<div class="version vid1297 iso6393etr" data-vid="1297" data-iso6393="etr">
 <div class="book bkRUT">
 <div class="chapter ch2" data-usfm="RUT.2">
 <div class="label">2</div><div class="ms">Uludia Boasa&#239;e sagaia mol&#246; hogola asi</div><div class="mr">(Uludi 2)</div><div class="s">Uludi e Boasa&#239;e sagaia hamoi hamosa nelo</div><div class="p"> 1Dol&#246; dafidilo &#235;i s&#228;lo af&#228;d&#235; &#239;e &#235;ida Boasa. Eda Naomi &#239;e egoa Elimelege baagoi amo&#239;e fii af&#228;d&#235;gila sosogo gadoi nelo.</div><div class="p"> 2Segeyo af&#228;d&#235;gi Uludia Naomima nabahalea, Na eladi gadoi &#235;ida bali sagaia damulo neebe amea damula hamoi hamosa neebea ami damui fisigisisi digafui dibe amo misila audulela nabi. Af&#228;d&#235;a &#239;e baagido hobeala misila aligi misialola s&#228;mol&#246;la hel&#235;s&#235;samel&#235;la s&#228;i. Amala s&#228;sebegi, Naomia s&#228;la ob&#235;g&#235;salea, N&#239;e nidiwi-e, dia amamalola s&#228;la &#239;. 3Amo nabalahil&#228; Uludi e aw&#228;la hamoi hamolo amoli baagido hobeala eladi gadoi bali g&#228;g&#228; neala gagaula aw&#228;ha nelo. Eladi gadoi bali sagai dilo amoda Elimelege sosogo Boasa&#239;e sagai dilo.</div><div class="p"> 4Boasa h&#239; e Bedeleheme nelolahil&#228; maala besela galai. E besela galahalea &#239;e hamoi hamosa nefolalo amolima s&#228;halea, Dafidilo Geloi e dilibal&#228; nami&#228;iamel&#235;la s&#228;i. Amala s&#228;sebegi, &#239;e hamoi hamolo nefolalo amolia emage, dige Dafidilo Geloia ugila negem&#228;iamel&#235;la s&#228;i. 5Boasaea &#239;e hamoi beaha aligilo nelo amoma nabahalea, Udia dol&#239;s&#228; neebe gagoweda now&#235;la nabi. 6Amala nabasebegi, hamoi beaha aligilo amea s&#228;la ob&#235;g&#235;salea, Udia dol&#239;s&#228; goda Moaba segeala Naomibal&#228; wi misi amo gabio. 7Ea nema nabahalea, Hamoi hamolo dol&#246; nefolalebego baagido eladi gadoi bali g&#228;g&#228; digafui dibego misila aligi hobeala mudulela nabasio. E yosefal&#239; maalahil&#228; hamoi hamosamu nelo amo gaso, hol&#246;fal&#239; hele fila aw&#228;lahil&#228; hamoi hamosa neagola s&#228;i. 8Amala s&#228;sebegi, Boasaea s&#228;halea, Udia dol&#239;s&#228;-o, sagai odoagi nofe dabiala auloeo. Gui udia hamoi hamolo nefolalebe go ilibal&#228; eladi gadoi bali g&#228;g&#228; gomu misisa namialo. 9Dol&#246; ilia hamoi hamosebego abidi hamosebelela f&#228;d&#228;la bealahil&#228; udiafal&#239;bal&#228; gegedola hamoi hahamola aw&#228;ha namialo. Dol&#246; wi nefolalebe golima, ilia dima nafade hamoloeola s&#228;imel&#235;. Di &#246;d&#228; mol&#246; hal&#228;seda, ilia &#246;d&#228; iigi usi di&#235; bimol&#246;mel&#235; amogi mualola s&#228;la &#239;. 10Boasaea ado amo s&#228;sebegi, Uludia nagadaia gumusula dia idogolahil&#228; Boasama s&#228;halea, Dia nema mala hedabi go hamosegoda mi edo&#239;e amaha. Neda sege wagadi made fii udia misi saleawela s&#228;i. 11Amala s&#228;sebegi, Boasaea s&#228;la ob&#235;g&#235;salea, D&#239;e digua baagolahil&#228; salea mala hedabi, diguamema hamoila s&#228;i amo nabimel&#235;. Dia d&#239;e dieme diadoge d&#239;e segege d&#239;g&#239;la udia dol&#246; dia dawa made beahage mel&#235;lo madebal&#228; namol&#246; misila s&#228;i amo nabimel&#235;. 12Dia mala hedabi hamoi amo&#239;e Godea dimage amo gadola hamom&#228;ia. Isilale&#239;e Dafidilo Geloi Godea dige amo gadola sigi nami&#228;ia. &#207;e augia hawa mus&#252;g&#228; namol&#246; misi go&#239;ege bidi edefade nim&#228;iamel&#235;la s&#228;la &#239;. 13Uludia s&#228;la ob&#235;g&#235;salea, Dol&#246; edefade-e, d&#239;e hamoi hamolo udia sefolalebe amolibal&#228; af&#228;d&#235;di made sulo amo dia ado hedabi nebal&#228; s&#228;i ameada ne neala gelolasimel&#235;. Amalahil&#228; dia nema mala hedabi hamom&#228;iala s&#228;la &#239;.</div><div class="p"> 14Mol&#246; mol&#246; nea Boasaea Uludima bu s&#228;halea, Wahalo gadoi beledi difolalebe gowegi gelebi &#235;f&#235; g&#228;g&#228; &#246;d&#228;bal&#228; gela mol&#246; guwi samol&#246; misi&#235;la s&#228;i. Amala s&#228;sebegi, Uludi e hamoi hamolo amolibal&#228; maala sebegi, Boasaea eladi gadoi bali gobei odoa amogi Uludi mu&#228;ia neala &#239; amo naala bolesalea odoa fea digai. 15Uludi e mol&#246; naha maadelahil&#228; aw&#228;la eladi gadoi bali amo bu misila aligi aw&#228;ha nelo. Uludi aw&#228;se gaalu, Boasaea &#239;e hamoi hamolo dol&#246; amolima s&#228;halea, Uludia eladi gadoi bali doboi dibeadi gogi nelea maaseda, ema nemomabio. 16Doboi dibea ami eladi gadoi bali gogi damusaleada odoa e neala gaum&#228;ia damula gui guila mosalo. Amo neala gausegida dilia ema nimabula s&#228;loeola s&#228;i.</div><div class="p"> 17Uludia eladi bali amo neala misisa nebegimu eso digala deadi. Ea amo misila neaha maadelahil&#228;, eladi gadoi bali amo mol&#246; mogela hedefala negei. Mol&#246; hedefala negei amo&#239;e y&#246;ida gilo nab&#252;lasi gadoi. 18Uludia eladi gadoi bali amo &#228;g&#252;la aw&#228;la mos&#246;a egoamema olei. Esoa helesalea mol&#246; nahalea fea digai &#228;g&#252;i amoge egoamegali mu&#228;ia neala &#239;. 19Amo gadola hamoi amo bealahil&#228; Naomia Uludima nabahalea, Dia walio eladi gadoi bali neala misila hamoi hahamola aw&#228;ha nelogoda dol&#246; now&#235;a sagaia hamosa nelola nabi. Dol&#246; dima hedabi hamolo gomada Geleiyesali Gode&#239;e obe&#228;g&#239;lasiloea eege obe&#228;g&#239;lasim&#228;iamel&#235;la s&#228;i. Amala s&#228;lebe Uludia s&#228;la ob&#235;g&#235;salea, Na eladi gadoi bali sagaia hamoi hamosa nelo amoda dol&#246; af&#228;d&#235; Boasaea sagaia hamosolomel&#235;la s&#228;la &#239;. 20Uludia ado amo s&#228;la &#239;asebegi, Naomia s&#228;halea, Dafidilo Geloi neebe ameada baagoi amolibal&#228;ge sebe welibal&#228;ge hamomol&#246;mel&#235;la s&#228;la negei amoda asialo made neebe ameada Boasa eege neala obe&#228;g&#239;lasim&#228;iala s&#228;hawela s&#228;i. Naomia bu s&#228;halea, Boasa goda dof&#228; nil&#239; sosogofal&#239; fii af&#228;d&#235; neamel&#235;. Al&#239; fidila negemol&#246;ge beaha namol&#246;ge mala dibe amo gadola dol&#246; goea hamomol&#246;mel&#235;la s&#228;la &#239;. 21Amala s&#228;sebegi, Uludia s&#228;halea, Eage nema ado af&#228;d&#235; gomal&#228; s&#228;sio. Neda &#239;e hamoi hamolo udia amolibal&#228; hamoi hahamola aw&#228;ha nea eladi gadoi bali misila modoala agusolo amo gala fisimalaimel&#235;la s&#228;la &#239;. 22Amala s&#228;lebe, Naomia Uludima s&#228;halea, Nidiwi-e, go s&#228;i go gadolafal&#239; Boasa&#239;e hamoi hamolo udia nefolalebegobal&#228; gedola &#239;e eladi gadoi bali sagaia guimu hamosa namialo. Dol&#246; el&#246;&#239;e eladi gadoi bali sagaido nofe dabiala aw&#228;seda, di neala nafadelasimol&#246; di&#235; bimol&#246;mel&#235;la s&#228;la &#239;.</div><div class="p"> 23Uludia Boasa&#239;e hamoi hamolo nefolalo amolibal&#228; eladi gadoi bali g&#228;g&#228;ge widi g&#228;g&#228;ge modoala dobola nelegela aw&#228;ha nelo amo gadola hamola wagalahil&#228; wagala afiase amo gadola modoala wagala asi. Mos&#246; midil&#246;da h&#239;le egoame salibal&#228; diahamu nea hamola afufusa nelo.</div>
 </div>
 </div>
</div>

Dolö dafidilo ëi sälo afädë ïe ëida Boasa. Eda Naomi ïe egoa Elimelege baagoi amoïe fii afädëgila sosogo gadoi nelo.
Segeyo afädëgi Uludia Naomima nabahalea, Na eladi gadoi ëida bali sagaia damulo neebe amea damula hamoi hamosa neebea ami damui fisigisisi digafui dibe amo misila audulela nabi. Afädëa ïe baagido hobeala misila aligi misialola sämolöla helësësamelëla säi. Amala säsebegi, Naomia säla obëgësalea, Nïe nidiwi-e, dia amamalola säla ï. Amo nabalahilä Uludi e awäla hamoi hamolo amoli baagido hobeala eladi gadoi bali gägä neala gagaula awäha nelo. Eladi gadoi bali sagai dilo amoda Elimelege sosogo Boasaïe sagai dilo.
Boasa hï e Bedeleheme nelolahilä maala besela galai. E besela galahalea ïe hamoi hamosa nefolalo amolima sähalea, Dafidilo Geloi e dilibalä namiäiamelëla säi. Amala säsebegi, ïe hamoi hamolo nefolalo amolia emage, dige Dafidilo Geloia ugila negemäiamelëla säi. Boasaea ïe hamoi beaha aligilo nelo amoma nabahalea, Udia dolïsä neebe gagoweda nowëla nabi. Amala nabasebegi, hamoi beaha aligilo amea säla obëgësalea, Udia dolïsä goda Moaba segeala Naomibalä wi misi amo gabio. Ea nema nabahalea, Hamoi hamolo dolö nefolalebego baagido eladi gadoi bali gägä digafui dibego misila aligi hobeala mudulela nabasio. E yosefalï maalahilä hamoi hamosamu nelo amo gaso, holöfalï hele fila awälahilä hamoi hamosa neagola säi. Amala säsebegi, Boasaea sähalea, Udia dolïsä-o, sagai odoagi nofe dabiala auloeo. Gui udia hamoi hamolo nefolalebe go ilibalä eladi gadoi bali gägä gomu misisa namialo. Dolö ilia hamoi hamosebego abidi hamosebelela fädäla bealahilä udiafalïbalä gegedola hamoi hahamola awäha namialo. Dolö wi nefolalebe golima, ilia dima nafade hamoloeola säimelë. Di ödä molö haläseda, ilia ödä iigi usi dië bimolömelë amogi mualola säla ï. Boasaea ado amo säsebegi, Uludia nagadaia gumusula dia idogolahilä Boasama sähalea, Dia nema mala hedabi go hamosegoda mi edoïe amaha. Neda sege wagadi made fii udia misi saleawela säi. Amala säsebegi, Boasaea säla obëgësalea, Dïe digua baagolahilä salea mala hedabi, diguamema hamoila säi amo nabimelë. Dia dïe dieme diadoge dïe segege dïgïla udia dolö dia dawa made beahage melëlo madebalä namolö misila säi amo nabimelë. Dia mala hedabi hamoi amoïe Godea dimage amo gadola hamomäia. Isilaleïe Dafidilo Geloi Godea dige amo gadola sigi namiäia. Ïe augia hawa musügä namolö misi goïege bidi edefade nimäiamelëla säla ï. Uludia säla obëgësalea, Dolö edefade-e, dïe hamoi hamolo udia sefolalebe amolibalä afädëdi made sulo amo dia ado hedabi nebalä säi ameada ne neala gelolasimelë. Amalahilä dia nema mala hedabi hamomäiala säla ï.
Molö molö nea Boasaea Uludima bu sähalea, Wahalo gadoi beledi difolalebe gowegi gelebi ëfë gägä ödäbalä gela molö guwi samolö misiëla säi. Amala säsebegi, Uludi e hamoi hamolo amolibalä maala sebegi, Boasaea eladi gadoi bali gobei odoa amogi Uludi muäia neala ï amo naala bolesalea odoa fea digai. Uludi e molö naha maadelahilä awäla eladi gadoi bali amo bu misila aligi awäha nelo. Uludi awäse gaalu, Boasaea ïe hamoi hamolo dolö amolima sähalea, Uludia eladi gadoi bali doboi dibeadi gogi nelea maaseda, ema nemomabio. Doboi dibea ami eladi gadoi bali gogi damusaleada odoa e neala gaumäia damula gui guila mosalo. Amo neala gausegida dilia ema nimabula säloeola säi.
Uludia eladi bali amo neala misisa nebegimu eso digala deadi. Ea amo misila neaha maadelahilä, eladi gadoi bali amo molö mogela hedefala negei. Molö hedefala negei amoïe yöida gilo nabülasi gadoi. Uludia eladi gadoi bali amo ägüla awäla mosöa egoamema olei. Esoa helesalea molö nahalea fea digai ägüi amoge egoamegali muäia neala ï. Amo gadola hamoi amo bealahilä Naomia Uludima nabahalea, Dia walio eladi gadoi bali neala misila hamoi hahamola awäha nelogoda dolö nowëa sagaia hamosa nelola nabi. Dolö dima hedabi hamolo gomada Geleiyesali Godeïe obeägïlasiloea eege obeägïlasimäiamelëla säi. Amala sälebe Uludia säla obëgësalea, Na eladi gadoi bali sagaia hamoi hamosa nelo amoda dolö afädë Boasaea sagaia hamosolomelëla säla ï. Uludia ado amo säla ïasebegi, Naomia sähalea, Dafidilo Geloi neebe ameada baagoi amolibaläge sebe welibaläge hamomolömelëla säla negei amoda asialo made neebe ameada Boasa eege neala obeägïlasimäiala sähawela säi. Naomia bu sähalea, Boasa goda dofä nilï sosogofalï fii afädë neamelë. Alï fidila negemolöge beaha namolöge mala dibe amo gadola dolö goea hamomolömelëla säla ï. Amala säsebegi, Uludia sähalea, Eage nema ado afädë gomalä säsio. Neda ïe hamoi hamolo udia amolibalä hamoi hahamola awäha nea eladi gadoi bali misila modoala agusolo amo gala fisimalaimelëla säla ï. Amala sälebe, Naomia Uludima sähalea, Nidiwi-e, go säi go gadolafalï Boasaïe hamoi hamolo udia nefolalebegobalä gedola ïe eladi gadoi bali sagaia guimu hamosa namialo. Dolö elöïe eladi gadoi bali sagaido nofe dabiala awäseda, di neala nafadelasimolö dië bimolömelëla säla ï.
Uludia Boasaïe hamoi hamolo nefolalo amolibalä eladi gadoi bali gägäge widi gägäge modoala dobola nelegela awäha nelo amo gadola hamola wagalahilä wagala afiase amo gadola modoala wagala asi. Mosö midilöda hïle egoame salibalä diahamu nea hamola afufusa nelo.

收聽 Uludi 2