<div class="version vid2076 iso6393kqa" data-vid="2076" data-iso6393="kqa">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">Kuyu kasiram</span></div><div class="ip"><span class="content">Kuyu avi Matyu y&#616;himb&#616;v&#616;rami n&#616;&#331;and&#616;hin, a&#331;gw&#616;m&#616;k&#616; ar&#616;kita ar&#616;kita ha&#241;&#616;ndu kima&#331;gima a&#331;gw&#616;m&#616;k&#616;, Jisas p&#616;r&#616; n&#616;&#241;&#616; k&#616;y&#616;hi muh&#616;m&#616;muh&#616;m vana y&#616;vurahamir&#616;m ambavarami. A&#331;gw&#616;m&#616;k&#616; kan&#616;&#331;and&#616;hin kima&#331;gima&#241;&#616; Maria Jisas&#616;&#331; kavuhi muh&#616;m&#616;muh&#616;m vana y&#616;vurahamir&#616;m, na&#331;ga Jisas&#616;&#331; y&#616;vutatamahu k&#616;muta savay&#616; k&#616;ta a&#331;ga yaham&#616;rata, nu&#331;and&#616; hati&#331; mitata Got&#616;ndu p&#616;huy&#616; yahumir&#616;m ambavarami.</span></div><div class="ip"><span class="content">Aru vana mu Matyu is&#616;huram&#616;r&#616;man vata and&#616;miha, n&#616;mata. Kuha Got sir&#616;t&#616;mbuta ambami ma&#241;a Jisas and&#616;hi kand&#616;s&#616;kw&#616;s&#616;kw&#616; y&#616;vurahamir&#616;m a&#331;gw&#616;m&#616;k&#616; at&#616;nduy&#616; y&#616;himb&#616;v&#616;ramu. Got kru mum&#616;&#331;ga&#331; s&#616;mb&#616;t&#616;n pata Israel hati&#331; a&#331;ga m&#616;&#331;&#616;mand&#616; vata sir&#616;t&#616;mbumi. Na&#331;ga a&#331;gw&#616;m&#616;k&#616; kan&#616;&#331;and&#616;hin Jisas&#616;r&#616;m kru kand&#616;hamanda n&#616;ma vata is&#616;huram&#616;r&#616;mand&#616;. Matyundu a&#331;gw&#616;m&#616;k&#616; kan&#616;&#241;&#616; kuyu samb&#616; muh&#616;m&#616;muh&#616;m vana Jisas and&#616;mir&#616;m is&#616;huramami. Kamata kuha kru Got&#616;ndu kuyu m&#616;&#331;ata ambavarandu ha&#331;&#616;n&#616;&#331; ambavaramu ha&#331;and&#616;hin kand&#616;s&#616;kw&#616;s&#616;kw&#616; y&#616;vurahami. Matyu 1.22-23, 2.4-6, 2.14-15, 2.23, 4.13-16, 8.16-17, 12.15-21, 13.34-35, 21.2-5, 21.16, 26.24, 26.31, 26.54, 27.6-10y&#616; &#331;gamara.</span></div><div class="ip"><span class="content">Aru vana mu a&#331;gw&#616;m&#616;k&#616; Matyuy&#616; ambami ha Got&#616;ndu t&#616;w&#616;y&#616; k&#616;y&#616;h&#616;y&#616;r&#616;m ambavarami. Jisas&#616;ndu s&#616;mb&#616;ray&#616; Got krunavundi s&#616;hana&#331;gandu aru miku y&#616;vurah&#616;r&#616;man vata and&#616;mi. Kamata krunavundi s&#616;hana&#331;ga nu&#331;and&#616; vana taya m&#616;&#331;ahandamu vata pir&#616; k&#616;ndi.</span></div><div class="ip"><span class="content">Matyundu a&#331;gw&#616;m&#616;k&#616;y&#616;, kuyu kuta&#331;guta ar&#616;kita ar&#616;kita m&#616;nzataya Jisas ambavarami. Kuyu kima&#331;gima ha Matyu 5&#8212;7y&#616; k&#616;y&#616;. Kand&#616;ha&#241;&#616; Jisas apu muy&#616; yahuta, krunavundi&#331; Got&#616;ndu t&#616;w&#616;y&#616; k&#616;y&#616;h&#616;y&#616;r&#616;m ambavarami. Ara kuyu kuta muha Matyu 10y&#616; k&#616;y&#616;. Kuyu kand&#616;ha&#241;&#616;, Jisas nu&#331;and&#616; s&#616;mb&#616;rasara ha&#331;&#616;n&#616;&#331;&#616;r&#616;m muh&#616;m&#616;muh&#616;m vana and&#616;nd&#616; p&#616;r&#616;v&#616;sa muvumuvu uta nu&#331;and&#616; kuyu krunavundi&#331; ambavaramu vata ambami.</span></div><div class="ip"><span class="content">Kuyu kuta muha Matyu 13y&#616;, Jisas t&#616;hi kuyu Got&#616;ndu t&#616;w&#616;y&#616; k&#616;y&#616;h&#616;y&#616; vanar&#616;m krunavundi&#331; is&#616;huramata ambavarami. Ara kuyu kuta muha Matyu 18y&#616;, Jisas krunavundi nu&#331;and&#616; s&#616;mb&#616;rasara s&#616;kw&#616; k&#616;y&#616;h&#616;y&#616;r&#616;m ambavarami. Kuyu kuta muha Matyu 24&#8212;25y&#616;, Jisas muh&#616;m&#616;muh&#616;m vana imb&#616;h&#616;v&#616; ha&#241;&#616; y&#616;vurah&#616;r&#616;mand&#616;r&#616;m ambavarami.</span></div><div class="ip"><span class="content">A&#331;gw&#616;m&#616;k&#616; kan&#616;&#331;and&#616;hin, kru nuhaya s&#616;kw&#616; y&#616;himb&#616;v&#616;rami vava kuyu ma&#331;g&#616;y&#616;. Hara a&#331;gw&#616;m&#616;k&#616; n&#616;, n&#616;mata &#241;&#616;mbi m&#616;&#331;ami. Kuyu avi Matyu y&#616;himb&#616;v&#616;rami. Matyur&#616;m n&#616;mata indar&#616;mitandu. Nu kru gavaman ndamar&#616;m t&#616;mbah&#616;r&#616;s m&#616;&#331;aras&#616;mi. Kuyu kan&#616;&#331;and&#616;hin Matyu 9.9-13y&#616; k&#616;y&#616;.</span></div>
        </div>
    </div>
</div>

Kuyu kasiram
Kuyu avi Matyu yɨhimbɨvɨrami nɨŋandɨhin, aŋgwɨmɨkɨ arɨkita arɨkita hañɨndu kimaŋgima aŋgwɨmɨkɨ, Jisas pɨrɨ nɨñɨ kɨyɨhi muhɨmɨmuhɨm vana yɨvurahamirɨm ambavarami. Aŋgwɨmɨkɨ kanɨŋandɨhin kimaŋgimañɨ Maria Jisasɨŋ kavuhi muhɨmɨmuhɨm vana yɨvurahamirɨm, naŋga Jisasɨŋ yɨvutatamahu kɨmuta savayɨ kɨta aŋga yahamɨrata, nuŋandɨ hatiŋ mitata Gotɨndu pɨhuyɨ yahumirɨm ambavarami.
Aru vana mu Matyu isɨhuramɨrɨman vata andɨmiha, nɨmata. Kuha Got sirɨtɨmbuta ambami maña Jisas andɨhi kandɨsɨkwɨsɨkwɨ yɨvurahamirɨm aŋgwɨmɨkɨ atɨnduyɨ yɨhimbɨvɨramu. Got kru mumɨŋgaŋ sɨmbɨtɨn pata Israel hatiŋ aŋga mɨŋɨmandɨ vata sirɨtɨmbumi. Naŋga aŋgwɨmɨkɨ kanɨŋandɨhin Jisasɨrɨm kru kandɨhamanda nɨma vata isɨhuramɨrɨmandɨ. Matyundu aŋgwɨmɨkɨ kanɨñɨ kuyu sambɨ muhɨmɨmuhɨm vana Jisas andɨmirɨm isɨhuramami. Kamata kuha kru Gotɨndu kuyu mɨŋata ambavarandu haŋɨnɨŋ ambavaramu haŋandɨhin kandɨsɨkwɨsɨkwɨ yɨvurahami. Matyu 1.22-23, 2.4-6, 2.14-15, 2.23, 4.13-16, 8.16-17, 12.15-21, 13.34-35, 21.2-5, 21.16, 26.24, 26.31, 26.54, 27.6-10yɨ ŋgamara.
Aru vana mu aŋgwɨmɨkɨ Matyuyɨ ambami ha Gotɨndu tɨwɨyɨ kɨyɨhɨyɨrɨm ambavarami. Jisasɨndu sɨmbɨrayɨ Got krunavundi sɨhanaŋgandu aru miku yɨvurahɨrɨman vata andɨmi. Kamata krunavundi sɨhanaŋga nuŋandɨ vana taya mɨŋahandamu vata pirɨ kɨndi.
Matyundu aŋgwɨmɨkɨyɨ, kuyu kutaŋguta arɨkita arɨkita mɨnzataya Jisas ambavarami. Kuyu kimaŋgima ha Matyu 5—7yɨ kɨyɨ. Kandɨhañɨ Jisas apu muyɨ yahuta, krunavundiŋ Gotɨndu tɨwɨyɨ kɨyɨhɨyɨrɨm ambavarami. Ara kuyu kuta muha Matyu 10yɨ kɨyɨ. Kuyu kandɨhañɨ, Jisas nuŋandɨ sɨmbɨrasara haŋɨnɨŋɨrɨm muhɨmɨmuhɨm vana andɨndɨ pɨrɨvɨsa muvumuvu uta nuŋandɨ kuyu krunavundiŋ ambavaramu vata ambami.
Kuyu kuta muha Matyu 13yɨ, Jisas tɨhi kuyu Gotɨndu tɨwɨyɨ kɨyɨhɨyɨ vanarɨm krunavundiŋ isɨhuramata ambavarami. Ara kuyu kuta muha Matyu 18yɨ, Jisas krunavundi nuŋandɨ sɨmbɨrasara sɨkwɨ kɨyɨhɨyɨrɨm ambavarami. Kuyu kuta muha Matyu 24—25yɨ, Jisas muhɨmɨmuhɨm vana imbɨhɨvɨ hañɨ yɨvurahɨrɨmandɨrɨm ambavarami.
Aŋgwɨmɨkɨ kanɨŋandɨhin, kru nuhaya sɨkwɨ yɨhimbɨvɨrami vava kuyu maŋgɨyɨ. Hara aŋgwɨmɨkɨ nɨ, nɨmata ñɨmbi mɨŋami. Kuyu avi Matyu yɨhimbɨvɨrami. Matyurɨm nɨmata indarɨmitandu. Nu kru gavaman ndamarɨm tɨmbahɨrɨs mɨŋarasɨmi. Kuyu kanɨŋandɨhin Matyu 9.9-13yɨ kɨyɨ.

收聽 Matyu Kuyu kasiram