilaturinshini kuseersin, Isusoo yusur tsiyatarangana. In tputs yutaritcha mang, tárangana Pilaturineetsi. Tamundakiya; yutarit tayaspatakiya. Tayaspataku, Gobernoom kurikireetsis panarintspa; mang atiya; Isus siyaam kurikee panamaam pachindkiya. Mishat, mang: Nuw kizpur kuraktana; Apanlltana Ipusamarini; atitamta, mang tárangana Utaáshuch urkari. Pilaturinsha Isusoo mashirangiya; ¿Shiy Utaáshuchpasha urkarsha? táyaru, Isussha: Aa, nuw Utaáshuchtana nuw kuraki, tárangiya.
Pilaturinsha kurakpat tsiyateeru. Isusoo zapan yasarangtana, tárangu. Itaru, yutaritaja tputsi; wanasircha. ¿Mayaamshta ashimaa nuw tupchachee? tárangiya kurakaatsi. Itaru, Utaáshuchsha, Nish Utaásh tsap kapung xiyrangiya. Yutarit tayaspatakiya. Ichtaru Galileyash tsap tayaspatarangu, singsha nish kusarangiya; tárangana Pilaturineetsi. Pilaturinsha anoo mazinayaru, Ashiri ¿Isus Galileyshuch tputsi? átu, Aa; Galileyshuchcha, mang, tárangana. Pilaturinsha Herodesarinip Isusoo zanganirangiya. Herodesarinsha natumasamaam Irusarinush napkatu taarangiya. Ashiri Herodesarinap Isusoo mang machtarangana.
Isus Herodesash kuseeru, Herodesarinsha mang' kis ashirangiya, manga. Isusumun tsiyatssee zapan mazinarangiya. Ashiri Isusoo pamaam sirútari mang zandarangiya. Isus tputsee yarkachu anoo pangasani mang, tárangiya.
Ashirucha, Herodesarin Isusoo zapan mashirangiya. Itaru, Isus nda yámku mazinazinaw ashirangiya. Utaáshuch apanllpan urkari, misha Móysispanirini táyaspatashi anush zapan kaxayeersin, Isusoo yutarit tsiyatarangana. Ashiritaa nda yámarangiya.
Ashiriya, Herodesarinsha tsiyantayaru, Isusoo natsarangiya. Sheeru, wasundurursha Isusoo kiyung tácharangana, manga. Wamareemsha kizpur wanasir túmartarangana. Sheersin, Pilaturinipsha waptam machtarangana, manga.
Sirú Pilaturinpa Herodesarinpat waanpata natsarangana; undararimuncha. Itaru, yuwash Isusoo yacharangana anush mang amikurtarangana.

Ashirucha, Pilaturinshini yusur kusarangu, Pilaturinsha Utaáshuchee urkar ichinguru yusur mang tushaneerangiya. Pilaturinsha: Siy Isusoo yutaritam ínarangusa; tárangu. Isus gobernoo kapeetamaam zandku táranllis. Itaru, tsiyatarangis anoo nda minamtiyam zurarangsa. Isusoo zapan mashiranguri, xapoorangina. Ashiri tsiyatssis nda minamtiyam mantsir taariya. Napa; Herodes xapoorangitamta; watam mangutari tuwanpuranguwa. ¿Mayamandaja ngutich pachachich? Ashiriya, nuwna pzkoomaam pzkooyaruri, ngutariti tashitungachima, mang, tárangiya Pilaturini.
Táyaru, tputssha ichinguru kuraktam ichinguru washunandari zamangarangana. Watsta. Isusoo tashitungarinllpa. Pachayarush ksangcha. Parápsaatssha tshitungangcha; mang, tárangana tputsi.
Parápas kizpur yutaritamuna tputsi. Uwsha mang gobernoo kapeetamaam zandeeru, tputsee yutarit waneerangiya. Tputsee pacharangitamta. Ashirucha, putayarusin, tumanarangana.
Itaru, Pilaturin Isusoo tashitungamaam zandarangiya. Ashiri yusur tsiyatarangiya. Pilaturinsha: Nuwsha Isusoo tashitungachima; tárangiya. Itaru, tputssha kizpur zamangarangusin, Nduni. Pachayarush ksangi. Yasinamun tstsambeerush ksangi, átangat ashirangana, manga.
Itaru, Pilaturinsha tuchip tayuseeru tsiyatarangiya. Nduni. ¿Mayamandshita pachachee, watam nda yutarit taaranguwa? tárangu. Yacharanguri, nda minamtiyam tsipatseem waritaranguwa. Ashiriya, ngutariti pzkoombeeruri, tashitungachima; tárangiya Pilaturini.
Tputssha anoo mazinayarusin, aranganashsha zamangarangana. Yasinamun tstsambeerush ksangi; átangat ashirangana. Wanikatangat ashirangana. Mang Pilaturineetsini kasirangana.
Ashirucha, Pilaturinsha: Ashiriya, saana Isusoo pachamaam zandkus, pchangsints; tárangiya. Parápsaa tashitungayaru, Isusoo panarangiya kurakaama. Kuraksha Isusoo pachamaam machtarangana, manga.
Ashiriya, yuwaa gobernador Isusoo izuuru pchangints tárangu anoo kamaneena.


Ashirucha, Isusoo chapungup pachani atusin machtarangana. Sundarsha Simoo, Sirínshuchee tputs chamayangarangusin, mang putarangana. Sim mangu puyayashinu, naantachu, putarangana. Natu shiysha yasinaa Isusoom kungi; atusin, kamachtarangana. Ashirucha, Simsha Isusush tachitaru, kuktaranll ashirangiya.
Tputs zapan Isusush tachitarangana, manga. Kizatam tachitarangana. Kizpur tanurangana Isusungazi. Isussha natpunuyaru, Kizis, ¿mayaamsha nuwangaz tanuksa? tárangiya. Itaru, iparingazis tanungtsa; saanangaztamari tanungtamtsa. Mazinangtsa: siyaam kizpur yutarita tushiychiya. Anush siysa: Yuw kiz mipshiri taaku an mang' ksachiya, táchpasa. ¿Tamaree kanxoo tumimtatarinaariya ksaja suwach? táchpasa. Kamungshishingaz zandkus, Machi nuwamun warangtayaru, pchachindama, táchpasa. Napancha: nuw wanasir taarangtaati, ¿nuwaa tamakimsinaya? Siyaa Irusarinshucheetsis misisinashaparee kiyung yachatssintsa, tárangiya Isusu tputseetsi.
Pachampaneetstam tsimbuna tputs machtarangana. Pachamaam naanata ashirangana, manga. Machip kusarangana. Machi muchuzi sura.
Anush kuseersin, Isusoo yasinamun pusandayarusin tstsarangana. Pachampaneetssha min mbutsunungich ningich tstsarangana. Minootssha mbazinungich arangich mang tstsarangana. Tstsaksin, Isussha: Apaa, tputsee waneerinllpa. Yasarazinllinaja; tárangiya Wapareetsi. Itaru, sundarsha Isusoo wamar ichinguru tusheersin, ¿chakaja Isusoo wamar yach? atusin, wichipat mang michitarangana. Tputssha napataranll ashirangana.
Utaáshuchsha urkar Isusoo wintsarpata michitarangana. ¿Tamasha nda shaantanasha kamungaksha? ¿Wanipaja tputsee istarangish, itaru shaanaatsisha xapookshawa? ¿Natu, kaapaniri Apanlleesha Ipusamarini nda kamungaksha? mang, tárangana Utaáshuch urkari.
Sundarsha Isusoo michitarangitamsina. Kshaa waaksin, Naani, kayunu wayani; tárangana. ¿Kaapaneesha Utaáshucheesha urkarish nda shaanaatstanasha tapachindaksha? mang tárangitamsina. Yasinamun, Isusumun iwazi yandamarini tstsarangana. Yandamarini kamanirangiya; Isus Utaáshuchcha urkari; átu kamanirangiya.
Sheeru, yutaritshishpan tputs, yuw Isusunung tstsarangana an, uwsha minamta yutarittam michitarangiya. Mang: ¿Kaapaniri shiy Apanlleezish Ipusamarini? Natu, shaanaatsi tapachindayarush, nuwaatstam istangandama. ¿Tamasha xapooksha? tárangiya Isusootsi. Itaru, minshat yutaritshishpan: Watsta; tárinllpa. Zamangi; tárangu. Waana Apanll iyaa yasachiya. Tsipakchitaatish, ¿tamasha shiy Apanlleetstaa nda puniksha? ¿Nitaati iyaa mangutaja tstsarangana? nda. Yaana yutarit taaranguni, iyaa anumand pachakanaya. Itaru, Isus wanasiriri taaranguwa. Ashiri shiysha zamangi; mang táyaru, Isuspasha tsiyatarangiya; Isusoo, yusur kuskachush, shiyamari kasiyarush, nuwaa mbizarinllpa; mang, tárangiya. Isussha: Mazinangcha nuwaa kuki, tárangu. Nat in shiy nuwapta kayunutam Apanllish taachiniya; tárangiya yutaritshishpaneetsi.

Zar wachamureetsi kizpur taapi ashirangiya. Zar kzata mang ashirangiya. Tsapsha tunee ashirangiya. Zapishsha, zar pukamchu, yusursha zar yakatan ashirangiya. Zar tapeeranllu, Apanllush pang' kamis ipusanand izichirangiya. Isussha kizpur mang tsiyatarangu, Apaa, kaneetsi ksariyshpa; yamangandama; táyaru, tsiparangiya.
Kapitansha anoo pakeeru, Apanlleerupa ashkiya. Isus wanasirimuncha tputsi; mang, tárangiya.
Tputs anush zapan mangu nashimangamaam shaniyaranganaya. Itaru, tputs Isusoo pacharangana anoo pakeersin, mang' punirustayarusin, titkuree tiyam tiyam shitarangsin, waptam kanapuranganaya, manga. Itaru, Isussha wamkur, kizaptatam, arapeetari naparangana. Wamkur watam sirú Isuspat ipunarusin, Galileyash tsap káyarusin, Irusarinash kusarangana. Uwshtisin Isusoo pacharangana anoo ichinguru mang parangana.

Isus tsipayaru, Ussha mappi átu, Pilaturinpat tsiyatarangiya. Us Utaáshuchee urkarimuntamcha; itaru Isusoo chinarangiya. Kizpur wanasirimuncha tputsi. Ndatuma Isus kuschu, uru Apanlleem Ipusamarini kutarangiya. Us Arímatíyshuchimuna yaktashchi tputsi. Kurak ichinguru Isusoo pachayani atitaatssin, Us anoo nda zandarangiya; Watsta mang tárangparee.
Ashiriya, Us Pilaturinpat tsiyatku, mashirangu; Isusurini yáyaruri mapchima; mang, tárangiya. Pilaturinsha ayu táyaru, Ussha Isusoo yaruwayaru, kamis mburshimashpat kuripeeru, patumbchish wachush wayarangiya. Mapshishush tsasush wayarangiya; tsipar nllitarit anush ndunimuna. Ashirucha, Us Isusoo anush mang wayarangiya. Viernesash zari tapeechu kanusamaam waritariya. Ashiri ndatuma zar tapeeru, zar pukamchu Isusoo mapuranganaya.
Kizatam Galileyshuchi Osiyash tachiteersin, parangana yuwash Isusoo wayarangu anootsi. Pakeersin, waptam kanapurangana. Kzammashee tsiparimun taparpani atusin, pangush mang yararangana. Yaram iwapayarusin, putamsha sápatush zari mang kanusarangana, watam Móysisarini kamachtamarini atuwa.
Yuwaa Isusoo pacharangana anoo tsiyatssis iwatspayana.

收聽 Lukasarini 23